1

Real Madrid សម្រេចចិត្ត​នាំយក Morata មក​ទឹកដី Santiago Bernabéu វិញ​

​ក្លឹប​យក្ស​អេ​ស្ប៉ា​ញ Real Madrid បានសម្រេច​ចិត្ត​ហើយ​ថា ពួកគេ​នឹង​ចំណាយលុយ ៣២ លាន​យ៉ូ​រ៉ូ​ដើម្បី​នាំយក​អតីត​ខ្សែប្រយុទ្ធ​វ័យក្មេង Álvaro Morata មកកាន់​ទីក្រុង​ម៉ា​ឌ្រី​ដ​វិញ​។ តម្លៃ​នេះ​ត្រូវបាន​យល់ព្រម​នៅពេលដែល​អតីត​ខ្សែប្រយុទ្ធ​យុវជន​របស់​ក្លឹប​បាន​វេច​បង្វិច​ទៅ​ចុះចូល​ជាមួយ​សេះបង្កង់ Juventus កាលពី​ឆ្នាំ ២០១៤​។​

​ឥឡូវ​ពេលវេលា​វា​ច្បាស់​ជា​គ្រប់គ្រាន់​ដើម្បី​នាំយក​រូបគេ​មកវិញហើយ បន្ទាប់ពី​ចំណាយពេល​ពីរ​ឆ្នាំ​ជាមួយ Juventus ដែលជា​កន្លែង​ដែល​កីឡាករ​រូបនេះ​បាន​ធំ​ដឹងក្តី​ជា​កីឡាករ​អាជីព​។​

​ចេតនា​របស់​ក្លឹប​នៅ​រាជធានី​ម៉ា​ឌ្រី​ដ​មួយ​នេះ​គឺ​ដើម្បី​បំពេញ​នូវ​កិច្ចព្រមព្រៀង​សម្រាប់​កីឡាក​រូបនេះ​ដែល​កំពុង​លេចធ្លោ​នៅ​ទ្វីបអឺរ៉ុប​។ បើសិន​នេះ​ជា​អ្វីដែល​ពួកគេ​បានសម្រេច​ចិត្ត​មែន​នោះ កីឡាករ​វ័យ ២៣ ឆ្នាំ​រូបនេះ​នឹងមាន​លក្ខណៈសម្បត្តិ​គ្រប់គ្រាន់​ដើម្បី​ធ្វើ​ការលក់​ក្នុង​ថ្ងៃ​អនាគត​។ បិសាច​ក្រហម Manchester United និង​ហង្ស​ក្រហម Liverpool ក៏​ចង់​ទិញ​កីឡាករ​រូបនេះ​ផងដែរ​។​

​យើង​ក៏​ប្រហែលជា​អាច​ឃើញ​កីឡាករ​រូបនេះ​ចូលរួម​ជាមួយ​លោក José Mourinho នៅ​បិសាច​ក្រហម Man Utd ផងដែរ ព្រោះ​គាត់​ចូលចិត្ត​អត្ត​ច​រិ​ករ​បស់ Morata និង​អាចធ្វើ​ឲ្យ​គាត់​ក្លាយជា​កីឡាករ​ខ្លាំង​ទៀតផង​។

Real Madrid ជឿថា​ពួកគេ​អាច​នឹង​ចំណាយ​ដល់​ទៅ ៥០ លាន​យ៉ូ​រ៉ូ​សម្រាប់ Morata ដោយ​ចំណាយ​លើស ១៨ លាន​នៅពេលដែល​ទីផ្សារ​ដោះដូរ​កីឡាករ​បើក​សាជាថ្មី​នៅ​ខែមិថុនា​នេះ​។​

​ការចរចា​ត្រូវ​រូ​វ​គ្នា​គឺជា​មូលដ្ឋាន​មួយ ដូច្នេះហើយ Álvaro Morata និង​បន្ត​ទម្រង់​លេង​ល្អ​របស់គាត់​ក្នុងពេល​បច្ចុប្បន្ន ហើយ​យើង​អាច​ឃើញ​គាត់​លេង​បានល្អ​នៅក្នុង​តំបន់​អឺរ៉ុប និង​អាច​ឃើញ​គាត់​លេង​ឲ្យ​ជម្រើសជាតិ​ផងដែរ​៕

ប្រភព៖ ម៉ាកា

មតិយោបល់