adverise with khmeread Image 3

ជីវិត​អ្នក​ជីក​ត្បូង​នៅ​តំបន់ រ៉ែ​ត្បូង បរ​កែវ​

      រតនគីរី ៖ ក្នុង​បរិវេណ​ចម្ការកៅស៊ូ​បរ​កែវ ខេត្តរតនគិរី មាន​ប្រជាពលរដ្ឋ​ជា​ជនជាតិខ្មែរ​ជាច្រើន​នាក់​មកពី​ខេត្ត​នានា បាននាំគ្នា​ជីក​រក​ត្បូង​មានតម្លៃ​រាប់រយ​រណ្តៅ​ជម្រៅ​ពី​១២​ទៅ​១៥​ម៉ែត្រ​ស្វែងរក​ត្បូង​ប្រថុយ​នឹង​គ្រោះថ្នាក់ ដើម្បី​ជីវភាព​រស់នៅ ។​

    លោក​ម៉ៅ ចាន់​តារា​(Mao Chandara)​បាន​រៀបរាប់​ក្នុង​អា​ខោ​ន​ហ្វេ​ស​ប៊ុ​ក​របស់​កាលពី​ថ្ងៃទី ២៩​មករា​ឆ្នាំ​២០១៦​ម្សិល​ម៊ិ​ញ​បន្ទាប់ពី​លោក​ចុះ​ទៅដល់​តំបន់​ជីក​ត្បូង​ដោយផ្ទាល់​ថា "​ខ្ញុំ​បានធ្វើ​ដំណើរ​ដល់​កន្លែង​ជីក​ត្បូង  បរ​កែវ​ដែលមាន​ចម្ងាយ​ពី​ក្រុង បាន​លុង​ប្រមាណ ២០​គីឡូម៉ែត្រ​។ ទីនោះ​មាន​រណ្តៅ​រាប់រយ​កន្លែង​ក្នុង​បរិវេណ​ចម្ការកៅស៊ូ​។​កម្មករ​ជីក​ត្បូង​នៅ​ទីនោះ គឺជា​ជនជាតិខ្មែរ​ដែល​ទៅ​ពី​ចម្រុះ​ខេត្ត​ផ្សេងៗ​។​រណ្តៅ​រាវរក​ត្បូង​និ​មួយៗ ត្រូវបាន​ជីក​ក្នុង​ជម្រៅ​ប្រមាណ ១២-១៥​ម៉ែត្រ​។ អ្នក​ចុះ​ក្នុង​រណ្តៅ អាច​ធុន​និង​បរិយាកាស​បាន​ប្រហែលជា ១​ម៉ោង ឬ លើស នេះ​បន្តិចបន្តួច​ប៉ុណ្ណោះ​"​។​

    លោក​ម៉ៅ ចាន់​តារា​បន្តថា "​ពួកគាត់​ត្រូវ​ជីកដី​ដែលមាន​ត្បូង​ពី​ខាងក្រោម ដើម្បី​យកមក​រាវរក​នៅ​ខាងលើ យ៉ាង​យកចិត្តទុកដាក់​ដើម្បី​រក​ត្បូង​។​គ្រោះថ្នាក់ ដី​បាក់​ក៏មាន​ញឹកញាប់​ដែរ​។​មាន​អ្នកស្លាប់​ច្រើន​កន្លងមក​ដោយសារ​ដី​បាក់​។​ពួកគាត់​អាច​រកបាន​ត្បូង តូច ឬ ធំ ដោយ​ថ្ងៃ ហេង ឬ ស៊យ​"​។​

    លោក​ចាន់​តារា​បន្តថា "​ពួកគាត់ អា​ចរក​កម្រៃ​បាន​មធ្យម ជាទូទៅ​។​ខ្ញុំ​បាន​ដើរ​ទស្សនា​ទិដ្ឋភាព​នានា​នៅ​ទីនោះ​យ៉ាង យកចិត្តទុកដាក់​បំផុត​។ បន្ទាប់មក ខ្ញុំ​បាន​ទៅកាន់​កន្លែង​ច្នៃត្បូង​ដែល​គេ​ជីក​បាន​នៅ​តំបន់ បរ​កែវ នោះ ក្នុង​ក្រុង​បាន​លុង នៃ​ខេត្ត​រតនគីរី​។​គ្រាប់​ត្បូង​ខ្លះ​ច្នៃ រួចហើយ​លក់​ក្នុងតម្លៃ ចាប់ពី ៤០$ ទៅ ១០០០$ ឬ ២០០០$ ទៅតាម​ទឹក​ល្អ  ឬ ខ្នាត​និង កា​រ៉ាត់​របស់​វា "​។​

    លោក​បន្តទៀតថា "​ដី​ខ្មែរ សម្បូរ​សព្វ​យ៉ាង​។​គ្មាន​ការគ្រប់គ្រង​ធនធានធម្មជាតិ​ច្បាស់លាស់​ទេ​។​អ្នកមាន និង ក្រ  ដាច់​ឆ្ងាយ​ពីគ្នា​មេឃ និង ដី​។​ធនធានធម្មជាតិ​នៅ​តំបន់​នោះ  មិនមាន​អ្វី​សល់​ជា​ដុំកំភួន​ទេ  នេះ​បើតាម​ការដែល​ខ្ញុំ​អង្កេត​មើលឃើញ​ជាក់ស្តែង​"៕
(​សូម​មើលរូប​ភាព​ដែល​លោក​ម៉ៅ ចាន់​តារា​ថត​បាន​)​

adverise with khmeread

មតិយោបល់