នារី​វ័យ​ម្នាក់​ត្រូវ​ចោរឆក់​កាបូប​ហើយ រួច​ជនល្មើស​ជះ​ទឹក​អាស៊ីត​ថែម​របួស​ផ្ទៃមុខ ​(​មាន​វីដេអូ​)

    ភ្នំពេញ ៖ កម្មការិនី​រោងចក្រ​ម្នាក់​ខណៈ​កំពុង​ជិះ​កង់​ទៅ​រៀន​អ៊ុតសក់ ត្រូវ​ចោរ​ថ្មើរជើង​ម្នាក់​រត់​មក​ឆក់​កាបូប ហើយ​បាន​ជះ​ទឹក​អាស៊ីត​បណ្តាលឱ្យ​រងរបួស​ផ្ទៃមុខ ត្រូវ​បញ្ចូនទៅ​សង្គ្រោះប​ន្ទាន់ កាលពី​វេលា​ម៉ោង​៨​ និង​១០​នាទី​យប់​ថ្ងៃទី១៤ មិនា ២០១៧ នៅ​ចំណុច​ខាង​ត្បុ​ង​វិហារ​ចា​ម ម្តុំ​លក់​ទឹកត្នោតជូរ ផ្លូវ​បេតុង ភូមិ​ត្រពាំង​ពោធិ៍ សង្កាត់ ចោមចៅ ខណ្ឌ​ពោធិ៍​សែន​ជ័យ​។ 

    តាម​ការបំភ្លឺ​ឈ្មោះ ផន ភឿ​ក អាយុ​២៧ឆ្នាំ ធ្វើការ​នៅ​កន្លែង​ហ្គេម ស្នាក់នៅ​បន្ទប់​ជួល​ម្តុំ​ផ្សា​រ​ដេប៉ូ ត្រូវជា​សង្សារ​ជនរងគ្រោះ បាន​ប្រាប់ថា​ ជនរងគ្រោះ​ឈ្មោះ ស៊ន ចាន់ទី អាយុ​២៣​ឆ្នាំ មុ​ខរបរ​កម្មការិនី​រោងចក្រ ស្នាក់នៅ​ភូមិ​ចាក់​ជ្រូក សង្កាត់​សំរោងក្រោម។ ​ចំពោះ​សម្ភារៈ​បាត់​ប​ង់ ៖ លុយ​អាមេរិក​ជាង​៤០០​ដុល្លារ​ខ្សែក​អ៊ីតាលី, ទិញ​ជាង​៦០០​ដុល្លារ។​

    ផន ភឿ​ក​ បន្តថា ជនរងគ្រោះ​ចេញពី​ធ្វើការ​ដូច​សព្វដង រួច​បាន​ជិះ​កង់​ដើម្បី​ទៅ​រៀន​អ៊ុត​សក់ ខណៈ​មកដល់​ចំណុចកើតហេតុ​ម្តុំ​ទឹកត្នោតជូរ វិហារ​ចាម ក៏មាន​ជនសង្ស័យ​ម្នាក់ រត់​មក​ឆក់​កាបូបស្ពាយ​របស់​ជនរ​ង​គ្រោះ រួច​បាន​ជះ​ទឹក​អាស៊ីត​ទៅលើ​មុខ​ជនរងគ្រោះ​បណ្តាលឱ្យ​រងរបួស​តែម្តង​។​

       ភ្លាមៗ​ក៏មាន​ប្រជាពលរដ្ឋ​មកជួយ ហើយ​ជនរងគ្រោះ​បាន​តេ​ទូរស័ព្ទ​ហៅ​សង្សារ​ពី កន្លែងធ្វើការ​នៅ​ភូមិ​ប៉ប្រក​ខាងត្បូង សង្កាត់​កា​កាប មកជួយ​លុះ​ពេលមកដល់​កន្លែងកើតហេតុ​ជ​នរងគ្រោះ​បាន​ឡើង​ឡាន​ជាមួយ​បុរស​ជា​សង្សារ​មក​ព្យាបាល​នៅ​ពេទ្យ លោកសង្ឃ​។​

    បច្ចុប្បន្ន​ជនរងគ្រោះ​កំពុងសម្រាក​ព្យាបាល​នៅ​មន្ទីរពេទ្យ​លោកសង្ឃ បន្ទាប់មក​សមត្ថកិច្ច​បាន​ទៅ​សាកសួរ​និង​បំភ្លឺ​សង្សារ​រងគ្រោះ​ដើម្បី​ធ្វើ​កំណត់ហេតុ តាម​នីតិ​វិធី​៕

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab