adverise with khmeread Wireap 561bc99cc4384cb98076084b3822ffab 16x9 1600

អង្គការ​សុខភាព​ពិភពលោក​គ្រោង​កោះប្រជុំ​ពិសេស​ដើម្បី​ប្រកាសអាសន្ន​អំពី​ការរីក​រាលដាល​នៃ​វីរុស​ហ្ស៊ី​កា​

​    ​ក្រុមមន្ត្រី​សុខាភិបាល​អន្តរជាតិ​បាន​និយាយ​កាលពី​ថ្ងៃ​ព្រហស្បតិ៍​ថា វីរុស​ហ្ស៊ី​កា (Zika) បាន​កំពុង "​រីក​រាលដាល​យ៉ាងខ្លាំង​" ក្នុង​ទ្វីបអាមេរិក ដែល​អាច​ឃើញ​ករណី​កើត​វីរុស​នេះ​កើន​ដល់​ទៅ ៤ លាន​នាក់​នៅ​ឆ្នាំក្រោយ ហើយ​បានធ្វើការ​ប្រកាស​អំពី​កិច្ចប្រជុំ​ពិសេស​មួយ​នៅ​សប្តាហ៍​ក្រោយ​ដើម្បី​សម្រេច​ថា​តើ​ពួកគេ​គួរ​ប្រកាសអាសន្ន​ផ្នែក​សុខាភិបាល​អន្តរជាតិ​ដែរ​ឬក៏​យ៉ាងណា​។ 

​    ​ការព្រមាន​ពី​អង្គការ​សុខភាព​ពិភពលោក​កើតឡើង​ចំពេល​ដែលមាន​ការអំពាវនាវ​ឱ្យ​ក្រុមមន្ត្រី​នៅ​ទ្វីបអាមេរិក​ទាំងពីរ (​ជើង​និង​ត្បូង​) ធ្វើការ​ប្រយុទ្ធប្រឆាំង​វីរុស​កើតចេញពី​មូស ដែល​ត្រូវបាន​ផ្សាភ្ជាប់​នឹង​ការកើនឡើង​នូវ​ពិការភាព​ពី​កំណើត​ដ៏​កម្រ​ក្នុងប្រទេស​ប្រេ​ស៊ី​ល​។ 

​    ​ប្រធានាធិបតី​ប្រេ​ស៊ី​ល ដែល​បានកត់សម្គាល់​ឃើញថា​គ្មាន​ការការពារ​ផ្នែក​វេជ្ជសាស្ត្រ​ណាមួយ​ប្រឆាំងនឹង​ជំងឺ​នេះ បាន​អំពាវនាវ​ឱ្យធ្វើ​សង្គ្រាម​ប្រឆាំង​មូស ដែល​កំពុង​នាំ​វីរុស​នេះ​រាតត្បាត​គ្រប់​ទីកន្លែង​។ 

​    ​ប្រធានាធិបតី​លោកស្រី ឌី​ល​ម៉ា រូស​សេ​ហ្វ (Dilma Rousseff) បាន​ថ្លែងថា "​ដរាបណា​យើង​មិនទាន់មាន​វ៉ាក់សាំង​ប្រឆាំងនឹង​វីរុស​ហ្ស៊ី​កា​នៅឡើយ សង្គ្រាម​ត្រូវតែ​ផ្តោតលើ​ការធ្វើឱ្យ​សាបសូន្យ​តំបន់​បង្កាត់​ពូជ​របស់​មូស​"​។ 

​    ​ទីភ្នាក់ងារ​សុខាភិបាល​របស់ UN បាន​កោះប្រជុំ​ពិសេស​មួយ​តាម​ផ្នែក​ដើម្បី​បង្ហាញ​ក្តីបារម្ភ​របស់ខ្លួន​អំពី​ជំងឺ ដែល​បានបង្ហាញ​ភាពភ័យខ្លាច​ក្នុងចំណោម​ស្ត្រី​ដែល​នឹង​ក្លាយជា​ម្តាយ​ជាច្រើនរូប​។ ទីភ្នាក់ងារ​នេះ​ក៏​ប្រហែល​ចាត់វិធានការ​យ៉ាង​ឆាប់រហ័ស​ផងដែរ ព្រោះ​ទីភ្នាក់ងារ​មួយ​នេះ​បាន​រង​ការរិះគន់​យ៉ាងខ្លាំង​ចំពោះ​ការឆ្លើយតប​យឺត​របស់ខ្លួន​ចំពោះ​ការ​ផ្ទុះឡើង​ជំងឺ​អេ​ប៊ូ​ឡា​នៅ​អាហ្វ្រិក​ខាងលិច​រួច​ម្តងមកហើយ​។ 

​    ​វីរុស​ហ្ស៊ី​កា​ត្រូវបាន​រកឃើញ​ដំបូង​ក្នុង​ទ្វីបអាហ្វ្រិក​ក្នុង​ឆ្នាំ ១៩៤៧​។ វីរុស​នេះ​គ្មាន​បង្ក​អ្វី​ក្រៅពី​ការឈឺ​ធ្ងន់ធ្ងរ​មួយ​ឆាវ​ចំពោះ​មនុស្ស​ភាគច្រើន​នោះឡើយ​។ ប៉ុន្តែ​ឥឡូវ​មាន​ភស្តុតាង​ច្រើនឡើងៗ​ពី​ប្រទេស​ប្រេ​ស៊ី​ល​បង្ហាញថា ការឆ្លង​មេរោគ​នេះ​ចំពោះ​ស្ត្រី​មាន​ផ្ទៃពោះ​ត្រូវបាន​ផ្សាភ្ជាប់​ទៅនឹង​ក្បាល​តូច​ខុសធម្មតា​ចំពោះ​ទារក ជា​ពិការភាព​ពី​កំណើត​មួយ ដែល​គេ​ហៅថា Microcephaly (​មនុស្ស​កើតមក​ក្បាល​តូច​)៕ 

adverise with khmeread
ប្រភព៖ msn

មតិយោបល់