adverise with khmeread 1

អត្ថប្រយោជន៍នៃ​សូកូឡា​

​    ​សូកូឡា​មាន​ផ្ទុក​គ្លុយស៊ីដ​ប្រហែល ៦០% លីពីត ៣០% ប្រូតេអ៊ីន ៥%​និង​សារធាតុ​រ៉ែ​ខ​និ​ច​ជាច្រើន​ទៀត​ដែល​អាច​ហុច​គុណប្រយោជន៍​របស់​វា​ឱ្យដល់​សុខភាព​របស់​យើង​។ ជាក់ស្តែង​សូកូឡា​ជួយ​ការពារ​បេះដូង នឹង​ធ្វើឱ្យ​សម្ពាធ​ឈាម​ធ្លាក់ចុះ​។    
                                                                
​    ​- សារធាតុ​ប៉ូ​លី​ហ្វេ​ណុល​( Polyphenols) ​ដែល​ការពារ​បេះដូង ​លោកអ្នក​សំដែង​ការ​រួញរា​ចិត្ត​ក្នុងការ​ទទួលទាន​សូកូឡា​មួយ​ឬ​ពីរ​ដុំ​ការ៉េម ដោយ​ខ្លាចក្រែង​ឡើង​ធាត់ ខ្លាច​ឃើញ​អត្រា​កូ​ឡេ​ស្តេ​រ៉ូ​ល​កើនឡើង​។ លោកអ្នក​យល់ឃើញ​បែបនេះ​ខុស​ហើយ​! សូកូឡា​មាន​សារធាតុ​ប្រឆាំង​អុកស៊ីតកម្ម​ខ្ពស់ ពោលគឺ​មាន​៥០០​មិ​ល្លី​ក្រាម​ក្នុង​សូកូឡា​ខ្មៅ ១០០​ក្រាម និង​មាន ១៥០​មិ​ល្លី​ក្រាម​ក្នុង​សូកូឡា​ទឹកដោះគោ​១០០​ក្រាម​។ ដោយសារ​សមាសធាតុនេះហើយ​ទើប​សូកូឡា​ក្លាយជា​អាហារ​មាន​មុខងារ​បង្ការ​ជំងឺ​សរសៃឈាម​-​បេះដូង​(Les maladies cardiovasculiers)​។​    ​         ​    ​
​    ​
​    ​លោក​វេជ្ជបណ្ឌិត អ៊ែរ​វេ រ៉ូ​ប៊ែ​រ​(Dr Herve Robert) អ្នកឯកទេស​ចិញ្ចឹម​រាងកាយ​ដោយ​អាហារ​បាន​និយាយថា​ការសិក្សា​ស្រាវជ្រាវ​ជា​​ច្រើន​បានបង្ហាញ​ឱ្យដឹងថា ប៉ូ​លី​ហ្វេ​ណុល​នេះ​ជួយ​ពង្រឹង​ផ្ទៃ​ក្នុងនៃ​សរសៃឈាម​ក្រហម និង​ការកាត់បន្ថយ​សម្ពាធ​ឈាម​ដោយ​ពង្រីក​សរសៃឈាម​។ វា​(​ប៉ូ​លី​ហ្វេ​ណុល​)​មាន​អំពើ​ទៅលើ​ឈាម​ដោយ​ការពារ ទុកជាមុន​នូវ​ការ​ដុះ​ឡើង​នៃ​ដុំ​ឈាម​ខន់​។ វា​មាន​អំពើ​ដូច​គា្ន​ទៅនឹង​អំពើ​របស់​ថ្នាំ​អា​ស្ពឺ​រី​ន​។ ប្រសិទ្ធភាព​ត្រូវបាន​បង្ហាញ​ភស្តុតាង​ជាមួយ​សូកូឡា​ខ្មៅ​១០ ក្រាម​ក្នុង​មួយថ្ងៃ (​ស្មើនឹង​សូកូឡា​ដុំ​ការ៉េ​មួយ​ដុំ​)​។​    ​    
​    ​    ​    ​    ​    ​    ​    ​
​    ​ជាងនេះទៅទៀត​សូកូឡា​សម្បូរ​ទៅដោយ​អាស៊ីដ​ខ្លាញ់​ឆ្អែត (​ខ្លាញ់​អាក្រក់​)​ដែល​ងាយ​ធ្វើឱ្យ​កូ​ឡេ​ស្តេ​រ៉ូ​កើនឡើង​ខ្ពស់ (Hypercholesterolemie)​។ ប៉ុន្តែ​អ្នកឯកទេស​ចិញ្ចឹម​រាងកាយ​ដោយ​អាហារ​ថា​"​ក្នុងកំឡុងពេល​រំលាយ​សូកូឡា​ខ្លាញ់​អាក្រក់​នេះ​ប្រែក្លាយ​ទៅជា អាស៊ីដ​អូ​ឡេ​អី​ក (Acide Oleique ខ្លាញ់​ល្អ​)​។ នៅក្នុង​សូកូឡា​គេ​ឃើញ​មាន​ខ្លាញ់​ល្អ​សរុប ៦៩% ស្ទើរតែ​ស្មើនឹង​ប្រេង​អូ​លីវ​ដែរ​"​។​    ​    ​
    ​    ​
​    ​ផ្ទុយ​មកវិញ​ប្រជាប្រិយភាព​របស់​សូកូឡា​ដែលថា​សម្បូរ​ម៉ាញ៉េ​ស្យូ​ម​នោះ​ត្រូវបាន​គេ​វាយ​តំលៃ​ហួស​។ សូកូឡា​ខ្មៅ​ដែលមាន​កា​កាវ ៧០% ម៉ាញ៉េ​ស្យូ​ម​ត្រឹមតែ​១៧០​មិ​ល្លី​ក្រាម​ក្នុង​១០០​ក្រាម សូកូឡា​ទឹកដោះគោ​មាន​ម៉ាញ៉េ​ស្យូ​ម​១០០​មិ​ល្លី​ក្រាម និង​សូកូឡា​-​សមាន​ម៉ាញ៉េ​ស្យូ​ម ៦០​មិ​ល្លី​ក្រាម​គឺ​តិចជាង​ស្រូវ​សាលី (៤០០​មិ​ល្លី​ក្រាម ១០០​ក្រាម​) គ្រាប់​អា​ម៉ុ​ន (២៥៥​មិ​ល្លី​ក្រាម​)​ឬ គ្រាប់​Cajou (២៦៧​មិ​ល្លី​ក្រាម​)​។​    ​
    ​    ​    ​    ​    ​    ​    ​    ​
​    ​ម្យ៉ាងទៀត​គេ​យល់ឃើញថា សូកូឡា​ធ្វើឱ្យ​ឈឺ​មួយ​ចំហៀង​ក្បាល​។ វេជ្ជបណ្ឌិត អ៊ែរ​វេ រ៉ូ​ប៊ែ​រ​បាន​បន្ថែមទៀតថា "​ភាព​ខាប់​របស់​វា​ជា Tyramine(១.២​មិ​ល្លី​ក្រាម​) និង​ជា Pheneylethylamine មាន​តិចតួច​ណាស់​សម្រាប់​ធ្វើឱ្យ​ឈឺ​មួយ​ចំហៀង​ក្បាល​។ លើកលែងតែ​គេ​ហូប​សូកូឡា​រួច បញ្ចូល​ជាមួយ​អាហារ​សាច់​ឆ្អិន​ស្រាប់ ហ្វ្រូ​ម៉ា​ហ្ស ស្រា​..."​។​    ​
​    ​    ​    ​    ​    ​    ​    ​    ​
​    ​- អានុភាព​ប្រឆាំង​ជំងឺ​ស្រេ្ត​ស៍​    ​    ​    ​    ​    ​    ​    ​    ​    ​
​    ​លោក អ៊ែរ​វេ បាន​រៀបរាប់ថា "​សារធាតុ​គីមី​ដែលមាន​នៅក្នុង​សូកូឡា​ដូចជា​Theophyline, Theobromine កា​ហេ្វ​អ៊ី​ន​អាចជួយ​ប៉ូវ​កម្លាំង ហើយ​សារធាតុ Pheneylethylamine អាច​កម្ចាត់​ជំងឺ​ស្រេ្ត​ស គ្មាន​អំពើ​ទាល់តែសោះ បើ​គេ​បរិភោគ​សូកូឡា​១,៥​គីឡូក្រាម​ក្នុង​មួយថ្ងៃ ពីព្រោះ​វា​បញ្ចេញ​អង់​ដ័​រ​ហ្វី​ន​(Des endorphine)​ដូចគ្នា​នឹង​ការរត់​ត្រឹកៗ ៤៥​នាទី​សម្រាប់​អ្នក​ចូលចិត្ត​ហូប​សូកូឡា​"​។​    ​
​    ​    ​    ​    ​
​    ​- យល់ដឹង​បន្ថែម​ពី​សូកូឡា​

​    ​ចំណែក​គ្រឿងផ្សំ​ធ្វើ​សូកូឡា​ខ្មៅ​មាន​ម្ស៉ៅ​កាវ​តិច​បំផុត ៤៣%+​ស្ករ​+​ប័​រកា​កាវ​។ សូកូឡា​ទឹកដោះគោ មាន​ម្ស៉ៅ​កាវ​តិច​បំផុត​២៤%+​ស្ករ​+​ទឹកដោះគោ +​ប័​រកា​កាវ​។ សូកូឡា​-​សមាន​ស្ករ​+​ប័​រកា​កាវ (​ដែលផ្តល់ឱ្យមាន​រសជាតិ​សូកូឡា​+​ទឹកដោះគោ​)​។​    ​
​    ​    ​    ​
​    ​សូកូឡា​ចូលចិត្ត​សីតុណ្ហភាព ១៥ ដល់ ១៨ អង្សា​ដែល​គេ​អាច​រក្សាទុក​វា​បាន​រាប់​ខែ​។ វា​មិន​ចូលចិត្ត​ទាំង​ភាព​សើម​ទាំង​ពន្លឺ​រួមទាំង​ក្លិន​ផងដែរ​៕​

adverise with khmeread

អ្នកនឹងចូលចិត្ត

មតិយោបល់