តុលាការផ្តន្ទាទោសឲ្យបុរសម្នាក់ជាប់ពន្ធនាគារ២២ឆ្នាំ ដោយសារលួចតេឡេទូរទស្សន៍

          បុរស​ម្នាក់​ត្រូវ​តុលាការ​ផ្តន្ទាទោស​ដាក់​ពន្ធនាគារ​រយៈ​ពេល​២២​ឆ្នាំ​ បន្ទាប់​ពី​ត្រូវ​បាន​ចាប់ខ្លួន​ពីបទ​លួច​តេឡេទូរទស្សន៍​ចេញពី​ផ្ទះជា​ច្រើន​។

          Eric Bramwell ត្រូវ​បាន​ផ្តន្ទាទោស​ឲ្យ​ជាប់​ពន្ធនាគារ​យ៉ាងហោចណាស់​ពាក់​កណ្តាល​នៃទោស​របស់គាត់​ក្រោយពីត្រូវ​ប៉ូលិស​ខាត់ខ្លួន​ បន្ទាប់ពី​ចូល​លួច​យក​តេឡេជា​បន្ត​បន្ទាប់។ បុរសវ័យ​៣៥​ឆ្នាំ​រូបនេះ​បាន​លួច​តេឡេ​ពី​អាគារផ្ទះ​ល្វែង​ជា​ច្រើន​ខ្នង​នៅរដ្ឋ Illinois សហរដ្ឋអាមេរិក។

          បុរសរូបនេះ​បន្សល់​ទុក​ស្រោម​ដៃ​ដែល​មាន​ស្លាកស្នាម​ DNA នៅ​កន្លែង​កើត​ហេតុ​នៅ​ថ្ងៃទី​១​ខែសីហា​ឆ្នាំ​២០១៥។ លោក Bramwell ប្រឈម​មុខ​នឹងការ​ជាប់​ពន្ធនាគារ​៣០​ឆ្នាំ​ ដោយ​សារតែ​ប្រវត្តិនៃបទល្មើស​នេះ​កើត​ឡើងច្រើន​លើក​ច្រើន​និង​ជាយូរមកហើយ។

          តុលាការបង្គាប់ឲ្យ​បុរសម្នាក់នេះ អនុវត្តទោស​យ៉ាងណាស់​ពាក់​កណ្តាល​នៃ​ទោស​២២​ឆ្នាំ​របស់​គាត់៕

ប្រភព៖បរទេស

adverise with khmeread

អ្នកនឹងចូលចិត្ត