adverise with khmeread 311a2d2d00000578 0 image a 25 1455226115943

ស្ងាត់ៗ​ម៉េ​ស​ស៊ី​គឺជា​អ្នកឈ្នះ​ការដេញថ្លៃ​ទិញ​រថយន្ត Ferrari ថ្លៃ​បំផុត​របស់​ពិភពលោក​

​    ​កីឡាករ លី​អូ​នែ​ល ម៉េ​ស​ស៊ី ត្រូវបាន​រាយការណ៍​ថា​ជា​អ្នកទិញ​អា​ថ៍កំ​បាំង​មួយរូប ដែល​ចំណាយលុយ​ចំនួន ២៥ លាន​ផោន (៣៦,១៨ លាន​ដុល្លារ​) សម្រាប់​រថយន្ត​ថ្លៃ​បំផុត​របស់​ពិភពលោក​ក្នុងការ​ដេញថ្លៃ​ដ៏​ក្តៅគគុក​មួយ​កាលពី​សប្តាហ៍​មុន​។ 

​    ​តារាបាល់ទាត់​របស់​ក្លឹប​អ្នកមាន​បុណ្យ Barcelona រូ​ន​នេះ​ក៏បាន​ផ្តួល​គូប្រជែង​យូរអង្វែង​របស់ខ្លួន រ៉ូ​ណា​ល់​ដូ​ផងដែរ ដើម្បី​ធានា​ន​បាន​រថយន្ត Ferrari 335 S Spider Scaglietti ក្នុង​ការលក់​ដេញថ្លៃ​មួយ​នៅ Artcurial ក្រុងប៉ារីស​។ 

​    ​សេចក្តីប្រកាស​ព័ត៌មាន​ពី​មនុស្ស​ដែល​ទទួលបន្ទុក​ការលក់​ដេញថ្លៃ​បានបង្ហាញ​ថា អ្នកដេញថ្លៃ​ខ្ពស់បំផុត​គឺ​បាន​ទៅលើ​តារាបាល់ទាត់​អាយុ ២៨ ឆ្នាំ លី​អូ​ណែ​ល ម៉េ​ស​ស៊ី នេះ​បើ​យោងតាម​វេ​ប​សាយ New York Daily News​។​

​     តារាបាល់ទាត់​រូបនេះ​ទំនង​បានទទួល​ស្គាល់​ការលើកឡើង​នេះ ឬ​អាច​លេងសើច​ចំពោះ​ការលើកឡើង​មួយ​នេះ នៅលើ​ទំព័រ Instagram របស់គាត់​កាលពី​ព្រឹក​ថ្ងៃ​ព្រហស្បតិ៍​ខណៈដែល​គាត់​បាន​កាន់​រូប​រថយន្ត​ក្មេង​លេង​ពណ៌​ក្រហម​មួយគ្រឿង ជាមួយ​កូន​ចំណងជើង​លើ​នោះ​ថា "​រថយន្ត​ថ្មី​របស់ខ្ញុំ​"​។ 

​    ​វា​មិនមែនជា​លើកទីមួយ​ទេ​ដែល​កីឡាករ​ល្បី​ទាំងពីរ​រូបនេះ​ប្រកួតប្រជែង​តទល់​គ្នា ហើយ​ភាពជា​គូប្រជែង​នេះ​ត្រូវបាន​ចងក្រង​ជា​ឯកសារ​ទុក​យ៉ាង​ល្អ​។ 

​    ​កីឡាករ​ទាំងពីរ​ត្រូវបាន​ចាត់ទុកជា​កីឡាករ​ល្អ​បំផុត​ក្នុង​ពិភពលោក​ជាមួយ​អ្នកគាំទ្រ និង​អ្នក​អត្ថាធិប្បាយ​ជាច្រើន​តែងតែបាន​ឈ្លោះ​គ្នា​ទាក់ទង​ថា​តើន​រណា​ល្អ​ជាងគេ​រវាង​កីឡាករ​ទាំងពីរ​នេះ​៕ 

adverise with khmeread
ប្រភព៖ ដេលីមែល

មតិយោបល់