adverise with khmeread 1

រឿងក្តី Messi នឹង​ចាប់ផ្តើម​នៅ​ថ្ងៃទី ៣១ ខែឧសភា​ខាងមុខ​

តុលាកា​យុត្តិធម៌​កំពូល​កាតា​ឡាន​បានប្រកាសថា កីឡាករ Messi និង​ឪពុក​របស់គាត់​នឹងត្រូវ​បង្ហាញមុខ​នៅ​តុលាការ​ក្នុងករណី​ល្មើស​ពន្ធ​ចំនួន​បី​រវាង​ថ្ងៃទី ៣១ ឧសភា ដល់ ថ្ងៃទី ៣ មិថុនា​។​

​នៅក្នុង​ការចោទប្រកាន់​នោះ ការិយាល័យ​រដ្ឋអាជ្ញា​សាធារណៈ​បានស្នើ​ឲ្យ​មានការ​កាត់ទោស​ជាប់ពន្ធនាគារ ១៨ ខែ ចំពោះ​លោក Jorge Horacio Messi (​ឪពុក Messi) ដោយសារ​បង់ពន្ធ​តែ ៤,១ លាន​យ៉ូ​រ៉ូ​។

​ទោះជា​យ៉ាងនេះ​ក៏ដោយ ករណី​រឿងក្តី​នេះ​ត្រូវបាន​គេ​ស្នើ​មិន​ឲ្យ​មានការ​ប្រឆាំងនឹង​កីឡាករ​បាល់ទាត់​រូបនេះ​ទេ បើទោះជា​គាត់​ជា​កម្មវត្ថុ​នៃ​បណ្តឹង​នេះ​ក៏ដោយ ហើយ​គេ​ដឹងថា គាត់​មិន​បានដឹង​អំពី​បទល្មើស​នេះ​ទេ​។​

​ទោះជា​យ៉ាងនេះ​ក៏ដោយ កីឡាករ​រូបនេះ​នឹង​ប្រឈមមុខ​ចំពោះ​រឿងក្តី​នេះ បន្ទាប់ពី​សេវា​ផ្នែក​ច្បាប់​របស់​រដ្ឋ​បាន​គាំទ្រ​ការចោទប្រកាន់​ប្រឆាំងនឹង​គាត់ ហើយនឹង​ស្វះស្វែង​ដាក់ទោស​ចំនួន ២២ ខែ ដូច​ករណី​របស់​ឪពុក​របស់លោក​ចំពោះ​បទល្មើស​ពន្ធ​ចំនួន​បី​ករណី​។​

​ឪពុក​កីឡាករ Messi និយាយថា គាត់​នឹង​ព្រម​ទទួលខុសត្រូវ​ចំពោះ​កិច្ចការ​សារពើពន្ធ​របស់​កូនប្រុស​របស់គាត់ ប៉ុន្តែ​ការពិនិត្យ​របស់​ចៅក្រម​បាន​ព្រមព្រៀងគ្នា​ដើម្បី​បន្ត​រឿងក្តី​ដើម្បី​ប្រឆាំងនឹង​កីឡាករ Messi និង​ការសម្រេចចិត្ត​ដែល​ត្រូវ​បានផ្តល់​សច្ចាប័ន​ជាប​ន្ត​បន្ទាប់​ដោយ​តុលាការ​កំពូល Barcelona​។​

​រឿងក្តី​នេះ​នឹងធ្វើ​ឡើង​បី​ថ្ងៃ​បន្ទាប់ពី​ការប្រកួត​វគ្គ​ផ្តាច់ព្រ័ត្រ Champions League និង​មុន​បី​ថ្ងៃ​ពេល​ក្រុម​ជម្រើសជាតិ​អា​ហ្ស​ង់​ទីន​ចាប់ផ្តើម​រៀបចំខ្លួន​សម្រាប់​បាល់ទាត់ Centennial Copa América ២០១៦ ដែល​សហរដ្ឋអាមេរិក​នឹង​ធ្វើជា​ម្ចាស់ផ្ទះ​សម្រាប់​ការប្រកួត​មួយចំនួន​ក្នុង​កម្មវិធី​៕

 

adverise with khmeread

មតិយោបល់