លក់​ថ្នាំញៀន​ផង​ និង​មាន​ដីកាចាប់ខ្លួន​ផង​...​ជាប់គុក​មូល​

    កណ្តាល ៖ បុរស​ម្នាក់​ត្រូវបាន​ឃាត់ខ្លួន​ក្នុងករណី​ជួញដូរ​ដោយ​ខុសច្បាប់​នូវ​សារធាតុ​ញៀន​​ (​ម៉ា​ទឹក​ក​)​ នា​ថ្ងៃទី​១២​ មេសា ​២០១៧​ ម៉ោង​៤​ល្ងាច​នៅ​ចំណុច​ផ្ទះ ភូមិ​បូរី​កម្មករ​ ឃុំ​បែក​ចាន  ស្រុក​អង្គស្នួល ខេត្តកណ្ដាល​។​

    ប៉ូលិស​និយាយថា ជនសង្ស័យ​ឈ្មោះ ឃឹម មករា​ហៅ តូច ភេទ​ប្រុស​ អាយុ​២៨​ឆ្នាំ ជនជាតិ ខ្មែរ​មុខរបរ​មិន​ពិត​។ ​វត្ថុតាង​ចាប់យក​ម្សៅ​ក្រាម​ស​ថ្លា​សង្ស័យ​សារធាតុ​ញៀន​ម៉ា​ទឹកកក​(០១​កញ្ចប់​មធ្យម​)​។​

    ប៉ូលិស​បន្តថា នៅមុន​កើតហេតុ​កម្លាំង ផ្នែក​នគរបាល​ជំនាញ​ស្រុក​បានទទួល​ព័ត៌មាន​ថា មានមុខ​សញ្ញា​ជួញដូរ​ថ្នាំញៀន​នៅ​ចំណុច​ខាងលើ កម្លាំង​បាន ចុះទៅ​បង្ក្រាប​ឃាត់ខ្លួន​បាន​០១​នាក់​ត្រួតពិនិត្យ​រកឃើញ​ថ្នាំញៀន ០១​កញ្ចប់ មធ្យម​។​

    តាម​ចម្លើយសារភាពរ​បស់ជនស​ង្ស័​យ​ប្រាប់ថា​ខ្លួន​បាន​ទៅ​ទិញ​ម្ដុំ​ចោមចៅ មិន​ស្គាល់ឈ្មោះ (០១​កញ្ចប់​តម្លៃ​១០​ម៉ឺន​រៀល យកមក​លក់​បន្ត​)​។​

    បុរស ម្នាក់នេះ​មាន​តាម​ដីកា​របស់​សាលាដំបូង​ខេត្តកណ្ដាល ចំពោះ​ជនសង្ស័យ​ខាងក្រោម មាន​ដីកាចាប់ខ្លួន និង​ដីកានាំខ្លួន លេខ​០២៤ ចុះ​ថ្ងៃទី១៦ ខែមករា​ ឆ្នាំ២០១៧ របស់លោក​ផូង វណ្ណ ចៅក្រម​ស៊ើបសួរ​សាលាដំបូង​ខេត្តកណ្តាល ពីបទ​ជួញដូរ​ដោយ​ខុសច្បាប់​នូវ​សារធាតុ ញៀន ប្រព្រឹត្ត​នៅ​ភូមិ​បូរី​កម្មករ ឃុំ​បែក​ចាន ស្រុក​អង្គស្នួល ខេត្តកណ្តាល កាលពី​ថ្ងៃទី​០២.០២.២០១៥។​

    ដីកានាំខ្លួន​លេខ ៥៧០​ចុះ​ថ្ងៃទី​១០ ​ខែវិច្ឆិកា ​ឆ្នាំ​២០១៦ របស់លោក​ គឹម ម៉េង ចៅក្រម​ស៊ើបសួរ​សាលាដំបូង​ខេត្តកណ្ដាល​។​ ពីបទ​ជួញដូរ​ដោយ​ខុសច្បាប់​នូវ​សារធាតុ​​ញៀន​ប្រព្រឹត្ត​នៅ​ភូមិ ត្រពាំង​ក្រសាំង​ឃុំ​បែក​ចាន​ស្រុក​អង្គស្នួល​ខេត្តកណ្ដាល កាលពី​ថ្ងៃទី​៣០ ​ខែសីហា​ ឆ្នាំ​២០១៦​។​

    បច្ចុប្បន្ន​ជនសង្ស័យ​ឃាត់ខ្លួន​នៅ​អធិការដ្ឋាន​ប៉ូលិស​ស្រុក​អង្គស្នួល​ដើម្បី​បន្ត ចាត់ការ​តាម​នីតិវិធី៕​

adverise with khmeread