adverise with khmeread 1 copy90

ក្រោយ​ចេញ​អាល់​ប៊ុ​ម​ថ្មី ខេន​យែ វ៉េ​ស ជំពាក់​គេ ៥០ លាន​ដុល្លារ

​    ​នៅ​គ្រាមួយ​ពេលដែល​ប្រជាជន​អាមេរិក​រាប់លាន​នាក់​កំពុងមាន​ការលំបាក​ជាមួយនឹង​ហិរញ្ញវត្ថុ​ផ្ទាល់ខ្លួន តារាចម្រៀង​លំដាប់​ពិភពលោក​ដ៏​ល្បី​មួយ​ដួង​បាន​លាតត្រដាង​ថា លោក​ក៏​មិន​ខុស​អី​ពី​អ្នក​ទាំង​នោះដែរ​។

​    ​ក្រោយ​ចេញ​អាល់​ប៊ុ​ម​ថ្មី​ដែល​គេ​ទន្ទឹងរង់ចាំ​គ្រប់គ្នា តារាចម្រៀង ខេន​យែ វ៉េ​ស (Kanye West) បាន​លាតត្រដាង​ប្រាប់​ទៅ​អ្នកគាំទ្រ​លើ Twitter ចំនួន ១៨,៧ លាន​នាក់​របស់ខ្លួន​ថា លោក​បាន​ជាប់ជំពាក់​បំ​ណុល​គេ ៥០ លាន​ដុល្លារ​។ ដំណឹង​នេះ​បាន​សង្ខេប​ខ្លី​នូវ​អ្វីដែល​គួរតែ​ក្លាយជា​ភាពជោគជ័យ​សម្រាប់​តារាចម្រៀង​រ៉ែ​ប ដែល​កាលពី​ចុង​សប្តាហ៍​មុន​ទើបតែ​បង្ហាញ​ហាង​លក់​សម្លៀកបំពាក់​ថ្មី​របស់ខ្លួន និង​បាន​បង្ហាញមុខ​ក្នុង​កម្មវិធី "Saturday Night Live"​។​

​    ​ប្រសិនបើ​ការសារភាព​របស់​វ៉េ​ស​ពិតជា​ត្រឹមត្រូវ​មែន សិល្បករ​ល្បី​លេចធ្លោ​រូបនេះ​ប្រហែល​ជាមាន​ក្រុមហ៊ុន​ច្រើន​ជាមិនខាន​។ តន្ត្រីករ អ្នកចម្រៀង តារា​សម្តែង និង​អត្ត​ព​លិ​ក​ពិភពលោក ដែលមាន​ទ្រព្យ​ស្តុកស្តម្ភ ជួប​បញ្ហា​ហិរញ្ញវត្ថុ​ទាល់តែ​ចាយ​ច្រើន​ហួសហេតុ​ពេក លួច​បន្លំ​គេ និង​គ្រប់គ្រង​ហិរញ្ញវត្ថុ​មិនបាន​ត្រឹមត្រូវ​ជាដើម​។

  

​    ​វ៉េ​ស ដែល​រៀបការ​ជាមួយ​តារា​កម្មវិធី​ទូរទស្សន៍ នាង គីម កា​ដា​សៀន ថ្មីៗ​នេះ​ទើបតែ​បើកហាង​សម្លៀកបំពាក់​ឈ្មោះ Yeezy ដែល​អាចជា​ប្រភព​នៃ​បញ្ហា​ហិរញ្ញវត្ថុ​ចុងក្រោយ​របស់គាត់​។ កាលពី​ឆ្នាំមុន គាត់​បាន​ប្រាប់​វេ​ប​សាយ BET ថា គាត់​បាន​ផុងខ្លួន​ក្នុង​បំណុល​រាប់លាន​ដុល្លារ​ដើម្បី​ក្លាយជា​សហគ្រិន​ផ្នែក​សម្លៀកបំពាក់​៕

adverise with khmeread
ប្រភព៖ អេស៊ាវ័ន

មតិយោបល់