គ្រោះថ្នាក់​បុក​ ៤ ​ត្រួត​ស្លាប់ ​២ ​នាក់​របួសធ្ងន់ ​២ ​នាក់​នៅ​ស្រុក​មុខកំពូល​

    កណ្តាល ៖ មាន​ករណី​គ្រោះថ្នាក់​ចរាចរណ៍ ដ៏​រន្ធត់​មួយ​កើតឡើង​រវាង រថយន្ត​និង​ម៉ូតូ​២​គ្រឿង​បណ្តាល​ឱ្យ​របួសធ្ងន់​មនុស្ស​ចំនួន​២​នាក់ និង​ស្លាប់​២​នាក់​ភ្លាម,​ ខូចខាត​ម៉ូតូ ​២ ​គ្រឿង​ និង​រថយន្ត​១​គ្រឿង​នៅ​ថ្ងៃទី​០៧​ មករា ​២០១៧​ វេលា​ម៉ោង​៨​ និង​១០​នាទី​យប់​លើផ្លូវ​ជាតិ​លេខ​៦ ចន្លោះ​គីឡូម៉ែត្រ​លេខ​24-25 ស្ថិតក្នុង​ភូមិ​លើ ឃុំ​ព្រែក​អញ្ចាញ ស្រុក​មុខកំពូល​ ខេត្តកណ្តាល​។​

    ប៉ូលិស​និយាយថា គ្រោះថ្នាក់​នេះ​បង្កឡើង​ដោយ​ម៉ូតូ​ម៉ាក​ហុងដា​C125 ​ពណ៌​ខ្មៅ ​ពាក់​ស្លាកលេខ​ភ្នំពេញ​ 1DE-9762 បើកបរ​ដោយ​ឈ្មោះ ស៊ី សៀក ភេទ​ប្រុស​ អាយុ​២៨​ឆ្នាំ​ មាន​ទីលំនៅ​ភូមិ​តាំង​ជ្រៃ ​ឃុំ​សណ្ដែក ស្រុក​បាធាយ​ ខេត្តកំពង់ចាម មាន​ឌុប​មនុស្ស​ម្នាក់​ពីក្រោយ​ឈ្មោះ ​ផាន់ សុធា​រ៉ា ​ភេទ​ស្រី​ អាយុ​១៧​ឆ្នាំ មាន​ទីលំនៅ ភូមិ​ដូន​រាម​ ឃុំ​ស្ដៅ​កោង​ ស្រុក​បាភ្នំ​ ខេត្តព្រៃវែង។​

    ម៉ូតូ​នេះ​បានធ្វើ​ដំណើរ​ពី​ត្បូង​ទៅ​ជើង លុះ​មកដល់​ចំណុចកើតហេតុ​បានមក​បុក​រថយន្ត​០១​គ្រឿង​ម៉ាក ​C.R.V ពណ៌​សំបក​ឱ​ឡឹ​កពាក់ស្លាកលេខ ភ្នំពេញ​ 2D-8848 បើកបរ​ដោយ​ឈ្មោះ ស ហៀ​ង ភេទ​ស្រី អាយុ​២៧​ឆ្នាំ មាន​ទីលំនៅ​ផ្ទះ​លេខ​22​ ផ្លូវ​339 ភូមិ​៥ សង្កាត់​បឹងកក់​១ ​ខណ្ឌទួលគោក ដែល​ធ្វើដំណើរ​ពី​ជើង​ទៅ​ត្បូង បណ្ដាល​ឱ្យ​ម៉ូតូ​ដួល​នៅលើ​ទ្រូងផ្លូវ​។​

    ស្របពេលនោះ​ក៏មាន​រថយន្ត​១​គ្រឿង​មិន​ស្គាល់​ម៉ាក​មកពី​ទិស​ខាងត្បូង បានមក​កិន​មនុស្ស​ដែល​ដួល​ទាំង​០២​នាក់​នោះ​បណ្ដាលឱ្យ​ស្លាប់​នៅ​កន្លែងកើតហេតុ​ទាំង​០២​នាក់​តែម្តង។​ ស្របពេល​នោះដែរ ក៏មាន​ម៉ូ​​តូ ​០១​ គ្រឿង​ទៀត​ម៉ាក​ហុងដា​C125 ​ពណ៌​ខ្មៅ​ពាក់ស្លាកលេខ​ភ្នំពេញ ​1FD-6678 អ្នកបើកបរ ​(​មិន​ស្គាល់ឈ្មោះ​ដោយ​សន្លប់​បាត់​ស្មា​តី​) និង​មាន​ឌុប​មនុស្ស​ម្នាក់​ពីក្រោយ​(​មិន​ស្គាល់ឈ្មោះ​សន្លប់​បាត់​ស្មា​តី​)​ធ្វើដំណើរ​ពី​ត្បូង​ទៅ​ជើង បានមក​បុក​ម៉ូតូ​ហុងដា​ខាងលើ​នោះ​បន្ថែម​បណ្ដាលឱ្យ​របួសធ្ងន់ ដល់​អ្នកជិះ​ម៉ូតូ​ដែល​មិន​ស្គាល់ឈ្មោះ​ទាំង​០២​នាក់​ថែមទៀត។​

    បន្ទាប់មក​ប៉ូលិស​បាន​ចាត់ចែង ប​ញ្ចូ​ន​ជនរងគ្រោះ​ទៅ​សង្គ្រោះ​ព្យាបាល​នៅ​មន្ទីរពេទ្យ​ភ្នំពេញ។ ​ចំពោះ​សព​ទាំង​០២​នាក់ បានប្រគល់​ជូន​ក្រុម​គ្រួ​សារ​យកទៅ​ធ្វើបុណ្យ​តាម​ប្រពៃណី​។ ចំណែក​អ្នកបើកបរ​រថយន្ត បាន​ឃាត់ខ្លួន​នៅ​អធិការដ្ឋាន​ប៉ូលិស​ស្រុក​មុខកំពូល​។​ ​រីឯ​រថយន្ត​និង​ម៉ូតូ​ទាំង​០២​បាន យកមក​រក្សាទុក​នៅ​ស្រុក​មុខកំពូល​។​

    មូលហេតុ​នៃ​គ្រោះថ្នាក់​នេះ​បណ្ដាលមកពី​ក្រុមហ៊ុន​ចិន​ជួសជុល​ផ្លូវ ហើយ​ចិន​បិទផ្លូវ​មួយ​ចំហៀង៕

Untitled 1
adverise with khmeread
Loading ad ...