adverise with khmeread Index.jpg 1

លួច​នៅ​តាខ្មៅ ចាប់បាន​នៅ​និរោធ​

    កណ្តាល ៖ ប៉ូលិស​ការិយាល័យ​ព្រហ្មទណ្ឌ​កម្រិតធ្ងន់​ខេត្តកណ្តាល​សហការ​ជាមួយ​ប៉ូលិស​ប៉ុស្តិ៍​និរោធ បាន​ឃាត់​បុរស​ម្នាក់​កាលពី​វេលា​ម៉ោង​៤​ល្ងាច​ថ្ងៃទី ២២​មករា​ឆ្នាំ​២០១៦​នៅ​ចំណុច​ភូមិ​តាងៅ​កណ្ដាល សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ តាម​ដីកា​របស់​សាលាដំបូង​ខេត្តកណ្ដាល​ពីបទ​លួច​នៅ​តាខ្មៅ​។​

    ប៉ូលិស​ព្រហ្មទណ្ឌ​ខេត្ត​បាន​ឲ្យ​ដឹងថា ប៉ូលិស​ខេត្តកណ្តាល​សហការ​ជាមួយ​ប៉ូលិស​ប៉ុស្តិ៍​និរោធ ខណ្ឌ​ច្បារអំពៅ បាន​ស្រាវជ្រាវ​សើុ​ប​អង្កេត​ចាប់ខ្លួន​បុរស​ម្នាក់​តាម​ដីកា​លេខ​៥៦១​ចុះ​ថ្ងៃទី​១៣.១០.២០១៤ របស់លោក ផូង វណ្ណ ចៅក្រម​សើុបសួរ​សាលាដំបូង​ខេត្តកណ្តាល​ពីបទ​អំពើ​លួច ដែល​បាន​ប្រព្រឹត្ត​នៅ​ភូមិ​ដើម​គរ សង្កាត់​ដើម​មៀន ក្រុង​តាខ្មៅ ខេត្ដ​កណ្ដាល កាលពី​ថ្ងៃទី​២​សីហា​២០១៤​។​

    ប៉ូលិស​បន្តថា ជនជាប់ចោទ​ឈ្មោះ​សួន ចន្ថា ភេទ​ប្រុស​អាយុ ២០​ឆ្នាំ មុខរបរ​ជាងសំណង់ បច្ចុប្បន្ន​ស្នាក់នៅ​ភូមិ​តាងៅ​កណ្ដាល សង្កាត់​និរោធ ខណ្ឌ​ច្បារអំពៅ រាជធានី​ភ្នំពេញ​។​ក្នុងករណីនេះ​សមត្ថកិច្ច​កំពុង​បន្ត​ចាត់ការ​តាម​នីតិវិធី ៕​

adverise with khmeread

មតិយោបល់