adverise with khmeread 1

Rooney មិនបាន​ធ្វើដំណើរ​ជាមួយ Man Utd ក្នុងការ​ប្រកួត​ជាមួយ Midtjylland ថ្ងៃនេះ​ទេ​

​ប្រធាន​ក្រុម​បិសាច​ក្រហម Manchester United កីឡាករ Wayne Rooney មិនបាន​ចូលរួម​ជាមួយ​ក្រុម​ក្នុង​ដំណើរ​ទៅកាន់​ប្រទេស​ដា​ណឺ​ម៉ាក​សម្រាប់​ការប្រកួត​បាល់ទាត់​ក្របខ័ណ្ឌ Europa League វគ្គ ៣២ ក្រុម​ចុងក្រោយ​ជាមួយ​ក្រុម  Midtjylland ឡើយ​។​

​ខ្សែប្រយុទ្ធ​អន្តរជាតិ​អង់គ្លេស​រូបនេះ​បាន​លេង ៩០ នាទី​ពេញ​ឲ្យ​ក្រុម​របស់លោក Louis van Gaal ដែល​បាន​ទទួលរង​បរាជ័យ ២-១ ក្រោម​ថ្វី​ជើង​ក្រុម​មិនសូវ​ខ្លាំង Sunderland កាលពី​សប្តាហ៍​មុន និង​បានទទួល​កាត​លឿង​ទៀតផង ប៉ុន្តែ​អវត្តមាន​របស់គាត់​មិនមែនជា​បញ្ហា​ធំដុំ​ឡើយ​សម្រាប់​ការប្រកួត​ជើង​ទីមួយ​ក្នុង​ក្របខ័ណ្ឌ Europa League​។​

​អវត្តមាន​របស់ Rooney អាច​នឹង​អនុញ្ញាត​ឲ្យ Anthony Martial បញ្ចេញស្នាដៃ​ជូន​ក្រុម​ក្នុងនាម​ជា​កីឡាករ​ពាក់​លេខ​ប្រាំបួន ខណៈ Memphis Depay ឬក៏​ខ្សែប្រយុទ្ធ​សញ្ជាតិ​ប្រេ​ស៊ី​ល​កីឡាករ Andreas Pereira អាច​នឹងចូលរួម​ក្នុង​ប្រព័ន្ធ​ប្រយុទ្ធ​ថ្ងៃនេះ​។​

​លោក Louis van Gaal ក៏បាន​រួមបញ្ចូល​កីឡាករ​អាយុ​ក្រោម ២១ ឆ្នាំ Regan Poole និង Joe Riley ក្នុង​ក្រុម​របស់គាត់​ផងដែរ​៕

 

adverise with khmeread
ប្រភព៖ មៀរឺ

មតិយោបល់