adverise with khmeread Index

ជនអនាថា​ប្រុស​ម្នាក់ ស្រី​ម្នាក់​ដេកស្លាប់​

    ភ្នំពេញ ៖ ជ្រុង​មួយ​នៃ​ភាពក្រីក្រ​បានធ្វើ​ឲ្យ​ប្រជាពលរដ្ឋ​ខ្មែរ​ជួប​ការលំបាក​យ៉ាងខ្លាំង និង ដោយ​កត្តា​ជាច្រើន​នៃ​សង្គម​បច្ចុប្បន្ន ទោះបី​ពលរដ្ឋ​ភាគច្រើន​មាន​ជីវភាព​កាន់តែ​ប្រសើរ​ក៏ដោយ ។​

    ជនក្រីក្រ ជនអនាថា កុមារ​អនាថា​នៅតែមាន​សកម្មភាព​ដើរ​សុំទាន​នៅ​គ្រប់​ទីកន្លែង ជាពិសេស​នៅ​ម្តុំ​ផ្លូវកែង​ភ្លើងស្តុប​។​ស្ត្រី​រកស៊ី​ផ្លូវភេទ​នៅ​ទីកន្លែង​មួយចំនួន ពិសេស​ម្តុំ​វត្តភ្នំ ចាប់​យ៉ាងណា​ក៏​មិន​អស់​ដែរ ។​

    គេ​សង្កេតឃើញ​អាជ្ញាធរ​មូលដ្ឋាន​ជារឿយៗ​បាន​ចាប់​ប្រមូល​បញ្ជូន​ជូនទៅ​មន្ទីរ​សង្គមកិច្ច​ដើម្បី​ធ្វើការ​អប់រំ​និង​បណ្តុះបណ្តាល​វិជ្ជាជីវ​: ។ ប្រសិទ្ធភាព​នៃ​ការអប់រំ​និង​ការបណ្តុះបណ្តាល​ដល់​ពួកគេ​ទាំងនោះ​ទំនងជា​នៅ​កម្សោយ ទើប​ពួកគេ​ចេញ​មកវិញ​សុំទាន​និង​បោយ​ដៃ​ហៅភ្ញៀវ​បន្តទៀត​មុខ​ដដែលៗ ។​

    រាជរដ្ឋាភិបាល​គួរ​កែទម្រង់​នៅ​ចំណុច​អសកម្ម​នេះ ដើម្បី​លើកស្ទួយ​ពួកគេ​ឲ្យ​មានមុខ​របរ​និង​អាជីព​ពិតប្រាកដ ទើប​អាច​កាត់បន្ថយ​និង​លុបបំបាត់បាន ។​

     តាមពិត​ព័ត៌មាន​ពេលនេះ​ខ្មែរ​រីដ​ចង់​លើកឡើង​ពី​ជនអនាថា​២​នាក់​ដែល​ដេកស្លាប់​តាម​ចិញ្ចើមថ្នល់​កាលពី​ម្សិល​ម៊ិ​ញ រហូតមកទល់​ថ្ងៃនេះ​នៅតែ​មុន​ស្គាល់​អត្តសញ្ញាណ មិនដឹងថា​ពួកគេ​មាន​ស្រុកកំណើត​នៅឯណា​?​មាន​បងប្អូន​ឬ​អត់​?

     ជាក់ស្តែង ជនអនាថា​ជា​ស្ត្រី​ម្នាក់​ដេកស្លាប់​មិន​ស្គាល់​អត្តសញ្ញាណ មាន​អាយុ​ប្រហែល​៣០​ឆ្នាំ​ជនជាតិខ្មែរ​សម្បុរ​ខ្មៅ​ស្រអែម សក់​ខ្លី​ត្រឹម​ក ពាក់​អាវដៃវែង ពណ៌​ឈាមជ្រូក ផ្កា​ពណ៌​ក្រហម​កំពស់​ប្រហែល ១,៥៥​ម៉ែត្រ​។​ត្រូវបាន​គេ​ប្រទះឃើញ​នៅវេលា​ម៉ោង​១​រសៀល​ថ្ងៃទី​២​កុ​ម្ភះ​ឆ្នាំ​២០១៦​នៅក្រោម​ស្ពាន​ជ្រោយចង្វារ​ត្រើយ​ខាងលិច សង្កាត់​ស្រះចក ខណ្ឌដូនពេញ ។​

   តាម​ការបំភ្លឺ​របស់​អ្នករស់នៅ​ជិត​កន្លែងកើតហេតុ​បំភ្លឺថា ជនរងគ្រោះ​ជា​សព កាលពី​១៥​ថ្ងៃមុន​បានមក​ដេក​ក្រោម​ស្ពាន​ដោយ​អត់​អី​ហូប គាត់​ក៏​យក​បាយទឹក​ឲ្យ​រួច​សួរនាំ​ជនរងគ្រោះ​ថា​" គាត់​នៅ​កោះធំ​"​។​

    លុះដល់​ថ្ងៃកើតហេតុ ឃើញ​គេ​រោម​មើល ទើប​គាត់​ដឹងថា​ជនរងគ្រោះ​ដែល​គាត់​ឲ្យ​បាយទឹក​ថ្ងៃមុន​ស្លាប់​បាត់ទៅហើយ​។​សព​បូជា​នៅ​វត្ត​ទួល​សង្កែ​។​

    ករណី​មួយទៀត ជនអនាថា​ជា​បុរស​ម្នាក់ទៀត​ត្រូវបាន​គេ​ប្រទះឃើញ​ដេកស្លាប់​នៅ​វាល​ខ្សាច់​បឹងកក់ ផ្លូវ​R5 ភូមិ​១ សង្កាត់​ស្រះចក ខណ្ឌដូនពេញ កាលពី​វេលា​ម៉ោង​១១​កន្លះ​ថ្ងៃទី​២​កុ​ម្ភះ ឆ្នាំ​២០១៦ ។​

    ជនអនាថា​រូបនោះ​មាន​អាយុ​ប្រហែល​៤០​ឆ្នាំ​សម្បុរ​ខុ​មៅ កម្ពស់​១,៧០​ម៉ែត្រ​អត់​ពាក់អាវ​ស្លៀក​សារុង សក់រួញ​អង្គារ​ដី ។​

   តាម​ការបំភ្លឺ​ពី​សន្តិសុខ​នៅក្បែរ​នោះបាន​ឲ្យ​ដឹងថា គាត់​ឃើញ​ជនរងគ្រោះ​មក​ទីនេះ​២​ថ្ងៃ​ហើយ ។ ដោយ​ឃើញ​ដេក​មិន​ក្រោក​សោះ​គាត់​ក៏​ទៅ​ដាស់​គាត់​ស្លាប់​បាត់ទៅហើយ​។​បន្ទាប់មក​ក៏​រាយការណ៍​ប្រាប់​ប៉ូលិស​មក​ពិនិត្យ​រួច​ដឹក​យកទៅ​បូជា​នៅ​វត្ត​ទួល​អស់លោក ៕

adverise with khmeread

មតិយោបល់