ប្រិយមិត្តបាល់ទាត់ព្រឺសម្បុរ!!! នៅថ្ងៃបុណ្យសពកុមារាប្រិយមិត្ត Sunderland ស្រាប់តែឃើញស្រមោលពពកមុខដូច Bradley Lowery

អ្នកចូលរួមបុណ្យសពម្នាក់ ដែលបានចូលរួមបុណ្យសពរបស់កុមារា Bradley Lowery បានចែករំលែករូបថតពពកដុំៗនៅលើមេឃ រំលងពីលើកន្លែងធ្វើបុណ្យសព ដែលមើលទៅស្រដៀងនឹងមុខរបស់កុមារា Bradley Lowery និង មានពពករង្វង់រាងបេះដូងទៀតផង។ នេះបើតាមប្រភព Daily Mail កាលពីថ្ងៃសៅរ៍ ទី១៥ កក្កដា។

អ្នកចូលរួមបុណ្យសពឈ្មោះ Mark Shields ដែលបង្ហោះរូបថតនេះនៅលើ Facebook បានសរសេរថា "ខ្ញុំបានថតរូបនេះនៅពិធីបុណ្យសព Bradley ថ្ងៃនេះ (ថ្ងៃសៅរ៍)។ គ្រាន់តែចាប់អារម្មណ៍ថតពេលខ្ញុំមើលទៅលើមេឃឃើញរាងបេះដូងខៀវនៅលើពិធីបុណ្យសពនៅព្រះវិហារ ប៉ុន្តែរូបថតបែរជាមានអ្វីមួយផ្សេងទៅវិញ។ មើលទៅខាងស្តាំដៃផ្នែកខាងលើ នឹងឃើញមុខក្មេងតូចនេះ។ នេះពិតជាមិនគួរឱ្យជឿមែន"។

មនុស្សជាង ៣.០០០ នាក់ដែលភាគច្រើនពាក់អាវបាល់ទាត់ បានចូលរួមពិធីបុណ្យសព Bradley នៅភូមិ County Durham ចក្រភពអង់គ្លេស ដើម្បីសម្តែងការគោរពលាចុងក្រោយនូវក្មេងប្រុសអាយុ ៦ ឆ្នាំ ដែលបានបំផុសទឹកចិត្តមនុស្សរាប់លាននាក់។

ប្រិយមិត្តបាល់ទាត់របស់ក្រុម Sunderland រូបនេះបានតស៊ូជម្នះជំងឺមហារីកសរសៃប្រសាទយ៉ាងក្លាហាន ហើយទំនាក់ទំនងរវាងគេ និង ខ្សែប្រយុទ្ធឆ្មាខ្មៅ Defoe បានធ្វើឱ្យអ្នកគាំទ្របាល់ទាត់ជុំវិញពិភពលោករំភើបចិត្តជាខ្លាំង៕ ប្រភព៖Dailymail


adverise with khmeread