លួចពីខេត្តព្រះសីហនុគេចខ្លួនទៅខេត្តកោះកុងនៅតែជាប់ខ្នោះ

     ព្រះសីហនុ ៖ ប៉ូលិស​ស្រុក​ស្ទឹងហាវ ខេត្ត​ព្រះសីហនុ សហការ​ជាមួយ​ប៉ូលិស​ស្រុក​កោះកុង​ខេត្តកោះកុង​បាន​ឃាត់​បុរស​ម្នាក់​ដែលជា​មុខសញ្ញា​ចាស់​ធ្លាប់​ជាប់គុក​កាលពី​ព្រឹក​ថ្ងៃទី​២៤​មករា​ឆ្នាំ​២០១៦ បន្ទាប់ពី​ធ្វើ​សកម្មភាព​លួច​គ្រឿងអលង្ការ​និង​ទូរស័ព្ទ នៅ​ឃុំ​ទំនប់រលក ស្រុក​ស្ទឹងហាវ ។​

     ប៉ូលិស​ស្រុក​ស្ទឹងហាវ បាន​ឲ្យ​ដឹងថា នា​ព្រឹក​ថ្ងៃទី​២៥​មករា​នេះ​កម្លាំង​ប៉ូលិស​ស្រុក​ស្ទឹងហាវ​បាន​សហការ​ជាមួយ​កម្លាំង​ប៉ូលិស​ស្រុក​កោះកុង​ខេត្តកោះកុង ធ្វើ​ការចាប់​ជនសង្ស័យ​ម្នាក់ពីបទ​ចោរកម្ម ដែល​បាន​ប្រព្រឹត្ត​កាលពី​ថ្ងៃទី ២២​មករា​ឆ្នាំ​២០១៦ វេលា​ម៉ោង​៤​ទៀបភ្លឺ នៅ​ភូមិ​៣ ឃុំ​ទំនប់រលក ស្រុក​ស្ទឹងហាវ ខេត្ត​ព្រះសីហនុ ហើយ​រត់គេចខ្លួន​ទៅ​ពួន​នៅ​ស្រុកកោះកុង ។​

    ប៉ូលិស​បន្តថា ជនរងគ្រោះ​ឈ្មោះ ផុន អ៊ុន ភេទ​ស្រី អាយុ​៣៥​ឆ្នាំ​សម្ភារ​:​បាត់បង់​ខ្សែ​កមាស​១​ខ្សែ​ទម្ងន់​៥​ជី និង​ទូរស័ព្ទដៃ​ម៉ាក​ណូគា​មួយគ្រឿង។​​ ចំ​ណែ​ក​ជនសង្ស័យ​ឈ្មោះ ធួន ភារម្យ ភេទ​ប្រុស អាយុ​២២​ឆ្នាំ មុខរបរ​និង​ទីលំនៅ មិន​ពិតប្រាកដ ជា​មុខសញ្ញា​មិន​រាងចាល ធ្លាប់​ជាប់ពន្ធនាគា​ររ​យ​:​ពេល​៤​ឆ្នាំ  ពីបទ​ចោរកម្ម ។​

    បច្ចុប្បន្ន​ជនសង្ស័យ​ត្រូវបាន​កម្លាំង​ជំនាញ​បន្ត​នីតិវិធី បញ្ជូនទៅ​តុលាការ​ចាត់ការ​តាមផ្លូវ​ច្បាប់ ៕​

adverise with khmeread