adverise with khmeread 6

Chelsea មិនទាន់​ចុះចាញ់​លើ​ការ​តាម​ទិញ Griezmann ខណៈ​កីឡាករ​រូបនេះ​ចង់​មក​អង់គ្លេស​

​ក្លឹប​បាល់ទាត់​តោ​ខៀវ Chelsea នៅតែ​មិន​ព្រម​ចុះចាញ់​ក្នុងការ​បញ្ចុះបញ្ចូល​ខ្សែប្រយុទ្ធ Antoine Griezmann ឲ្យ​មក​ក្លឹប​របស់​ពួកគេ​នៅឡើយ ខណៈ​កីឡាករ​វ័យក្មេង Eden Hazard អាច​នឹង​ចាក​ចេញទៅ​ក្លឹប​អធិរាជ​ស Real Madrid នៅ​រដូវ​កាល​ក្រោយ​។​

​ប្រសិនបើ​កីឡាករ​រូបនេះ​ពិតជា​ចង់​ចាក​ចេញពី​ប្រទេស​អេ​ស្ប៉ា​ញ​មែន​នោះ រូបគេ​នឹង​ជ្រើស​រើសយក​ក្របខ័ណ្ឌ Premier League ជាក់​ជាមិនខាន​។​

​កីឡាករ​វ័យ ២៤ ឆ្នាំ​រូបនេះ​បាន​ប្រាប់​មិត្ត​ភ​ក្កិ​ជិតស្និទ្ធ​របស់គេ​ថា ខ្លួន​ចង់​មក​ប្រទេស​អង់គ្លេស ហើយ​ព័ត៌មាន​នេះ​នឹងធ្វើ​ឲ្យ​ក្រុម Chelsea ឆក់​ឱកាស​ដើម្បី​ទិញ​រូបគេ​មកកាន់​ទឹកដី Stamford Bridge តែម្តង​។​

​ក្រុម​តែ​ខៀវ​មិនមែន​ទើបតែ​ចាប់អារម្មណ៍​លើ​អតីត​កីឡាករ​របស់​ក្រុម Real Sociedad រូបនេះ​ទេ ពួកគេ​បាន​សង្កេត​កីឡាករ​រូបនេះ​អស់​ជាច្រើន​ឆ្នាំ​មកហើយ​។​

Chelsea ក៏បាន​ព្យាយាម​បញ្ចុះបញ្ចូល Griezmann ឲ្យ​មកកាន់​ទីក្រុង​ឡុង​ដ៍​ដែរ​កាលពី​រដូវ​កាល​មុន ប៉ុន្តែ Atletico Madrid​បាន​បដិសេធ​ដាច់ខាត​ថា​កីឡាករ​រូបនេះ​មិនមែន​សម្រាប់​លក់​នោះទេ​។​

​ប៉ុន្តែ Chelsea ត្រៀម​រួចរាល់​ហើយ​សម្រាប់​ការតាមប្រមាញ់​កីឡាករ Griezmann ក្នុង​រដូវក្តៅ​ខាងមុខនេះ និង​សញ្ញាណ​នានា​បាន​បង្ហាញថា​កីឡាករ​រូបនេះ​គ្មាន​ជម្រើស​អ្វី​ក្រៅពី​មក​ចូលរួម​ជាមួយ​តោ​ខៀវ​នោះឡើយ​។​

​គួរ​បញ្ជាក់ថា Chelsea មិនមែនជា​ក្រុម​តែមួយ​នោះទេ​ដែល​ចាប់អារម្មណ៍​ទៅលើ Griezmann ក្រុម​អ្នកមាន Manchester City និង Manchester United ក៏​កំពុង​ប្រជែង​គ្នា​យក​កីឡាករ​ឆ្នើម​រូបនេះ​ផងដែរ ប៉ុន្តែ Chelsea ប្រហែលជា​ប្រញាប់​យក​ហត្ថលេខា​របស់​កីឡាករ​សញ្ជាតិ​បារាំង​រូបនេះ​មុន​គូប្រជែង​របស់ខ្លួន​ហើយ​។​

​ជាការ​ពិត Griezmann ជា​កីឡាករ​ដែល​គេ​រំពឹងថា​នឹង​លេចធ្លោ​ក្នុង​យុទ្ធនាការ​បាល់ទាត់ Euro ២០១៦ ខាងមុខ ហើយ​ចំណាប់អារម្មណ៍​ចំពោះ​កីឡាករ​រូបនេះ​កំពុងតែ​កើនឡើង​ពាសពេញ​ទ្វីបអឺរ៉ុប​។​

​ប៉ុន្តែ​ក្លឹប Atletico Madrid មិនទាន់​បោះបង់ចោល​នៅឡើយ​ទេ​ចំពោះ​បំណង​មិន​លក់​កីឡាករ​ឆ្នើម​របស់ខ្លួន បើទោះជា​មានការ​ចាប់អារម្មណ៍​ពី​ក្រុម​ក្នុង​ក្របខ័ណ្ឌ Premier League ក៏ដោយ​។​

​ប្រធាន​ក្លឹប Atletico លោក Enrique Cerezo បាន​ប្រាប់​វិទ្យុ​អេ​ស្ប៉ា​ញ Cadena Ser ថា ពួកគេ​គ្មាន​បំណង​លក់ Antoine Griezmann ក្នុង​រដូវក្តៅ​នេះ​ទេ​៕

adverise with khmeread
ប្រភព៖ ដេលីមែល

អ្នកនឹងចូលចិត្ត

មតិយោបល់