ឆេលស៊ីគ្រោងរៀបចំដំណើរប្រកួតកម្តៅសាច់ដុំរដូវកាលក្រោយនៅចិននិងជប៉ុន ដើម្បីបង្កើនកេរ្តិ៍ឈ្មោះនៅតំបន់អាស៊ីខាងកើត

          ក្លឹបឆេលស៊ី​ចង់​ទាក់ទាញ​ប្រជាប្រិយភាព​​នៅ​ប្រទេស​ចិន​បន្ថែម​ទៀត​នៅ​រដូវ​កាល​ក្រោយ​ ដោយ​គ្រោងធ្វើ​ដំណើរ​ទៅ​កាន់ទីផ្សា​របាល់ទាត់ដែល​កំពុង​លូត​លាស់នេះ សម្រាប់​ដំណើរ​ប្រកួត​កម្តៅ​សាច់ដុំមុន​រដូវ​កាល​ក្រោយ។

          ក្រុម​ឆេលស៊ី​ដែល​កំពុង​នាំ​មុខគេនៅ​ក្របខណ្ឌ​ព្រីមីញ៉េ​លីក​កំពុង​ពិភាក្សា​អំពី​ដំណើរ​ប្រកួតកម្តៅ​សាច់ដុំនៅ​តំបន់​អាស៊ី​។ ឆេលស៊ី​នឹង​បន្តធ្វើ​ដំណើរទៅ​ទី​ក្រុង​​ប៉េកាំង​ បន្ទាប់ពី​សំចតនៅ​ប្រទេសជប៉ុន។

          ក្លឹបឆេលស៊ី​ចង់​បង្កើន​កេរ្តិ៍​ឈ្មោះ​របស់​ខ្លួន​នៅ​ប្រទេស​ចិន​ជា​ពិសេស​បន្ទាប់​ពី​រដូវ​កាល​ទិញដូរ​កីឡាករនៅឆ្នាំ​នេះ​ ដែលក្នុងនោះ​​កីឡាករ​ពី​ររូបរបស់​ឆេលស៊ី​បាន​ចាក​ចេញ​ទៅ​ចូល​រួម​ជាមួយ​ក្របខណ្ឌ Chinese Super League ។

          ក្រុម​របស់​លោក អែនតូនីញ៉ូ កុនតេ (Antonio Conte) នឹង​ចាប់ផ្តើម​រៀប​ចំ​សម្រាប់​ដំណើរ​ប្រកួត​កម្តៅ​សាច់ដុំ​រដូវ​កាល​ឆ្នាំ​២០១៧/១៨​នៅ​ចុងខែ​កក្កដា៕

adverise with khmeread