adverise with khmeread A

ចង់​អាយុ​វែង​ដូច​លោកយាយ​អាយុ ១១២ ឆ្នាំ​រូបនេះ​ត្រូវ​ជក់បារី ៣០​ដើម​ក្នុង​មួយថ្ងៃ​តែ​ត្រូវ​សកម្ម​រាល់ថ្ងៃ​

​    ​ស្ត្រី​ជនជាតិ​នេ​ប៉ាល់​អាយុ ១១២ ឆ្នាំ ដែល​ជក់បារី ៣០ ដើម​ក្នុង​មួយថ្ងៃ​អស់​រយៈពេល​ជិត ១០០ ឆ្នាំ អះអាងថា គន្លឹះ​នៃ​អាយុ​វែង​គឺ​ត្រូវ​សកម្ម​រាល់ថ្ងៃ និង​កុំ​ឱ្យមាន​ស្ត្រេ​ស៍​។ 

​    ​លោកយាយ បា​ទូ​លី ឡា​មី​ឆេន (Batuli Lamichhane) កើត​នៅ​ខែ​មិនា ឆ្នាំ​១៩០៣ និង​បានចាប់ផ្តើម​ជក់បារី​នៅ​អាយុ ១៧ ឆ្នាំ ជា​ទម្លាប់​មួយ​ដែល​លោកយាយ​បាន​បន្តធ្វើ​រហូតមក​ខ​ណៈ​រស់នៅ​សឹងតែ​ដាច់​សង្វែង​ពី​មនុស្ស​គ្រប់គ្នា​នៅក្នុង​ភូមិ​។ 

​    ​ចៅប្រុស​ច្បង​របស់​លោកយាយ​មាន​អាយុ ៨៥ ឆ្នាំ និង​មាន​ចៅលួត​ជាច្រើន​នាក់​ទៀត ខណៈ​ចៅៗ​បួន​នាក់​ទៀត​បាន​ស្លាប់​អស់ហើយ​។ 

​    ​ខណៈ​សំឡេង​គាត់​ស្តាប់ទៅ​ឭ​ពុំ​សូវ​ច្បាស់ ប៉ុន្តែ​លោកយាយ​ទួត​ម្នាក់នេះ​អាចធ្វើ​ការងារ​ផ្ទះ​សព្វបែបយ៉ាង​ដោយ​ខ្លួន​គាត់​។ 

​    ​លោកយាយ​បាន​និយាយថា "​មនុស្ស​ជំនាន់​ទំនើប​នេះ​កើត​ស្ត្រេ​ស៍​ច្រើនណាស់​។ ហើយ​អ្នក​ដែល​ពុំ​ធ្វើការ ឬ​ខ្ជិលច្រអូស​ពេល​ចាស់​ឡើង​នឹងមិន​រស់​បានយូរ​ទេ​។ ដូច្នេះ​អ្នក​ត្រូវតែ​សកម្ម និង​កុំ​ឱ្យមាន​ស្ត្រេ​ស៍​ឱ្យសោះ​។ អ្នក​គួរតែ​រីករាយ​ជានិច្ច ដូច្នេះ​ទើប​អាច​រស់​បានយូរ​។ ខ្ញុំ​មិន​ខ្វល់​ថា​ខ្ញុំ​ចាស់​ប៉ុនណា​នោះទេ​។ តែ​ខ្ញុំ​ចៀស​ចាស់​មិន​រួច​ទេ​។ ខ្ញុំ​បានឃើញ​រឿងរ៉ាវ​ជាច្រើន​បាន​ផ្លាស់ប្តូរ​អំឡុងពេល​នៃ​ជីវិត​របស់ខ្ញុំ​"​។ 

​    ​ទោះបី​អាយុ​ចាស់​បែបនេះ​ក្តី ក៏​លោកយាយ​នៅតែ​អ្នក​ជក់បារី​យ៉ាង​សាហាវ និង​ជាក់​វា ៣០​ដើម​រៀងរាល់ថ្ងៃ​។ ​លោកយាយ​បាន​និយាយថា "​ខ្ញុំ​បាន​ជក់បារី​អស់ ៩៥ ឆ្នាំ​មកហើយ​។ គ្រាន់តែ​ជក់បារី​គ្មានអ្វី​ខុស​ទេ​"៕   

adverise with khmeread
ប្រភព៖ ដេលីមែល

មតិយោបល់