​ចិន​ខ្លាច​កូរ៉េខាងជើង​សាកល្បង​នុយក្លេអ៊ែរ​ទី ៦ បង្ក​ឱ្យ​ផ្ទុះ​ភ្នំភ្លើង​ដ៏​ធំ ដែល​នឹង​ឆក់​ជីវិត​ប្រជាជន​ចិន​រាប់ពាន់នាក់​

    នៅពេលកូរ៉េខាងជើងធ្វើតេស្តអាវុធនុយក្លេអ៊ែរ បន្ទុះរបស់វាបានបញ្ជូនថាមពលរញ្ជួយទៅក្នុងផែនដី ដែលអាចបង្កបំផ្ទុះភ្នំភ្លើងនៅជាប់ព្រំដែនចិន។

    ក្រុមអ្នកជំនាញនិយាយថា ការធ្វើតេស្តនុយក្លេអ៊ែរលើកទីប្រាំមួយពីរដ្ឋឯកោមួយនេះអាចកើតឡើង ដែលវានឹងធ្វើឱ្យពិភពលោកស្ថិតនៅមាត់ជ្រោះនៃសង្គ្រាមនុយក្លេអ៊ែរ ខណៈភាពតានតឹងកើនឡើងខ្លាំងនៅឧបទ្វីបកូរ៉េ។

    ប្រសិនបើកូរ៉េខាងជើងធ្វើតេស្តអាវុធនុយក្លេអ៊ែរធំជាងមុន លោក Bruce Bennett អ្នកវិភាគការពារជាតិជាន់ខ្ពស់នៅអង្គភាព Rand Corporation បារម្ភថា បន្ទុះរបស់វាអាចបង្កឱ្យមានផ្ទុះភ្នំភ្លើងនៅភ្នំ Paektu ដែលចិនហៅថាភ្នំឆាងប៉ៃ នៅព្រំដែនចិននិងកូរ៉េខាងជើង។

    លោក Bennett បានប្រាប់ CNN ថា "នៅពេលនោះអាចជាបន្ទុះភ្នំភ្លើងដ៏ធំ ដែលសម្លាប់ប្រជាជនកូរ៉េខាងជើងនិងចិនរាប់ពាន់នាក់ ប្រសិនបើមិនរាប់ម៉ឺននាក់។ យើងមិនដឹងថាការបំផ្ទុះអាវុធនុយក្លេអ៊ែរដ៏ធំមួយអាចបង្កឱ្យមានផ្ទុះភ្នំភ្លើងឬយ៉ាងណាទេ ប៉ុន្តែវាអាចទៅរួច។ ជាច្រើនឆ្នាំហើយដែលចិនព្រួយបារម្ភថា គាត់ (គីមជុងអ៊ុន) នឹងបង្កឱ្យភ្នំភ្លើងផ្ទុះឡើង"។

    យោងតាមកម្មវិធីភ្នំភ្លើងសកលរបស់វិទ្យាស្ថាន Smithsonian បានឱ្យដឹងថា ប្រជាជនប្រហែល ១,៦ លាននាក់រស់នៅក្នុងរង្វង់ ១០០ គីឡូម៉ែត្រនៃភ្នំភ្លើងខាងលើ ហើយវាមានចម្ងាយពីទីតាំងធ្វើតេស្តនុយក្លេអ៊ែរ Punggye-ri របស់កូរ៉េខាងជើងត្រឹមតែ ១១៥ ទៅ ១៣០ គីឡូម៉ែត្រប៉ុណ្ណោះ៕

ប្រភព៖ បរទេស

adverise with khmeread
tiger
Loading ad ...