នៅ​លីវ​សោះ​ស្រវឹងខួប​...​គាំងបេះដូង​ស្លាប់​

​    ​កណ្តាល ៖ បុរស​ម្នាក់​ត្រូវបាន​គេ​ប្រទះឃើញ​ដេកស្លាប់ នា​ថ្ងៃទី ២៦ ខែមីនា ឆ្នាំ​២០១៧ វេលា​ម៉ោង​ប្រហែល​០៦​ព្រឹក​នៅ​ចំណុច​លើផ្ទះ​ជនរងគ្រោះ​នៅ​ភូមិ​ត្រពាំង​រាំង ឃុំ​ព្រៃ​ពួច ស្រុក​អង្គស្នួល ខេត្តកណ្តាល​។​

​    ​ប៉ូលិស​និយាយថា ជនរងគ្រោះ​ឈ្មោះ ម៉ី យៀវ ភេទ​ប្រុស អាយុ ៣៩ ឆ្នាំ ជនជាតិខ្មែរ មុខរបរ​កសិករ នៅ​ភូមិ​ឃុំ​កើតហេតុ​ខាងលើ​។​

​    ​តាម​ការបំភ្លឺ​របស់​ឈ្មោះ គីម ភឿន ភេទ​ស្រី​ត្រូវ​ប្អូន​បង្កើតបាន​ប្រាប់ថា នៅវេលា​ម៉ោង​ខាងលើ​ខ្លួន​ក្រោក​ពី​ដេក​ហើយ​ដើរទៅ​ផ្ទះបាយ​ស្រាប់តែ​ឃើញ​បង​ដេកស្លាប់​នៅលើ​ដី​ទើប​ស្រែកហៅ​អ្នកភូមិ​ឲ្យ​មកជួយ​ហើយ​រាយការណ៍​ជូន​មេភូមិ​។ 

​    ​តាម​ការបំភ្លឺ​របស់​ម្តាយ​ជនរងគ្រោះ​ឈ្មោះ គិ​ម សន បាន​ប្រាប់ថា ជនរងគ្រោះ​នៅ​លីវ​ហើយ​ស្រវឹងខួប​ផង​ពេលខ្លះ​ស្រវឹង​ដើរ​ដួល​ភាគច្រើន​មិន​ញ៉ាំ​បាយ​។​

​    ​ប៉ូលិស​ផ្នែក​ជំនាញ​បច្ចេកទេស​ស្រុក​ពិនិត្យ​សព ដោយមាន​ការចូលរួម​ដោយ​លោក​ប្រធាន​ក្រុមប្រឹក្សាឃុំ លោកគ្រូ​ពេទ្យ​ឃុំ មេភូមិ បងប្អូន​ជនរងគ្រោះ នគរបាល​ប៉ុស្តិ៍​។​

​    ​តាម​ការសន្និដ្ឋាន​ផ្នែក​ជំនាញ​និង​លោកគ្រូ​ពេទ្យ​ពិនិត្យឃើញថា​ជនរងគ្រោះ​ស្លាប់​ដោយសារ​ជំងឺ​គាំងបេះដូង​។ ចំពោះ​សព​បាន​ប្រគល់ជូន​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី ៕​

adverise with khmeread