1

Man Utd ត្រៀម​គាស់​ហឹប​លុយ ៦០ លាន​ផោន​សម្រាប់ Aubameyang នាពេលខាងមុខ​

​ក្រុម​បិសាច​ក្រហម Manchester United ត្រៀម​រួម​រាល់​ហើយ​ដើម្បី​បើក​លុយ​ពី​ធនាគារ​ដើម្បី​ទិញ​កីឡាករ Pierre-Emerick Aubameyang របស់​ក្រុម Dortmund និង​ធ្វើ​ឲ្យ​រូបគេ​ក្លាយជា​កីឡាករ​ល្បី​បំផុត​ក្នុង​ពិភពលោក​។​

​អនុប្រធាន​នាយក​ប្រតិបត្តិ​លោក Ed Woodward បាន​សម្លឹង​ឃើញ​ខ្សែប្រយុទ្ធ​កំពុង​ឡើង​ជើង​ស៊ុត​ច្បាស់​របស់​ក្រុម​ខ្លាំង Borussia Dortmund ដែលជា​គោលដៅ​ទីមួយ​របស់​ក្លឹប​ក្នុង​រដូវក្តៅ​ខាងមុខនេះ​។​

​បើទោះជា​ពួកគេ​កំពុង​ជួប​ការលំបាក​ក្នុងការ​តោង​កំពូល​ទាំង​បួន​នៅក្នុង​ក្របខ័ណ្ឌ Premier League ក៏ដោយ ក៏ Man Utd  មាន​ទំនុកចិត្ត​ក្នុងការ​ទាក់ទាញ Aubameyang មក​ទឹកដី Old Trafford ដដែល​។​

​ក្រុម​បិសាច​ក្រហម​នឹង​ត្រៀម​លុយ ៦០ លាន​ផោន ប្រាក់​ឈ្នួល ២០ ម៉ឺន​ផោន​ក្នុង​មួយ​សប្តាហ៍ និង​សន្យាថា​នឹងធ្វើ​ឲ្យ​រូបគេ​ក្លាយជា Superstar ទៀតផង​។​

Man Utd ទទួលបាន​ដំណឹង​ល្អ​ពី​អ្នកតំណាង​របស់ Aubameyang ហើយៗ​ពួកគេ​សង្ឃឹម​មុតមាំ​ថា​នឹង​យក​កីឡាករ​រូបនេះ​ពី​គូសត្រូវ​របស់ខ្លួន​នាពេលខាងមុខ​។​

​បិសាច​ក្រហម​ជឿថា ការផ្ទេរ​កីឡាករ​រូបនេះ​មក​ទឹកដី Old Trafford នឹងធ្វើ​ឲ្យ​មាន​ភាព​ទាក់ទាញ​ដល់​តារា​ល្បី​ក្នុង​ពិភព​បាល់ទាត់​ដទៃទៀត បើទោះជា​ពួកគេ​ត្រូវ​ចាយលុយ​ច្រើនយ៉ាង​ណាក៏ដោយ​។​

​ក្រុម​កាំភ្លើង​ធំ Arsenal ក៏​ជាប់ទាក់ទង​នឹង​កីឡាករ​នេះដែរ ប៉ុន្តែ​ពួកគេ​រន្ធត់ចិត្ត​ចំពោះ​តម្លៃ​ដ៏​ថ្លៃ​សម្រាប់​កីឡាករ​ខ្សែប្រយុទ្ធ​គុណភាព​បែបនេះ ប៉ុន្តែ​ចំពោះ Man Utd វិញ ពួកគេ​មិន​ខ្វល់​រឿង​លុយ​ឡើយ ឲ្យ​តែ​បាន​អ្វីដែល​ពួកគេ​ចង់បាន​។​

​ពួកគេ​មាន​លុយ​មហាសាល​សម្រាប់​ចំណាយ ហើយ​ចង់​ក៏​សាង​ក្រុម​នេះ​ឡើងវិញ បើទោះជា​បញ្ហា​គ្រូបង្វឹក​នៅតែ​ស្ថិតនៅ​ចំពោះមុខ​ក៏ដោយ​។​

​លោក Van Gaal ដឹងថា គាត់​នឹង​ចាកចេញ បើសិន​គាត់​មិនអាច​បញ្ចប់​រដូវ​កាល​នេះ​នៅ​កំពូល​ទាំង​បួន​ដើម្បី​ត្រឡប់​ទៅ​បាល់ទាត់ Champions League វិញ​។​

​លោក Jose Mourinho កំពុងតែ​ស្ថិត​ជា​បេក្ខភាព​ដ៏​ពេញនិយម​សម្រាប់​ជំនួស​តំណែង​លោក Louis van Gaal ប៉ុន្តែ​រឿងនេះ​មិន​ប៉ះពាល់​ដល់​គម្រោង​ទិញដូរ​កីឡាករ​របស់​ក្លឹប​ទេ​៕

ប្រភព៖ មៀរឺ

មតិយោបល់