មាន​គ្នា​តែ ​២ ​នាក់សោះ​ឈ្លោះ​កាប់​គ្នា​ទៅ​កើត​!

    កណ្តាល ៖ ស្រុក​ខ្សាច់កណ្តាល​បាន​ឃាត់​បុរស​ម្នាក់​បន្ទាប់ពី​បា​នប្រើ​អំពើហិង្សា​ដោយ​ចេតនា កាលពី​ថ្ងៃទី​០៨​ មករា ​២០១៧ វេលា​ម៉ោង១ ​និង​៣០​នាទី ចំណុច​ភូមិព្រែក​ល្វា ឃុំព្រែក​តា​កូវ ស្រុក​ខ្សាច់កណ្ដាល ខេត្តកណ្ដាល។​

    ប៉ូលិស​និយាយថា ជនរងគ្រោះ​ឈ្មោះ អឿន អួន ភេទ​ប្រុស អាយុ ២៥ ឆ្នាំ ជនជាតិខ្មែរ មុខរបរ​កសិករ មាន​ទីលំនៅ​ភូមិ​ឃុំ​កើតហេតុ (​មាន​របួស​ក​ដេរ​១០​ថ្នេរ​)។ ​ចំណែក​ជនសង្ស័យ ឈ្មោះ ហ៊ុយ ស៊ី​ម៉េង ភេទ ប្រុស អាយុ ២០ ឆ្នាំ ជនជាតិខ្មែរ មុខរបរ​មិន​ពិតប្រាកដ មាន​ទីលំនៅ ភូមិ​ឃុំ​កើតហេតុ (​ឃាត់ខ្លួន)។ ​វត្ថុតាង​ចាប់យក កាំបិត​បុ័ងតោ ១ ​និង កាំបិត​ចុង​ស្រួច ១។​

    ប៉ូលិស​បន្តថា នៅ​ថ្ងៃទី​០៧​ មករា ​២០១៧ ម៉ោង​១១​យប់​ជនសង្ស័យ ​និង​ជនរងគ្រោះ​មកពី​ហូប​ការ​គេ​ភូមិ​ព្រែ​កតា​ទេព ឃុំ​ព្រែក​លួង ហើយ​បាននាំគ្នា​ចូលមក​ផឹកស្រា​បន្តទៀត​នៅលើ​គ្រែ​មុខផ្ទះ​ឈ្មោះ​ ផាត ​ភេទ​ប្រុស ​អាយុ​ ៦០ ​ឆ្នាំ​នៅ​ភូមិ ឃុំ កើតហេតុ ផឹក​រហូតដល់​ម៉ោង​១ ​និង​៣០​នាទី​ឈាន​ចូលដល់​ថ្ងៃទី​០៨ ​មករា​ ២០១៧។​

    បន្ទាប់មក អ្នក​ទាំង​០២​ក៏មាន​ទំនាស់​ពាក្យសំដី​នឹង​គ្នា ហើយ​ជនរងគ្រោះ​បាន​វាយ​ជនសង្ស័យ មួយ​ដៃ​ត្រូវ​មុខ។ ឯ​ជនសង្ស័យ​បាន​យក​ចាន​វាយ​ក្បាល​ជនរងគ្រោះ​វិញ តែ​វាយ​មិនត្រូវ។ ​ក្រោយមក​ជនសង្ស័យ​បាន​រត់​ចូលទៅ​ក្រោមផ្ទះ​ឈ្មោះ​ ហេង ​ភេទស្រី ​អាយុ​៥៦​ឆ្នាំ ​នៅ​ជិត​កន្លែងកើតហេតុ​នោះដែរ យកបាន​កាំបិត​ពីរ​មកកាន់​គឺ​ដៃ ម្ខាង​កាន់​កាំបិត​បុ័ងតោ​,​ ឯ​ដៃ​ម្ខាង​ទៀត កាន់​កាំបិត​ចុង​ស្រួច​ស្រែកហៅ​ជនរងគ្រោះឱ្យ​ចូលមក​កាប់​គ្នា។​

    ពេលនោះ​ជនរងគ្រោះ កាន់​ខ្សែក្រវ៉ាត់​ដើរ​សំដៅ​ទៅរក​ជនសង្ស័យ បន្ទាប់មក​ក៏មាន​ការ​ប្រវាយតប​គ្នា​ ជនសង្ស័យ​បាន​កាប់​និង​កាំបិត​ចុង​ស្រួច ត្រូវ​ក​ជនរងគ្រោះ​បណ្តាលឱ្យមាន​របួស​ដេរ​១០​ថ្នេរ។​

    លុះដល់​វេលា​ម៉ោង​៨​ព្រឹក​ថ្ងៃទី​០៨​ មករា ​២០១៧ ជនរងគ្រោះ​បានមក​ដាក់ពាក្យ​បណ្ដឹង​នៅ​ប៉ុស្តិ៍​ព្រែ​កតា​កូវ​កម្លាំង​ប៉ុស្តិ៍​ចុះ​ស្រាវជ្រាវ​ឃាត់ខ្លួន​ជនសង្ស័យ​បញ្ជូនមក​អធិការដ្ឋាន​ប៉ូលិស​ស្រុក​បន្ត​អនុវត្តតាម​នីតិវិធី៕

Untitled 1 adverise with khmeread

មតិយោបល់