​អ្នកភូមិ​ចិន​កំពុង​ធ្វើសង្គ្រាម​ដណ្តើមយក​រូបសំណាក​ព្រះពុទ្ធ​បុរាណ​អាយុកាល ១.០០០ ឆ្នាំ ពី​អ្នកប្រមូល​វត្ថុ​បុរាណ​ជនជាតិ​ហូ​ឡង់​ម្នាក់​

​អ្នកភូមិ​ចិន​មួយក្រុម​បានធ្វើ​ដំណើរ​ទៅ​ប្រទេស​ហូ​ឡង់​ដើម្បី​ទាមទារ​ឱ្យ​អ្នកដើរ​ប្រមូល​វត្ថុ​បុរាណ​ហូ​ឡង់​ម្នាក់​ប្រគល់​រូបសំណាក​ព្រះពុទ្ធ​ដែលមាន​ផ្ទុក​សាកសព​សង្ឃ​មួយអង្គ​អាយុកាល ១.០០០ ឆ្នាំ និង​មាន​កម្ពស់​ប្រមាណ ១,២ ម៉ែត្រ​។​

​ក្រុម​អ្នកភូមិ​អះអាងថា រូបសំណាក​នោះ​គឺជា ចាង​កង​ជូ​សឺ ដែលជា​ព្រះ​បរមគ្រូ​គួរឱ្យ​គោរព​មួយអង្គ ដែល​ធ្លាប់ជា​មោទនភាព​និង​ភាព​រីករាយ​របស់​អ្នកភូមិ​យ៉ាង​ឈុន​រហូត​ទាល់តែ​ត្រូវបាន​ចោរលួច​កាលពី ២២ ឆ្នាំមុន ពី​វត្ត​ក្នុងស្រុក​របស់​ពួកគេ​នៅ​ចិន​ភាគ​អាគ្នេយ៍​ក្នុង​ឆ្នាំ ១៩៩៥​។​

​យោងតាម​ប្រព័ន្ធ​ផ្សព្វផ្សាយ​ក្នុងស្រុក​បានឱ្យដឹងថា អ្នកប្រមូល​ជនជាតិ​ហូ​ឡង់​ឈ្មោះ Oscar van Overeem បាន​និយាយថា គាត់​នឹង​ប្រគល់​រូបសំណាក​និង​របស់​សេសសល់​ទាំង​ប៉ុន្មាន ប៉ុន្តែ​គាត់​មិនអាច​ឈានដល់​កិច្ចព្រមព្រៀង​ជាមួយ​ជនជាតិ​ចិន​លើ​លក្ខខណ្ឌ​ប្រគល់ជូន​ទេ​។​

​ការជំនុំជម្រះ​បណ្ដឹង​នេះ​បានចាប់ផ្ដើម​កាលពី​ថ្ងៃទី ១៤ ខែកក្កដា នៅ​ទីក្រុង​អាម​ស្ទើ​ដាម​។​

​ទោះយ៉ាងណា​លោក Overeem បាន​ប្រាប់​តុលាការ​ថា គាត់​នឹង​ប្រគល់​វត្ថុ​បុរាណ​នេះ​ប៉ុន្តែ​ជនជាតិ​ចិន​មិន​យល់ព្រម​តាម​សំណើ​របស់គាត់​នៃ​ការទទួលបាន​សំណង​សម​ហេតុផល​។​

​គាត់​ក៏បាន​និយាយថា ប្រហែល​អាចជា​កំហុស​នៃ​ការ​សម្គាល់​រូបសំណាក ហើយ​រូបសំណាក​នេះ​ប្រហែល​មិនមែនជា​វត្ថុ​បុរាណ​ដែល​ត្រូវបាន​លួច​ពី​ភូមិ​យ៉ាង​ឈុន​ទេ​។​

​លៀវ​យ៉ាង ដែល​បាន​ដឹកនាំ​ក្រុមអ្នកច្បាប់​បាន​យ៉ាង​ជោគជ័យ​ក្នុងការ​ប្រមូល​វត្ថុ​បុរាណ​ដែល​ត្រូវបាន​លួច​ពី​សួនច្បារ​យ័ន​មីង​យ័ន​ក្នុង​ទីក្រុង​ប៉េកាំង កំពុង​តំណាងឱ្យ​អ្នកភូមិ​ក្នុងការ​ទាមទារ​រូប​ព្រះពុទ្ធ​។ លោក​លៀវ​ពិត​ជាមាន​ទំនុកចិត្ត​ថា​នឹង​ឈ្នះ​ករណីនេះ​។​

​គាត់​បាន​ប្រាប់ Telegraph មុន​ការជំនុំជម្រះ​យ៉ាង​ដូច្នេះ​ថា "​រូបសំណាក​នេះ​ជា​កម្មសិទ្ធិ​របស់​អ្នកភូមិ ហើយ​ខ្ញុំ​គិតថា ម្ចាស់​ជនជាតិ​ហូ​ឡង់​គួរ​សម្ដែង​ការ​សមរម្យ​ដើម្បី​ដកខ្លួន​គាត់​ចេញពី​ស្ថានការណ៍​លំបាក​នេះ​"៕

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab