របៀបដាំបាយជាមួយប្រេងដូង ដើម្បីដុតជាតិខ្លាញ់ក្បាលពោះ

    ​លោក Sudhair James មកពី​មហាវិទ្យាល័យ​វិទ្យាសាស្ត្រ​គីមី (College of Chemical Sciences) ថ្មីៗ​នេះ​បានបង្ហាញ​វិធី​ថ្មី​ក្នុងការ​ដាំបាយ ដែល​អាច​កាត់បន្ថយ​ការ​ស្រូបយក​កាល់​ឡូរី​បាន ៥០-៦០%​។ គាត់​បាន​រកឃើញ​វិធី​ដើម្បី​ធ្វើឱ្យ​បាយ​ក្លាយជា "​ជាតិ​ម្សៅ​ស៊ាំ​" មួយ ដែល​អាច​ទប់ទល់​ការ​ស្រូបយក​ជាតិ​ម្សៅ ឬ ស្ករ កុំឱ្យ​ជ្រៀតចូល​សរសៃឈាម​។ 

​     ជាតិ​ម្សៅ​ផ្សេងៗ ដូចជា​ម្សៅ​អង្ករ​ជាដើម អាចរំលាយ​យ៉ាង​ងាយ ហើយ​បំ​លែង​ទៅជា​គ្លុយកូស​ក្នុង​ឈាម​។ ហើយ​ភាគច្រើន​នៃ​ជាតិ​ម្សៅ​ទាំង​នោះបាន​ចូលទៅក្នុង​សាច់ដុំ និង ថ្លើម ក្នុងនាម​ជា​ជាតិ Glycogen ហើយ​ជា​គ្លុយកូស​ដែល​លើស​នឹងត្រូវ​រក្សា​ទុកជា​ជាតិ​ខ្លាញ់ ជា​បច្ច័យ​នាំឱ្យ​កើតរោគ​ធាត់ និង​បញ្ហា​សុខភាព​។ មួយវិញទៀត "​ជាតិ​ម្សៅ​ស៊ាំ​" ឆ្លងកាត់​ព្រោះ​វៀន​តូច​ដែល​មិន​រំលាយ​អាហារ ហើយ​ក្លាយទៅជា​អាហារ​សម្រាប់​បាក់តេរី​មាន​ប្រយោជន៍​ក្នុង​ពោះវៀនធំ ខណៈ​ជួយ​កាត់បន្ថយ​ហានិភ័យ​នៃ​ការ​លើស​ជាតិ​គ្លុយកូស​ក្នុង​ឈាម​។ ហើយ​វា​ក៏​នឹង​ជួយ​ដល់​ការដុត​ជាតិ​ខ្លាញ់​បែប​ធម្មជាតិ​ផងដែរ​។ 

​    ​* រូបមន្ត​សម្ងាត់​ប្រេងដូង 
​    ​ដើម្បី​បង្កើត "​ជាតិ​ម្សៅ​ស៊ាំ​" របស់​អង្ករ អ្នក​ត្រូវ​ធ្វើតាម​វិធី​ខាងក្រោម​នេះ​។​

​    ​ដាក់​ប្រេងដូង ១ ស្លាបព្រា​កាហ្វេ ក្នុង​ទឹក​ក្តៅ កូរ​ឱ្យ​រលាយ​ចូលគ្នា​សព្វ បន្ទាប់​មកចាក់​អង្ករ​កន្លះ​កំប៉ុង​កូរ​ឱ្យ​សព្វ​។ រួច​យកទៅ​ដាំ​បើកភ្លើង​រឹមៗ ៤០ នាទី​រហូត​បាយ​ឆ្អិន ប៉ុន្តែ​អ្នកវិទ្យាសាស្ត្រ​ខ្លះ​ណែនាំ​ឱ្យដាំ​បាយ​ត្រឹម ២០ ទៅ ២៥ នាទី ក៏បាន​ដែរ​។ បន្ទាប់មក ដាក់​បាយ​ក្នុង​ទូទឹកកក ១២ ម៉ោង​។ 

​    ​ដំណើរការ​នេះ​នឹង​បង្កើន "​ជាតិ​ម្សៅ​ស៊ាំ​" រហូតដល់​ទៅ ១០ ដង​!៕

adverise with khmeread

អ្នកនឹងចូលចិត្ត

tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab