adverise with khmeread 2

ស្រវឹង​យក​ដំបង​វាយ​យុវជន​ម្នាក់​បី​ដំបង​ ត្រូវ​យុវជន​ម្នាក់ទៀត​យក​ដាវ​កែច្នៃ​ចាក់​ពីរ​ដាវ​បណ្ដាល​ឲ្យ​ស្លាប់​

     ភ្នំពេញ ៖ បុរស​ម្នាក់​បាន​ស្លាប់​ក្រោយពេល​បញ្ជូន​ដល់​មន្ទីរពេទ្យ ដោយសារតែ​រូបគាត់​ស្រវឹងស្រា​ហើយ​បាន​យក​ដំបង​វាយ​ទៅលើ​យុវជន​ម្នាក់​ឲ្យ​របួស ហើយ​ត្រូវ​យុវជន​ម្នាក់ទៀត​យក​ដាវ​កែច្នៃ​មួយ​ដើម​ចាក់​ចំនួន​ពីរ​ដាវ​ចំ​ឆ្អឹងជំនី​និង​ថ្ពាល់​ខាងស្ដាំ​បណ្ដាល​ឲ្យ​ហូរឈាម​ស្រោច​ជោក​ខ្លួន ហើយ​ជនបង្ក​បាន​ព្យាយាម​រត់គេចខ្លួន​តែ​ត្រូវ​សមត្ថកិច្ច​ឃាត់ខ្លួន​បាន​បីនាក់​ជា​បន្តបន្ទាប់​យក​ទៅ​សួរនាំ​។​

    អំពើហិង្សា​នេះ​បង្ក​ឲ្យ​មានការ​ភ្ញាក់ផ្អើល​ដល់​ប្រជាពល់រដ្ឋ​និង​សមត្ថកិច្ច​ចុះ​អន្តរាគមន៍​ដល់​កន្លែងកើតហេតុ​នៅវេលា​ម៉ោង​១១​និង​៤០​នាទី​យប់ ថ្ងៃទី​១៦ កុម្ភ​:  ឆ្នាំ​២០១៦ នៅ​ចំណុច​ផ្លូវ​រថភ្លើង តាម​បណ្ដោយ​ផ្លូវជាតិ​លេខ​៥ ស្ថិតក្នុង​សង្កាត់  គីឡូម៉ែត្រ​លេខ​៦ ខណ្ឌ​ឬ​ស្សី​កែវ រាជធានី​ភ្នំពេញ​។​

    ជនរងគ្រោះ​ដែល​ស្លាប់​ឈ្មោះ ត្រា។ ចំណែក​ជនបង្ក​មាន​គ្នា​បីនាក់​ទី​១-​ឈ្មោះ ចាន់ ថុ​ន ភេ​ទ្យ​ប្រុស អាយុ​២៥​ឆ្នាំ មុខរបរ​ជា​កម្មករ​លីសែង​,​ទី​២-​ឈ្មោះ ចាន់ ធី​ម ភេ​ទ្យ​ប្រុស​អាយុ​១៧​ឆ្នាំ និង ទី​៣-​ឈ្មោះ ចាន់ ធួន ភេទ​ប្រុស​អាយុ​១៥ ឆ្នាំ​(​ជនដៃដល់​)​អ្នក​ទាំងបី​ជា​បងប្អូន​បង្កើត​នឹង​គ្នា និង​មាន​ទីលំនៅ​ជិត​កន្លែងកើតហេតុ​។​

    បើតាម​ការរៀបរាប់រ​បស់​ឈ្មោះ ចាន់ ធី​ម បាន​ប្រាប់​ឲ្យ​ដឹងថា នៅ​មុនពេល​កើតហេតុ​គេ​បាន​រូបគេ​បាន​ដើរ​ពីរ​នាក់​មិត្ត​ភ័​ក្រ ហើយក៏​បាន​ជួប​ឈ្មោះ​ត្រា​មាន​សភាព​ស្រវឹងស្រា​ផងដែរ​។​


    ចាន់ ធី​ម បន្តថា​ពេលដែល​ជួបគ្នា​ឈ្មោះ​ត្រា​បាន​យក​ដំបង​វាយ​មកលើ​ខ្លួន​ចំនួន​បី​ដំបង ។​ពេល​វាយ​រួចហើយ​ដំណឹង​នេះ​ក៏​ដឹង​ដល់​បងប្អូន​ពីរ​នាក់​ទៀត​នៅឯ​ផ្ទះ​ក៏​នាំគ្នា​យក​ដាវ​កែច្នៃ​មួយ​ដើម​យកមក​វាយ​និង​ចាក់ទៅលើ​ឈ្មោះ​ត្រា​ដោយ​ឈ្មោះ ចាន់ ធួន ជា​អ្នក​ចាក់​ចំនួន​ពីរ​ដាវ​ចំ​ឆ្អឹងជំនី​ខាងស្ដាំ​មួយ​ដាវ​និង​ចំ​ថ្ពាល់​ខាងឆ្វេង​មួយ​ដាវ​បណ្ដាល​ឲ្យ​រងរបួស​ធ្ងន់​ហូរ​ឈម​ស្រោច​ជោក​ខ្លួន​។​

     ក្រោយពី​កើតហេតុ​ជនដៃដល់​ទាំងពីរ​នាក់​បានរ​ត់ទៅ​សំងំ​ក្នុងផ្ទះ​និង​ម្នាក់ទៀតរ​ត់ទៅ​លាក់ខ្លួន​នៅផ្ទះ​ម្ដាយមីង​ដែល​នៅ​ជិត​កន្លែងកើតហេតុ​។ ចំណែក​ជនរងគ្រោះ​ត្រូវបាន​អ្នកជិតខាង​ដឹក​តាម​ម៉ូតូ​យកទៅ​សង្គ្រោះ​នៅ​មជ្ឈមណ្ឌល​សុខភាព​គីឡូម៉ែត្រ​លេខ​៦ តែ​ពេលទៅដល់​មន្ទីរពេទ្យ​បាន​ដាច់ខ្យល់​ស្លាប់​។​

    ក្រោយពី​ទទួលបាន​ដំណឹង​ភ្លាម​កម្លាំង​សមត្ថកិច្ច​មូលដ្ឋាន​ដឹកនាំ​ដោយ​លោក ទៀង ចាន់​សា អធិការ​ខណ្ឌ​ឬ​ស្សី​កែវ បាន​ចុះ​ដល់​កន្លែងកើតហេតុ​និង​ធ្វើការ​ឃាត់ខ្លួន​ជនដៃដល់​ទាំងបី​នាក់​ជា​បន្តបន្ទាប់​យកទៅ​សួរ​នាំនៅ​ប៉ុស្ដិ៍នគរបាល​រដ្ឋបាល​គីឡូម៉ែត្រ​លេខ​៦ ដើម្បី​កសាង​សុំ​ណុំ​រឿង​ចាត់ការ​តាម​និតិ​វិធី​ច្បាប់​។​

    ចំណែក​សព​ជនរងគ្រោះ​សមត្ថកិច្ច​បានប្រគល់​អោយ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕​

adverise with khmeread

មតិយោបល់