adverise with khmeread 0

បច្ចេកវិជ្ជា​ពន្លឺ​ឆ្លុះ​សរសៃឈាម​ដ៏​អស្ចារ្យ​នេះ​ជួយ​សម្រួល​ដល់​ការចាក់​ថ្នាំ​បាន​យ៉ាង​ងាយស្រួល​បំផុត​

​    ​ប្រសិនបើ​អ្នក​ធ្លាប់បាន​ទៅ​បរិច្ចាគ​ឈាម អ្នក​ច្បាស់​ជា​បានដឹងហើយថា​សូម្បីតែ​វេជ្ជបណ្ឌិត និង​គិលានុបដ្ឋាយិកា​ដែលមាន​ជំនាញ​បំផុត​ក៏​អាច​ពិបាក​ស្វែងរក​ទីតាំង​សរសៃ​ដែរ​។

​    ​ដូច្នេះហើយ​ទើប​បណ្តាល​មន្ទីរពេទ្យ​ទាំងអស់​ក្នុង​សហរដ្ឋអាមេរិក​បាន​កំពុងធ្វើការ​សាកល្បង​ឧបករណ៍​មួយ ដែល​អាច​រក​ទីតាំង​សរសៃ​នៅក្នុង​ដៃ​មនុស្ស ដោយ​ប្រើ​ពន្លឺ​អ៊ី​ន​ហ្វ្រា​រ៉េដ​មិន​បង្ក​គ្រោះថ្នាក់​។

​    ​ដោយ​ត្រូវបាន​ហៅថា Christie VeinViewer ឧបករណ៍​នេះ​អាច​រកឃើញ​សរសៃ​យ៉ាងច្បាស់ និង​បន្ទាប់មក​បញ្ចាំង​រូបភាព​សរសៃ​នោះ​នៅលើ​ដៃ​របស់​មនុស្ស​ផ្ទាល់ៗ​តែម្តង​ដើម្បី​ជួយ​បុគ្គលិក​ពេទ្យ​ឱ្យដឹង​កន្លែង​ដែល​ត្រូវ​ចាក់​ម្ជុល​។

​    ​ប្រព័ន្ធ​វេជ្ជសាស្ត្រ​នេះ​ត្រូវបាន​បង្កើតឡើង​ដោយ​ក្រុមហ៊ុន Christie Medical Holdings មាន​មូលដ្ឋាន​ស្ថិតនៅ​ទីក្រុង Memphis សហរដ្ឋអាមេរិក​។

​    ​ក្រុមហ៊ុន​និយាយថា ឧបករណ៍​នេះ​បង្ហាញ​រូបភាព​សរសៃ​របស់​អ្នក​ដោយផ្ទាល់​នៅលើ​ផ្ទៃ​ខាងក្រៅ​ស្បែក​របស់​អ្នក​តែម្តង ដោយ​វា​អាចជួយ​សង្គ្រោះ​មនុស្ស​ពី​ឈឺចាប់​ដោយសារតែ​ចាក់​ម្ជុល​ខុស​កន្លែង​៕

 

adverise with khmeread
ប្រភព៖ ដេលី​មែ​ល​

អ្នកនឹងចូលចិត្ត

មតិយោបល់