adverise with khmeread Untitled 1

បើកម៉ូតូលឿនជ្រុលទៅបុកបង្កាន់ដៃជ្រោយចង្វារធ្លាក់ចុះមកក្រោមរបួសធ្ងន់

   ភ្នំពេញ​៖ ហេតុការណ៍​ភ្ញាក់ផ្អើល​មួយ បាន​កើតឡើង​បន្ទាប់ពី​យុវ​សិស្ស​ម្នា​ក់បាន​ជិះ​ម៉ូតូ​១​គ្រឿង​ម៉ាក​Yamaha TTX​ក្នុង​ល្បឿន​លឿន​ឡើងលើ​ស្ពាន​ជ្រោយចង្វារ ដោយ​ធ្វើដំណើរ​ពីលិចទៅ​កើត​ក៏​ជ្រុល​ចង្កូត​បុក​បង្កាន់ដៃស្ពាន​ផ្លោង​ធ្លាក់ចុះ​មកក្រោម​រងរបួស​បាក់​ភ្លៅ​ម្ខាង និង​ដៃ​តែ​សំណាងល្អ​មិន​ធ្លាក់​ចូលទៅក្នុង​ទឹកទន្លេ​។​

   គ្រោះថ្នាក់​ចរាចរណ៍​បង្ក​ដោយ​ខ្លួនឯង​ខាងលើនេះ​បានកើត​ឡើង​កាលពី​វេលា​ម៉ោង ១២​ថ្ងៃត្រង់​ថ្ងៃទី​៣០ ខែមករា ឆ្នាំ​២០១៦ ស្ថិតនៅលើ​ស្ពាន​ជ្រោយចង្វារ​ចាស់ ក្នុង​សង្កាត់​ស្រះចកខណ្ឌដូនពេញ ។​

   តាម​ប្រភព​ព័​ត៍​មានបាន​ឲ្យ​ដឹងថា នៅ​មុនពេល​កើតហេតុ គេ​ឃើញ​យុវ​សិស្ស​ខាងលើនេះ បាន​ជិះ​ម៉ាក​ម៉ូតូ​១​គ្រឿង​Yamaha TTX ពាក់​ស្លាក​លេខ​ភ្នំពេញ 1BZ-9930​តែម្នាក់ឯងយ៉ាង​លឿន​ក្នុងទិសដៅ​ពី​លិចទៅ​កើត​ឡើងលើ​ស្ពាន​ជ្រាយ​ចង្វារ​គោលបំណង​ឆ្លងទៅ​ត្រោ​យ​ម្ខាង​។​

     ស្រាប់តែ​ឡើង​បាន​បន្តិច​ក៏​ជ្រុល​ចង្កូត​ទៅបុក​នឹង​បង្គោល​ភ្លើង​បំភ្លឺ​ផ្លូវ​លើ​ស្ពាន​យ៉ាង​ពេញទំហឹង បណ្ដាល​ឲ្យ​យុវ​សិស្ស​រូបនោះ ខ្ទាត​ចេញពី​ម៉ូតូ​ផ្លោង​ធ្លាក់​ពីលើ​ស្ពាន​មកក្រោម​រងរបួសធ្ងន់​តែម្តង ។​

    ក្រោយ​កើតហេតុ​សមត្ថកិច្ច​និង​ប្រជាពលរដ្ឋ​បាននាំគ្នា​ទៅ​ជួយសង្គ្រោះ ដោយ​ទូរស័ព្ទ​ហៅ​រថយន្ត​ដឹកយក​ទៅ​សង្គ្រោះ​នៅ​មន្ទីរពេទ្យ​កាល់ម៉ែត​ផងដែរ ។​

  ចំណែកឯ​យុវជន​រងគ្រោះ​មិន​ត្រូវបាន​ស្គាល់ឈ្មោះ​នោះទេ គ្រាន់តែ​ដឹងថា​ជា​សិស្ស​រៀន​នៅ​សាលា​ភាសា​ចិន ៕​

adverise with khmeread

មតិយោបល់