adverise with khmeread Manny pacquiao 1 jascano 112014

សហគមន៍​ស្រឡាញ់​ភេទ​ដូចគ្នា​ប្រមូល​ញត្តិ​តាម​អន​ឡាញ​ឱ្យធ្វើ​ពហិការ​កុំ​បោះឆ្នោតឱ្យ​ប៉ាក​គី​អៅ​

​    ​ក្រុមមនុស្ស​ស្រឡាញ់​ភេទ​ដូចគ្នា​បាន​អំពាវនាវ​ឱ្យ​អ្នកបោះឆ្នោត​ក្នុងប្រទេស​ហ្វ៊ី​លី​ពី​ន​ធ្វើពហិការ​កុំ​បោះឆ្នោត​កំពូល​កីឡាករ​ប្រដាល់ មែន​នី ប៉ាក​គី​អៅ ខណៈដែល​រូបគាត់​ឈរឈ្មោះ​សម្រាប់​កៅអី​ព្រឹទ្ធសភា បន្ទាប់ពី​គាត់​បាន​ពណ៌​ខ្ទើយ​ថា "​អន់​ជាង​សត្វ​"​។ 

​    ​ញត្តិ​តាម​អន​ឡាញ​មួយ​ក៏​កំពុងស្ថិត​ក្នុង​ដំណើរការ​ផងដែរ​ដើម្បី​ស្នើឱ្យ​ក្រុមហ៊ុន​សម្ភារៈ​កីឡា​ពិភពលោក Nike Inc ដក​ប៉ាក​គី​អៅ​ចេញពី​អ្នក​ថត​ផ្សព្វផ្សាយ​។ ញ​តិ្ត​នៅលើ​វេ​ប​សាយ change.org បាន​ប្រមូល​ហត្ថលេខា​បាន​ចំនួន ២.០០០ នាក់​ហើយ​មកទល់​ឥឡូវនេះ​។ 

​    ​ប៉ាក​គី​អៅ ដែល​គេ​គោរព​ស្រឡាញ់​ក្នុងប្រទេស​ហ្វ៊ី​លី​ពី​ន​ចំពោះ​ការ​គ្រង​ខ្សែក្រវាត់​ប្រដាល់​ពិភពលោក ៨ ស្ថាប័ន​ខុសៗ​គ្នា​អំឡុង​អាជីព ២០ ឆ្នាំ​របស់ខ្លួន បាន​បាត់បង់​កិ​ត្ដិ​យស​មួយ​រំពេច​បន្ទាប់ពី​កិច្ចសម្ភាសន៍​រយៈពេល ៣០ វិនាទី​នៅលើ​កញ្ចក់​ទូរទស្សន៍​ក្នុងស្រុក​មួយ​អំពី​អាពាហ៍ពិពាហ៍​ភេទ​ដូចគ្នា ដែល​រូបលោក​ជំទាស់​នោះ​។ 

​    ​ប៉ាក​គី​អៅ​បាន​ប្រាប់​ទូរទស្សន៍ TV5 ថា "​តើ​អ្នក​ដែល​ឃើញ​សត្វ​រួមភេទ​ជាមួយ​ភេទ​ដូចគ្នា​ទេ​? សត្វ​គឺ​ល្អ​ជាង​យើង​ពីព្រោះ​ពួកវា​ចេះ​ស្គាល់​ញី​ស្គាល់​ឈ្មោល​។ វា​ជា​រឿង​សម​ហេតុផល​ណាស់​! ហើយ​ប្រសិនបើ​បុរស​រួមភេទ​ជាមួយ​បុរស និង​ស្ត្រី​រួមភេទ​ជាមួយ​ស្ត្រី អ៊ីចឹង​ពួកគេ​អន់​ជាង​សត្វ​ទៅទៀត​"​។ 

​    ​នេះ​មិនមែនជា​លើកទីមួយ​ទេ​ដែល​ប៉ា​គី​អៅ សមាជិក​ព្រឹទ្ធសភា​ពីរ​អាណត្តិ បាន​ទទួលរង​កំហឹង​ពី​សហគមន៍​មនុស្ស​ស្រឡាញ់​ភេទ​ដូចគ្នា​ចំពោះ​ការ​ថ្លែង​របស់លោក​អំពី​អាពាហ៍ពិពាហ៍​ភេទ​ដូចគ្នា​។ លោក​ក៏​ធ្លាប់បាន​សុំទោស​ចំពោះ​សម្តី​របស់លោក​កាលពី​ឆ្នាំ ២០១២ ម្តង​រួចមកហើយ​ដែរ​។ 

​    ​អាពាហ៍ពិពាហ៍​ភេទ​ដូចគ្នា​មិនត្រូវ​បានអនុញ្ញាត​ទេ​នៅក្នុង​ប្រទេស​ហ្វ៊ី​លី​ពី​ន ជាទី​ដែល​មនុស្ស​ជាង ៨០ ភាគរយ​ក្នុងចំណោម​ប្រជាជន ១០០ លាន​នាក់​គឺជា​អ្នក​កាន់សាសនា​រ៉ូ​ម៉ាំង​កាតូលិក​។ 

​    ​សមាជិកសភា​អាយុ ៣៧ ឆ្នាំ​រូបនេះ​ដែល​ស្ថិត​ក្នុងចំណោម​បេក្ខភាព​ឈានមុខ​គេ​ថា​នឹង​ដណ្តើមបាន​អាសនៈ​ព្រឹទ្ធសភា​នៅក្នុង​ការបោះឆ្នោត​ខែឧសភា​ខាងមុខ​ផ្អែក​តាម​ការស្ទង់មតិ​រប​ស់​អ្នករៀបចំ​ការបោះឆ្នោត​ឯករាជ្យ បានធ្វើការ​សុំទោស​ចំពោះ​រឿងនេះ​រួចហើយ​កាលពី​ថ្ងៃ​អង្គារ​។ ការ​ស្ទាបស្ទង់​ចុងក្រោយ​បានបង្ហាញ​ថា គាត់​មាន​ចំណាត់ថ្នាក់​លេខ ៨ ក្នុងការ​ប្រជែង​កៅអី​ព្រឹទ្ធសភា​ទំនេរ​ចំនួន ១២ នៅក្នុង​ព្រឹទ្ធសភា​។ 

​    ​តារាចម្រៀង​ក្នុងស្រុក នាង អាយ​ហ្សា សេ​កេ​រ៉ា (Aiza Seguerra) ដែល​បាន​រៀបការ​ជាមួយ​មិត្តស្រី​ជាតា​រា​សម្តែង​កាលពី​ចុងឆ្នាំ​២០១៤ ក្នុង​ទីក្រុង​សាន់​ហ្វ្រា​ន់​ស៊ី​ស្កូ​ក៏បាន​អំពាវនាវ​ឱ្យ​អ្នកបោះឆ្នោត​ធ្វើពហិការ ប៉ាក​គី​អៅ​ផងដែរ​។ 

​    ​នាង​បាន​និយាយ​ក្នុង Instagram របស់​នាង​ថា "​អ្នក​ប្រហែលជា​បានធ្វើឱ្យ​ប្រទេស​របស់​យើង​មាន​មោទនភាព​ក៏ពិតមែន ប៉ុន្តែ​ជាមួយនឹង​ការ​ថ្លែង​របស់​អ្នក អ្នក​កំពុងតែ​បង្ហាញ​ប្រទេស​ទាំងមូល​ថា​ហេតុអ្វី​បានជា​យើង​មិនគួរ​បោះឆ្នោតឱ្យ​អ្នក​"៕ 

adverise with khmeread
ប្រភព៖ ឆានែលញូវស៍អេស៊ា

មតិយោបល់