ប៉ូលិស​ខេត្តកំពត​អប់រំ​អ្នកញៀន​ថ្នាំ ​៣ ​នាក់​ និង​បង្ក្រាបបាន​ម្នាក់​

    កំពត ៖ ប៉ូលិស​ខេត្តកំពត​បាន​កោះហៅ​អ្នកញៀន​ថ្នាំ​ ៣ ​នាក់​រួមជាមួយ​អាណាព្យាបាល​មក​ធ្វើ​កិច្ចសន្យា​ឱ្យ​បញ្ឈប់​សេព​គ្រឿងញៀន​នៅ​ចំពោះមុខ​សមត្ថកិច្ច ​និង​បង្ក្រា​ប​ករណី​ជួញដូរ​គ្រឿងញៀន​បាន​ម្នា​ក់នៅ​ស្រុក​អង្គរជ័យ។​

    ករណី​ទី​១- ប៉ូលិស​ស្រុក​ជុំ​គី​រី នៅ​ថ្ងៃទី០៦ ខែមករា ឆ្នាំ​២០១៧ វេលា​ម៉ោង៨ ​និង៣០​នាទី​បាន​សហការ​ជាមួយ​កម្លាំង​ប៉ុស្តិ៍​រដ្ឋបាល ត្រពាំង​រាំង បាន​កោះហៅ​អ្នក​ដែលមាន​ផ្ទុក​សារធាតុ​ញៀន​ក្នុង​ខ្លួន មក​សាកសួរ​ព័ត៌មាន និង​ធ្វើ​ការអប់រំ ចុះកិច្ចសន្យា និង​អញ្ជើញ​ឪពុក​-​ម្តាយ បងប្អូន ធានា​យកទៅ​មណ្ឌល​កែប្រែបាន​ចំនួន ០៣​ នាក់ នៅ​ភូមិ​ត្រពាំងវែង ឃុំ​ត្រពាំង​រាំង ស្រុក​ជុំ​គី​រី ខេត្តកំពត។​

    ប៉ូលិស​និយាយថា ជនសង្ស័យរួមមាន ១.​ឈ្មោះ ប៉ាក សុខ​ឃឿន ភេទ​ប្រុស អាយុ៣៤​ឆ្នាំ, ២.​ឈ្មោះ នៅ តឿ ភេទ​ប្រុស អាយុ២៩​ឆ្នាំ និង៣.​ឈ្មោះ ង៉ែត យុ​ទ្ធា ភេទ​ប្រុស អាយុ ២៣​ឆ្នាំ។ អ្នក​ទាំងបី​យល់ព្រម និង​ធ្វើ​កិច្ចសន្យា​ខាងលើ ដើម្បី​កែខ្លួន។​

    ករណី​ទី​២-​ប៉ូលិស​ស្រុក​អង្គរជ័យ នៅ​ថ្ងៃទី០៦ ខែមករា ឆ្នាំ​២០១៧ វេលា​ម៉ោង១១ ​និង​៤៥​នាទី បាន​បង្ក្រាប​មុខសញ្ញា​ចែកចាយ និង​ប្រើប្រាស់​ថ្នាំញៀន នៅ​ភូមិ​ក្រសាំង ឃុំ​ចំប៉ី ស្រុក​អង្គរជ័យ ដោយឃាត់ខ្លួន​ជនសង្ស័យ​បានម្នាក់។​

    ប៉ូលិស​និយាយថា ជនសង្ស័យ​ឈ្មោះ ស៊ន ដឿ​ន ភេទ​ប្រុស អាយុ២២​ឆ្នាំ និង​ដកហូត​បាន​ថ្នាំញៀន​ចំនួន ០២​ កញ្ចប់​តូច។ បច្ចុប្បន្ន​ជនសង្ស័យ​កំពុង​កសាង​សំណុំរឿង​ដើម្បី​អនុវត្តតាម​នីតិវិធី​ច្បាប់៕

adverise with khmeread