10

រថយន្តបុក​ម៉ូតូ​ស្លាប់​ម្នាក់​របួសធ្ងន់​ពី​នាក់ បន្ទាប់ពី​ចេញពី​ហូប​ការ​

     កណ្តាល ៖ មនុស្សម្នា​ក់បាន​ស្លាប់​នៅនឹងកន្លែង​កើតហេតុ និង​ពីរ​នាក់​ទៀត​រងរបួស​ធ្ងន់​ត្រូវបាន​បញ្ជូនទៅ​សង្គ្រោះ​នៅ​មន្ទីរពេទ្យ ខណ​:​ដែល​ចេញពី​ហូប​ការ​ត្រូវ​រថយន្ត​បើក​បុក​ម៉ូតូឌុប​គ្នា​តាមផ្លូវ​។​

      គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​៩​និង​១០​នាទី​យប់ ថ្ងៃទី​២២​មករា ឆ្នាំ​២០១៦ នៅ​ចំណុច​ភូមិ​ព្រែក​ស្វាយ​២ ឃុំ​ឈើទាល ស្រុក​កៀនស្វាយ ខេត្តកណ្តាល

។​

    ប៉ូលិស​ចរាចរណ៍​ស្រុក​កៀនស្វាយ​បាន​ឲ្យ​ដឹងថា ជនរងគ្រោះ​ទាំងបី​នាក់ ដែល​ស្លាប់​និង​របួសធ្ងន់​នោះ​ទី​១-​ឈ្មោះ​សួង ភ​ណ្ឌ័ ភេទ​ស្រី អាយុ​៤៥​ឆ្នាំ ជនជាតិខ្មែរ មុខរបរ​កសិករ ទី​២

-​ឈ្មោះ​ទ្បា​ច ចន្ថា ភេទ​ប្រុស អាយុ​៣៥​ឆ្នាំ ជនជាតិខ្មែរ មុខរបរ​កសិករ និង​ទី​៣​ឈ្មោះ​គង់ ស្រី​វង់ ភេទ​ស្រី អាយុ​១៦​ឆ្នាំ ជនជាតិខ្មែរ មុខរបរ​សិស្ស អ្នក​ទាំងបី​មាន​ទីលំនៅ​ភូមិ​កំពង់ស្វាយឃុំ​កំពង់ស្វាយ ស្រុក​កៀនស្វាយ ខេត្តកណ្តាល​។​

    ចំណែកឯ​ភាគី​ម្ខាង​ទៀត​ដែល​ជិះ​រថយន្ត មាន​គ្នា​៥​នាក់​នោះ ទី​១-​ឈ្មោះ​ជុំ សំណាង ភេទ​ប្រុស អាយុ​៣២​ឆ្នាំ ជនជាតិខ្មែរ មានមុខ​របរ​ជាង​សង្ហា​រឹម មាន​ទីលំនៅ​ភូមិ​ដើម​មៀន សង្កាត់ដើម​មៀន ក្រុង​តាខ្មៅ ខេត្តកណ្តាល  ជា​ម្ចាស់​រថយន្ត ទី​២-​ឈ្មោះ​រស់ ស៊ីណា ភេទ​ប្រុស អាយុ​៣២​ឆ្នាំ ជនជាតិខ្មែរ មុខរបរ​ជាង​សង្ហា​រឹម​មាន ទីលំនៅ​ភូមិ ទួល​ដូន​គាំ ឃុំ​កំពង់​កុង ស្រុក

​កោះធំ​ខេត្តកណ្តាល ទី​៣-​ឈ្មោះ​ក្រោ​ស សា​េ​វឿន​ភេទ​ប្រុស អាយុ​២៨​ឆ្នាំ ជនជាតិខ្មែរ មុខរបរ​ជាង​សង្ហា​រឹម​មាន ទីលំនៅ​ភូមិ​ទូល​ដូន​គាំ ឃុំ​កំពង់​កុង ស្រុក​កោះធំ​ខេត្តកណ្តាល ទី​៤-​ឈ្មោះ​ផា ណា​វុ​ធ ភេទ​ប្រុស អាយុ​២៦​ឆ្នាំ ជនជាតិខ្មែរ មុខរបរ​លក់ដូរ​មាន​ទីលំនៅ សង្កាត់​បឹងកក់​០២ ខ​ណ្ឌ័​ទួលគោក ក្រុងភ្នំពេញ និង​ទី​៥-​ឈ្មោះ​ឆែ សំអឿន ភេទ​ប្រុស អាយុ​៣២​ឆ្នាំជនជាតិខ្មែរ មុខរបរ​ជាង​សង្ហា​រឹម​មាន ទីលំនៅ​ភូមិ​ដើម​គរ សង្កាត់​ដើម​មៀន ក្រុង​តាខ្មៅ​។​

    សាក្សី​នៅក្បែរ​កន្លែងកើតហេតុ​បាន​ប្រាប់​ឲ្យ​ដឹងថា  នៅវេលា​ម៉ោង​៩​និង​១០​នាទី​យប់ ថ្ងៃទី​២២ ខែមករា ឆ្នាំ​២០១៦  មាន​រថយន្ត​មួយគ្រឿង​ម៉ាក​LUXES300
​ពណ៌​ស្ករ ពាក់​ស្លាក​លេខ​ភ្នំពេញ​2AF-0342​បើកបរ ពី​ទិសដៅ​ពី​កំពង់ស្វាយ​ទៅ ភ្នំពេញ រីឯ​ភាគី​ខាង​ម៉ូតូ បើកបរ​ចេញពី​ហូប​ការ​ទិសដៅ​ពី​ផ្លូវលំ​ស្រែអំពិល​ទៅ​កំពង់ស្វាយ ។​

    លុះ​ពេលមកដល់​ចំណុចកើតហេតុ​ទុល​មុខ​ក្លោងទ្វារវត្ត​ស្រែអំពិល​ភាគី​ទាង​ពីរ បាន​បុក​គ្នា ចំ​ពីមុខ​ពេញទំហឹង​បណ្តាល​ឲ្យ​ភាគី​ខាង​ម៉ូតូ​ស្លាប់​ម្នាក់ និង​រងរបួស​ធ្ងន់​ពីរ​នាក់ ។​បន្ឌា​ប់​មករថយន្ត​បង្ក​បាន​បើក​រត់គេចខ្លួន​តែ​ត្រូវ​សម​ត្ត​កិច្ច​ប៉ុស្តិ៍​ឈើទាល​ដេញចាប់​រថយន្ត​បាន​រថយន្ត​រួមទាំង​ម្ចាស់​រថយន្ត​បញ្ជូនទៅ​ផ្នែក​ជំនាញ​ចរាចរណ៍​ស្រុក​កៀនស្វាយ​ដើម្បី​ដោះស្រាយទៅតាម​និតិ​វិធី​ច្បាប់​៕​

មតិយោបល់