adverise with khmeread 0

តើ​ជា​ដំណឹង​ល្អ​ឬ​អាក្រក់​សម្រាប់​ប្រិយមិត្ត​តោ​ខៀវ​ជាមួយនឹង​ព័ត៌មាន​មួយ​នេះ​!

John Terry បាន​អះអាងថា​គាត់​នឹង​ចាក​ចេញពី​ក្រុម​តោ​ខៀវ Chelsea នៅពេលដែល​កុងត្រា​របស់គាត់​ជាមួយ​ក្លឹប​នឹងត្រូវ​បានបញ្ចប់​នា​រដូវក្តៅ​ចុងបញ្ចប់​រដូវ​កាល​ខាងមុខនេះ​។​

​ខ្សែការពារ​វ័យ ៣៥ ឆ្នាំ​រូបនេះ​បាន​ជ្រកកោន​ជាមួយ​ក្រុម​តោ​ខៀវ​ចាប់តាំងពី​គាត់​មាន​អាយុ ១៤ ឆ្នាំ​មកម្ល៉េះ ដោយ​បញ្ចប់​ការ​ដុះខាត់​ពី​ក្នុង​ក្រុមយុវជន​រួចមក​គាត់​ក៏បាន​ក្លាយជា​ប្រធាន​ក្រុម​របស់​ពួកគេ​។​

​គាត់​ក៏បាន​បន្សល់​ឈ្មោះ​ជា​ខ្សែការពារ​ដ៏​ល្អ​ម្នាក់​ផងដែរ​ក្នុងចំណោម​ខ្សែការពារ​ល្អៗ​ដទៃទៀត​ដែល​ត្រូវបានគេទទួលស្គាល់​ក្នុង​ក្របខ័ណ្ឌ​លី​ក​កំពូល Premier League ប៉ុន្តែ កីឡាករ​រូបនេះ​បាន​បញ្ជាក់ថា Terry នឹងមិន​បន្ត​កុងត្រា​ថ្មី​របស់គាត់​បន្តទៀត​ឡើយ ហើយ​គាត់​នឹង​ចាកចេញ​។​

​ដោយ​ផ្តល់​បទសម្ភាសន៍​បន្ទាប់​ពី​បានបញ្ចប់​ការទទួល​ជ័យជម្នះ​ទៅលើ​ក្រុម MK Dons លើ​លទ្ធផល ៥-១ ក្នុងជំនួប​ខាប់​ក្នុងស្រុក FA Cup រួចមក​គាត់​បាន​បន្ថែមទៀតថា គាត់​នៅតែមាន​គម្រោង​បន្ត​អាជីព​បាល់ទាត់​បន្តទៀត ប៉ុន្តែ​មិនមែន​សម្រាប់​ក្រុម​ដទៃទៀត​ក្នុងប្រទេស​អង់គ្លេស​ឡើយ​៕​

adverise with khmeread
ប្រភព៖ មេត្រូ

មតិយោបល់