adverise with khmeread Lynxmpebb103l l

លោកស្រី​អ៊ុង​សាន ស៊ូ​ជី​មាន​គេ​គំរាម​សម្លាប់​តាម​ហ្វេ​ស​ប៊ុ​ក​

​    ​កាលពី​ថ្ងៃ​ព្រហស្បតិ៍ ប៉ូលិស​ក្នុងប្រទេស​មី​យ៉ាន់​ម៉ា​បានសម្រេច​ចិត្តជា​លើកដំបូង​ដើម្បី​ផ្តល់ជូន​ការការពារ​ដល់ លោកស្រី​អ៊ុង​សាន ស៊ូ​ជី បន្ទាប់ពី​មានការ​គំរាម​សម្លាប់​។ 

​    ​មេ​ប៉ូលិស​បាន​ប្រាប់​វេ​ប​សាយ BBC Burmese ថា អង្គភាព​ពិសេស​មួយ​ឥឡូវ​ត្រូវបានចាត់តាំង​ឱ្យ​ការពារ​មេដឹកនាំ​បក្សសម្ព័ន្ធ​ជាតិ​ដើម្បី​ប្រជាធិបតេយ្យ (NLD) ដែល​ទើបតែ​ឡើងកាន់​អំណាច​ក្នុងប្រទេស​មី​យ៉ាន់​ម៉ា​ហើយ​។ 

​    ​ការគំរាមកំហែង​នេះ​ត្រូវបាន​ចេញផ្សាយ​ជុំវិញ​ការដែល​អាចធ្វើ​ការផ្លាស់​ប្តូរ​រដ្ឋធម្មនុញ្ញ ដែល​ជំរុញ​ឱ្យ​លោកស្រី​ស៊ូ​ជី​ក្លាយជា​ប្រធានាធិបតី​។ 

​    ​លោកស្រី​បាន​ចំណាយពេល​រាប់​ឆ្នាំ​ស្ថិតក្រោម​ការឃុំខ្លួន​នៅផ្ទះ​ក្រោម​អតីត​របប​ផ្តាច់ការ​យោធា​។ ដំណើរការ​សេរីភាវូបនីយកម្ម​បាន​ស្ថិតក្នុង​ដំណើរការ​ក្នុង​ប៉ុន្មាន​ឆ្នាំ​ថ្មីៗ​នេះ ដោយ​នាំទៅដល់​ជ័យជម្នះ​ភ្លូកទឹកភ្លូកដី​ពី​សំណាក​គណបក្ស NLD របស់លោក​ស្រី​ស៊ូ​ជី​ក្នុងការ​បោះឆ្នោត​កាលពី​ខែវិច្ឆិកា​។ 

​    ​បុរស​ដែល​គំរាម​សម្លាប់​លោកស្រី​ស៊ូ​ជី​តាំងពី​នោះមក​បានធ្វើការ​សុំទោស​ហើយ ប៉ុន្តែ​ការគំរាមកំហែង ដែល​ធ្វើឡើង​តាម​ផូស​របស់​ហ្វេ​ស​ប៊ុ​ក​នេះ ត្រូវបាន​ចាត់ទុកថា​ធ្ងន់ធ្ងរ​ខ្លាំងណាស់​។ 

​    ​មេ​ប៉ូលិស​បាន​ប្រាប់ BBC ថា "​ខ្ញុំ​បាន​ប្រាប់​ទៅ​ការិយាល័យ​ប៉ូលិស​ក្នុង​មូលដ្ឋាន​ភ្លាម​ឱ្យ​ថែរក្សា​សន្តិសុខ​ជូន​លោកស្រី នៅពេល​ខ្ញុំ​បានឃើញ​ផូស​នោះ​។ យើង​មិន​អាចឱ្យ​មានរឿង​អ្វី​កើតឡើង​នោះឡើយ​ចំពោះ​មនុស្ស​ដែលមាន​ឋានៈ​ដូច​រូបគាត់​"៕

adverise with khmeread
ប្រភព៖ ប៊ីប៊ីស៊ី

មតិយោបល់