លោក Unai Emery: Neymar នឹងជួយក្រុម PSG ឲ្យក្លាយជាក្រុមខ្លាំងមួយក្នុង ក្របខណ្ឌ CL

          គ្រូបង្វឹក​ក្លឹប​ PSG លោក Unai Emery បានបញ្ចប់ភាពស្ងប់​ស្ងៀមជុំវិញ​ពាក្យចរចាមអារាមដែលភ្ជាប់ក្លឹបយក្សបារាំងនេះទៅនឹង​កិច្ចព្រមព្រៀង​ផ្ទេរខ្សែ​ប្រយុទ្ធ​ Neymar របស់ក្រុម Barcelona ក្នុងតម្លៃ​១៩៦លានផោន។

          គ្រូបង្វឹក​សញ្ជាតិអេស្ប៉ាញរូបនេះ​បានបញ្ជាក់ពីចំណាប់អារម្មណ៍​របស់​ក្លឹប​ PSG ដោយអះអាងថា វត្តមានរបស់ Neymar នឹងជួយជំរុញពួកគេឲ្យក្លាយ​ជា​ក្រុម​ខ្លាំងមួយនៅ​ក្របខណ្ឌ CL។​

          Emery បាននិយាយថា “ PSG ចង់បានកីឡាករឆ្នើម​ក្នុងពិភព​លោកហើយ នៅក្នុងក្លឹបខ្លាំងបំផុតរបស់ពិភពលោក”។ លោកបន្តថា “កីឡាករប្រេស៊ីលរូបនេះ​ស្ថិតក្នុងចំណោមកីឡាករកំពូល​ទាំង​៥ក្នុង​ពិភព​លោក​​”​។

          បើទោះបីជាក្លឹប Barcelona បានប្តេជ្ញារក្សាទុកខ្សែប្រយុទ្ធរូបនេះនៅ​ពហុ​កីឡាដ្ឋាន Nou Camp ប៉ុន្តែ​ PSG ចង់សម្រេចអ្វីដែលពួកគេហៅថា ជាកិច្ច​ព្រម​ព្រៀងផ្ទេរ​ខ្ពស់បំផុតក្នុងពិភពលោក៕

adverise with khmeread