សមត្ថកិច្ច​ចម្រុះ​ចាប់​ជនសង្ស័យ ​២ ​នាក់​ជួញដូរ​គ្រឿងញៀន​

    ភ្នំពេញ ៖ ជនសង្ស័យ​២​នាក់​ពាក់ព័ន្ធ​ករណី​ជួញដូរ​ដោយ​ខុសច្បាប់​នូវ​សារធាតុ​ញៀន​ត្រូវបាន​ប៉ូលិស​ចាប់ខ្លួន​កាលពី​ថ្ងៃទី​១២ ​មករា ​២០១៧ វេលា​ម៉ោង​៦​ល្ងាច​នៅ​ចំណុច​ក្នុង​បន្ទប់​ផ្ទះជួល​លេខ​៣១០ ផ្លូវ​បេតុង ក្រុមទី​០៤ ភូមិទ្រា​២ សង្កាត់ស្ទឹងមានជ័យ ខណ្ឌមានជ័យ រាជធានី​ភ្នំពេញ។

    ប៉ូលិស​និយាយថា កម្លាំង​ប៉ូលិស​ខណ្ឌមានជ័យ​ និង​កម្លាំង​ប៉ូលិស​ប៉ុស្តិ៍​ស្ទឹងមានជ័យ បាន​សហការ​ជាមួយ​កម្លាំង​ប៉ូលិស​ការិយាល័យ​ព្រហ្មទណ្ឌ​កម្រិតធ្ងន់,​ កម្លាំង​អន្តរាគមន៍​ពិសេស​នៃ​ស្នងការ​នគរបាល​រាជធានី​ភ្នំពេញ និង កម្លាំង​សាលាសង្កាត់​ស្ទឹងមានជ័យ ចុះ​ត្រួតពិនិត្យ​រដ្ឋបាល​តាម​ផ្ទះជួល​ស្នាក់ ហើយ​បាន​ឃាត់ខ្លួន​ជនសង្ស័យ​ ០២​ នាក់ ពីបទ​ជួញដូរ​ដោយ​ខុសច្បាប់​នូវ​សារធាតុ​ញៀន។​

    ប៉ូលិស​បន្តថា ជនសង្ស័យ​១-​ឈ្មោះ ពេជ្រ ភា​រុន ហៅ សក់វែង ភេទប្រុស អាយុ២៥ឆ្នាំ ជនជាតិខ្មែរ មុខរបរ ជាង​ជួសជុល​ទូរស័ព្ទ ស្នាក់នៅ បន្ទប់​ផ្ទះជួល​លេខ​៣១០ ផ្លូវ​បេតុង ក្រុមទី​០៤ ភូមិ ទ្រា​២ សង្កាត់ ស្ទឹងមានជ័យ ខណ្ឌមានជ័យ និង​២-​ឈ្មោះ ជឹម វណ្ណ​ថា ហៅ វ៉ាន់ ភេទ ប្រុស អាយុ៣៨ឆ្នាំ ជនជាតិខ្មែរ មុខរបរ កម្មករ ស្នាក់នៅ បន្ទប់​ផ្ទះជួល ផ្លូវ​បេតុង ក្រុមទី​០៤ ភូមិទ្រា​២ សង្កាត់ស្ទឹងមានជ័យ ខណ្ឌមានជ័យ​។​

    ក្នុងនោះ​ប៉ូលិស​បាន​ដកហូត​វត្ថុតាង​មាន ក្រាម​ព​ណ៌ស​ថ្លា ​(​សង្ស័យ​ជា​គ្រឿងញៀន​) ចំនួន​១៦​កញ្ចប់​ថង់ (​កញ្ចប់​ធំ ០៣ និង កញ្ចប់​តូច​១៣),​ កាំបិត​មុខស្រួច​ចំនួន​០៣, កាំបិត​បុ័ងតោ​ចំនួន ០១ ​និង ឧបករណ៍​សម្រាប់​ជក់​គ្រឿងញៀន​មួយចំនួនទៀត។​

    បច្ចុប្បន្ន​ជនសង្ស័យ​ខាងលើ​ឃាត់ខ្លួន​នៅ​អធិការដ្ឋាន​ខណ្ឌ​ដើម្បី​កសាង​សំណុំរឿង​៕

adverise with khmeread