adverise with khmeread 1

មូល​ហេតុដែល​មនុស្ស​ឈាម O មាន​លក្ខណៈពិសេស​ជាងគេ​

​    ​ឈាម​អូ (O) គឺជា​ប្រភេទ​ឈាម​ដ៏​សំខាន់បំផុត​តាំងពី​សម័យ​មនុស្ស​កើតឡើង​ដំបូង​មកម្ល៉េះ​។ មនុស្ស​សម័យបុរាណ​ដែល​ផ្ទុក​ឈាម O គឺ​ពោរពេញ​ទៅដោយ​កលល្បិច និង​ជា​អ្នក​ប្រយុទ្ធ​ឬ​អ្នកប្រមាញ់​ដ៏​មោះមុត​។ មនុស្ស​ឈាម O ដើរតួនាទី​សំខាន់​នៅ​គ្រប់​សង្គម​ទាំងអស់ សូម្បី​សង្គម​ទំនើប​បច្ចុប្បន្ន​។ ភាពជា​អ្នកដឹកនាំ ភាព​សកម្ម ថាមពល និង​សមត្ថភាព​ក្នុងការ​ផ្តោតអារម្មណ៍​បានល្អ​គឺ​ស្ថិត​ក្នុងចំណោម​លក្ខណៈសម្បត្តិ​ដ៏​អស្ចារ្យ​របស់​មនុស្ស​ដែលមាន​ឈាម O​។ ពួកគេ​អាចជា​មនុស្ស​មានអំណាច និង​ពោរពេញ​ទៅដោយ​ផលិតភាព​ការងារ​។

​    ​ទោះយ៉ាងណា នៅពេល​ពួកគេ​ជួប​បញ្ហា​ស្ត្រេ​ស៍ ពួកគេ​នឹង​ក្លាយជា​មនុស្ស​ខឹង​ដាច់​ក្បាល​ដាច់​កន្ទុយ ធ្វើការ​សកម្ម​ហួសហេតុ និង​ផ្ចង់អារម្មណ៍​ខ្លាំងពេក​។ របប​អាហារ​ខ្សោយ កង្វះ​ការហាត់​ប្រាណ ទម្លាប់​មិនល្អ​ដល់​សុខភាព ឬ ការ​កើន​កម្រិត​ស្ត្រេ​សនឹង​ធ្វើឱ្យ​ពួកគេ​ងាយ​កើត​បញ្ហា​រំលាយ​អាហារ ក្នុងនោះ​រួមមាន​ទាំង​រ៉េ​ស៊ី​ស្តង់​អាំង​ស៊ុយ​លីន ក្រ​ពេញទី​រ៉ូ​អ៊ី​ត​ពុំ​សូវ​ធ្វើ​សកម្មភាព និង​ការ​ធាត់​ហួសប្រមាណ​។

​    ​មនុស្ស​ដែលមាន​ឈាម O ងាយ​នឹង​ជួប​បញ្ហា​សុខភាព​មួយចំនួន​ដូចជា ដំបៅ​ក្រពះ ការ​ខូច​មុខងារ​ក្រពេញ​ទី​រ៉ូ​អ៊ី​ត ធ្លាក់ចុះ​កម្រិត​អ័រម៉ូន​នៅក្នុង​ក្រ​ពេញទី​រ៉ូ​អ៊ី​ត និង កង្វះ​ជាតិ​អ៊ីយ៉ូត​។ ប្រការនេះ​បង្កឱ្យមាន​ផលប៉ះពាល់​គួរឱ្យ​រំខាន​ចិត្ត​ជាច្រើន ដូចជា​ជំងឺ​ធាត់​ហួសប្រមាណ ការ​ចាល់​ជាតិ​ទឹក​ក្នុង​ខ្លួន និង​សូម្បី​ជំងឺ​ដុះ​ដុំ​សាច់​។

​    ​* អ្វី​ទៅ​ដែល​ធ្វើឱ្យ​មនុស្ស​ឈាម O មាន​លក្ខណៈពិសេស​ដាច់​គេ​?
​    ​ក្នុងប្រទេស​ជប៉ុន ប្រភេទ​ឈាម​នេះ​ត្រូវបាន​ផ្សាភ្ជាប់​ទៅនឹង​ប្រភេទ​បុគ្គលិកលក្ខណៈ​ដ៏​ពិ​សេសមួយ​ជា​យូរយារ​ណាស់​មកហើយ​។ ជនជាតិ​ជប៉ុន​តែងតែ​សួរ​អំពី​ប្រភេទ​ឈាម នៅពេល​អ្នក​សម្ភាសន៍​ការងារ​!

​    ​មនុស្ស​ដែលមាន​ឈាម O ភាគច្រើន​ត្រូវបាន​ចាត់ទុកថា​មាន​ទំនួល​ខុសត្រូវ​ខ្ពស់ ប្តេជ្ញាចិត្ត​ខ្ពស់ មាន​របៀបរៀបរយ ផ្តោតអារម្មណ៍​បានល្អ មាន​មនសិកា និង​ពោរពេញ​ដោយ​ការអនុវត្ត​ជាក់ស្តែង​។ គេ​ជឿថា ពួកគេ​អាច​តម្រែតម្រង់​ទិសដៅ​ការងារ​បានល្អ​ប្រសើរ​ជាង ហើយ​ពួកគេ​គឺជា​មនុស្ស​មាន​វិចារណញ្ញាណ​ក៏​ល្អប្រសើរ​ជាង​ផងដែរ​។ នេះ​គឺ​ដោយសារ​បុព្វបុរស​របស់​ពួកគេ​គឺជា​អ្នកប្រមាញ់ ដែល​ពូកែ​សង្កេត និង​វាយតម្លៃ​បានច្បាស់លាស់​អំពី​ស្ថានភាព ដើម្បី​អាច​រស់រានមានជីវិត​ក្នុងសម័យ​បុរាណកាល​។

​     ដូចដែល​បាន​និយាយ​ខាងដើម មនុស្ស​ឈាម O ងាយ​នឹង​កើត​ជំងឺ​ដំបៅ​ក្រពះ និង​ការ​ខូច​មុខងារ​ក្រ​ពេញទី​រ៉ូ​អ៊ី​ត​។ ក្រៅពីនេះ ពួកគេ​ឧស្សាហ៍​ថយចុះ​កម្រិត​អ័រម៉ូន​ក្នុង​ក្រ​ពេញទី​រ៉ូ​អ៊ី​ត និង ខ្វះ​ជាតិ​អ៊ីយ៉ូត​។ ពួកគេ​ក៏មាន​កម្រិត​ជាតិ​អាស៊ីត​ក្នុង​ក្រពះ​ខ្ពស់ជាង​មនុស្ស​ឈាម​ប្រភេទ​ផ្សេង​ផងដែរ ដោយហេតុ​នេះហើយ​ទើប​បណ្តាលឱ្យ​មនុស្ស​ប្រភេទ​នេះ​ឧស្សាហ៍​ជួប​បញ្ហា​ក្រពះ និង ដំបៅ​ក្រពះ​។

​    ​ស្ត្រេ​ស៍​អាច​បង្កឡើង​ដោយ​ការខឹង​ហួសប្រមាណ និង​ការ​ផ្ចង់អារម្មណ៍​ខ្លាំងពេក​។ មនុស្ស​ឈាម​ប្រភេទ​នេះ​ក៏​ងាយ​នឹង​សម្តែង​ឥរិយាបថ​ឆ្គាំឆ្គង​ខុស​តម្រា​ផងដែរ នៅពេល​ពួកគេ​នឿយហត់​ខ្លាំង បាក់​ទឹកចិត្ត​ខ្លាំង ឬ​ធុញទ្រាន់​។ ស្ត្រេ​ស៍ទាំង​នោះ​ក៏​អាច​បណ្តាលមកពី​ការលេង​ហ្គេម ការលេង​ល្បែង​ប្រថុយប្រថាន និង​ការគិត​រិះ​ពិចារណា​ហួសហេតុ​ផងដែរ​។

​    ​កាហ្វេ​អ៊ី​ន និង​ជាតិ​ស្រវឹង​ចាំបាច់​ត្រូវតែ​ចៀសវាង​។ ជាតិ​កាហ្វេ​អ៊ី​ន​អាចមាន​ផលប៉ះពាល់​ខ្លាំង​ដោយសារតែ​វា​បង្កើន​នូវ​កម្រិត​អ័រម៉ូន Adrenaline និង Nor-adrenaline ដែលមាន​ខ្ពស់​ស្រាប់​នៅក្នុង​ខ្លួន​មនុស្ស​ឈាម O​។ ការធ្វើ​លំ​ហាត់ប្រាណ​ទៀងទាត់​ចាំបាច់​ត្រូវតែ​ធ្វើឡើង​ឱ្យបាន ៣ ទៅ ៤ ដង​ក្នុង​មួយ​សប្តាហ៍​៕

adverise with khmeread
ប្រភព៖ បរទេស

មតិយោបល់