ប៉ូលិស​ខេត្តសៀមរាប​ឃាត់​ជនសង្ស័យ ​៣​ នាក់ ពាក់ព័ន្ធ​គ្រឿងញៀន​

    សៀមរាប ៖ កម្លាំង​ប៉ូលិស​ការិយាល័យ​ប្រឆាំង​គ្រឿងញៀន ដោយបាន​ការចូលរួម​សហការ​ពី​កម្លាំង​ប៉ុស្តិ៍​រដ្ឋបាល​សង្កាត់​គោកចក និង​កម្លាំង​ប្រជា​ការពារ​ភូមិ​បាន​ចុះបង្ក្រាប​ករណី​រក្សាទុក និង​ជួញដូរ​ដោយ​ខុសច្បាប់​នូវ​សារធាតុ​ញៀន​នៅក្នុង​កន្លែង​អ៊ិន​ធើ​ណេ​ត យីហោ​៧៧៧៧ ស្ថិតនៅ​ភូមិ​សាលាកន្សែង សង្កាត់​ស្វាយដង្គំ ក្រុង​/​ខេត្តសៀមរាប​នៅវេលា​ម៉ោង១២ ​និង​៣០​នាទី អា​ធ្រា​ត្រ​ថ្ងៃទី​០៧ ខែមករា ឆ្នាំ​២០១៧ ឃាត់ខ្លួន​ជនសង្ស័យ ៣​ នាក់​។​

    លោក​វរៈសេនីយ៍ទោ អ៊ុំ សា​អាត នាយប៉ូលិស​ការិយាល័យ​ប្រឆាំង​គ្រឿងញៀន​បានឱ្យដឹងថា ជនសង្ស័យ ១-​ឈ្មោះ ម៉ី សុធា ភេទ​ប្រុស អាយុ ២០​ឆ្នាំ មុខរបរ​គ្មាន មាន​ទីលំនៅ​ភូមិ​តាវៀន​សង្កាត់​សាលា​កំរើក ក្រុង​/​ខេត្តសៀមរាប (​រក្សាទុក​និង​ជួញដូរ​) (​មាន​សារធាតុ​ញៀន​ក្នុង​ខ្លួន​), ២-​ឈ្មោះ សឿន សំណាង ភេទ​ប្រុស អាយុ២៧​ឆ្នាំ មុខរបរ​រត់​ម៉ូតូឌុប មាន​ទីលំនៅ​ភូមិ​ត្បូង​ដំរី ឃុំ​គ្រាំងធ្នង់ ស្រុក​បាទី ខេត្តតាកែវ សព្វថ្ងៃ​ស្នាក់នៅ​បន្ទប់​ជួល​ភូមិ​វាល សង្កាត់​គោកចក​ក្រុង ខេត្តសៀមរាប (​ចាត់ចែង​) (​មាន​សារធាតុ​ញៀន​ក្នុង​ខ្លួន​)​ និង​៣-​ឈ្មោះ ច័ន្ទ រស្មី ភេទ​ប្រុស​ អាយុ​២៥​ឆ្នាំ មុខរបរ​ចុងភៅ មាន​ទីលំនៅ​ខណ្ឌដូនពេញ សង្កាត់​ចតុមុខ សព្វថ្ងៃ​ស្នាក់នៅ​ភូមិ​មណ្ឌល​០១ សង្កាត់​ស្វាយដង្គំ ក្រុង​-​ខេត្តសៀមរាប (​ចាត់ចែង​) (​មាន​សារធាតុ​ញៀន​ក្នុង​ខ្លួន)​។​

    លោកនាយ​ការិយាល័យ​បាន​បន្តថា វត្ថុតាង​ដែល​សមត្ថកិច្ច​ដកហូត​បាន​មាន៖ ​ម្សៅ​មេ​តំ​ហ្វេ​តា​មីន ​(​ម៉ា​ទឹកកក​) ​ចំនួន ០១ ​កញ្ចប់ ទំងន់​០,៥​ក្រាម​,​ ទូរស័ព្ទដៃ​ចំនួន ០១ ​គ្រឿង​, ​ម៉ូតូ​ចំនួន ០១​ គ្រឿង​ម៉ាក​ហុងដា​ឌ្រី​ម​C125 ពណ៌​ខ្មៅ​ស៊េរី​ឆ្នាំ​២០០៥ ពាក់​ស្លាកលេខ សៀមរាប 1M- 4331 និង ឧបករណ៍ប្រើប្រាស់​ថ្នាំញៀន​មួយចំនួនទៀត​។​

    បច្ចុប្បន្ន​ជនសង្ស័យ​ត្រូវបាន​សមត្ថកិច្ច​នគរ​បាល​ប្រឆាំង​គ្រឿងញៀន​កសាង​សំណុំរឿង​បញ្ចូនទៅ​សាលាដំបូង​ខេត្តសៀមរាប​ចាត់ការ​តាម​នីតិវិធី​ច្បាប់​៕​

adverise with khmeread