adverise with khmeread 1

ទម្រង់​លេង​របស់ Benteke ធ្វើ​ឲ្យ​ក្រុម​អ្នកគាំទ្រ​ហង្ស​ក្រហម​នឹក Andy Carroll

​ក្រុម​អ្នកគាំទ្រ Liverpool ជាច្រើន​ពិតជា​បាន​និយាយថា ពួកគេ​ចង់បាន Andy Carroll មកវិញ​អំឡុង​បរាជ័យ​ក្នុងការ​ប្រកួត FA Cup ជើង​ទី​ពីរ​យប់មិញ​ជាមួយ West Ham នៅ​ទឹកដី Upton Park​។​

​ពិតណាស់ កីឡាករ Carroll បាន​ចាក​ចេញពី​ក្លឹប Newcastle ទៅកាន់​ក្រុម​ហង្ស​ក្រហម​ក្នុងតម្លៃ ៣៥ លាន​ផោន កាលពី​ឆ្នាំ ២០១១ ប៉ុន្តែ​ខ្សែប្រយុទ្ធ​រូបនេះ រកបាន​តែ ១១ គ្រាប់​ប៉ុណ្ណោះ​ក្នុងការ​បង្ហាញខ្លួន​ចំនួន ៥៨ លើក​មុននឹង​ត្រូវបាន​លក់​ទៅកាន់​ក្រុម​ញញួរ​ធំ​ក្នុង​ឆ្នាំ ២០១៣​។​

​កាលពី​រដូវក្តៅ​មុន Liverpool បាន​ជះ​លុយ​ឲ្យ​ក្រុម Aston Villa ដើម្បី​នាំយក Benteke មកកាន់​ទឹកដី Anfield ដោយ​ឃើញ​សក្តានុពល​កីឡាករ​រូបនេះ​អាចជួយ​ឲ្យ​ក្រុម​ធ្វើការ​ប្រយុទ្ធ​ដើម្បី​លើក​ពាន​ធំៗ​ដូចជា Premier League, FA Cup និង Europa League ជាដើម​។​

​ប៉ុន្តែ​កីឡាករ​តម្លៃ ៣២,៥ លាន​ផោន​រូបនេះ​បរាជ័យ​ដើម្បី​បញ្ចុះបញ្ចូល​អ្នកគាំទ្រ​ឲ្យ​ជឿ​រូបគេ​ថា អាច​ជំនួស​កន្លែង​របស់​អតីត​ខ្សែប្រយុទ្ធ Luis Suarez ចាប់តាំងពី​ការបង្ហាញ​ខ្លួន​ឲ្យ​ក្លឹប​ក្នុង​រដូវ​កាល​នេះ​៕

​ខាងក្រោម​នេះ​ជា​ប្រតិកម្ម​របស់​ក្រុម​អ្នកគាំទ្រ​របស់​ហង្ស​ក្រហម Liverpool តាមរយៈ​បណ្តាញ​សង្គម Twitter!

adverise with khmeread
ប្រភព៖ មេត្រូ

មតិយោបល់