អ្នកធ្វើការចង់ស្លាប់ អត់ឡើងតំណែង ចំណែកអ្នកនិយាយបញ្ជោរលោកប្រធាន បានឡើងតំណែងកប់ពពក, ថៅកែដាក់សំណួរមួយទៅអ្នកទាំងពីរ ទើបដឹងមូលហេតុ!

ឈួន និងជីងបានចូលធ្វើការក្រុមហ៊ុនលក់ទំនិញមួយជាមួយគ្នា បន្ទាប់ពីរៀនចប់។ ពួកគេប្រឹងធ្វើការណាស់។

បន្ទាប់ពីធ្វើការជាច្រើនឆ្នាំ ថៅកែបានដំឡើងតំណែងជីងទៅជានាយក​ប្រតិបត្តិ​ផ្នែក​លក់ ប៉ុន្ដែឈួនវិញនៅតែជាអ្នកតំណាងលក់ម្នាក់ដដែល។ ថ្ងៃមួយឈួនមិនអាចទទួលយកការងារនេះតទៅទៀត ក៏បានដាក់ពាក្យសុំឈប់ទៅថៅកែ ហើយត្អូញត្អែរថៅកែថាមិនផ្ដល់តម្លៃលើអ្នកប្រឹងធ្វើការ ប៉ុន្ដែបែរជាដំឡើងតំណែងអ្នកនិយាយបញ្ជោរគាត់ទៅវិញ។

ថៅកែដឹងថាឈួន ប្រឹងធ្វើការខ្លាំងណាស់ក្នុងរយៈពេលជាច្រើនឆ្នាំកន្លងមកនេះ ប៉ុន្ដែក្នុងគោលបំណងដើម្បីជួយឈួនយល់ពីភាពខុសគ្នារវាងគាត់និងជីង ថៅកែបានស្នើឈួនឱ្យធ្វើតាមអ្វីដែលគាត់ប្រាប់។ ថៅកែនិយាយថា "ឯងទៅក្រៅ ហើយស្វែងរកនរណាម្នាក់កំពុងលក់ឪឡឹកក្នុងផ្សារ"។ ឈួនត្រឡប់មកវិញ ហើយថៅកែសួរថាឪឡឹក ១ គីឡូតម្លៃប៉ុន្មាន? ឈួនត្រឡប់ទៅផ្សារវិញ ហើយត្រឡប់មកវិញក៏ប្រាប់ថៅកែថាឪឡឹក ១ គីឡូតម្លៃ ១២ ដុល្លារ។

ថៅកែប្រាប់ទៅឈួនថា គាត់នឹងសួរសំណួរដដែលទៅជីង។ ជីងបានត្រឡប់មកវិញនិងនិយាយថា "ថៅកែ នៅផ្សារមានអ្នកលក់ឪឡឹកតែម្នាក់ទេ។ ឪឡឹក ១២ ដុល្លារក្នុងមួយគីឡូ ហើយតម្លៃ ១០០ ដុល្លារក្នុង ១០ គីឡូ។ អ្នកលក់យកឪឡឹកមកលក់ ៣៤០ ផ្លែ ហើយឥឡូវនេះមាន ឪឡឹកតែ ៥៨ ផ្លែនៅលើតុ រាល់ឪឡឹកទាំងអស់មានទម្ងន់ ១៥ គីឡូ ទិញមកពីប៉ែកខាងត្បូងប្រហែល ២ ថ្ងៃហើយ ពួកវានៅស្រស់ និងក្រហម គុណភាពល្អ"។

ឈួនចាប់អារម្មណ៍និងយល់ពីភាពខុសគ្នារវាងខ្លួនគាត់ និងជីង។ គាត់បានសម្រេចចិត្តលែងឈប់ពីការងារវិញ ប៉ុន្ដែគាត់នឹងរៀនពីជីង។

ជីងបានណែនាំទៅឈួនថា "សម្លាញ់ មនុស្សជោគជ័យគឺស្ថិតលើការចេះអង្កេត គិតនិងយល់ស៊ីជម្រៅ។ មនុស្សជោគជ័យមើលទៅមុខរាប់ឆ្នាំឯណោះ ចំណែកឯងមើលទៅមុខត្រឹមតែថ្ងៃស្អែកប៉ុណ្ណោះ។ ភាពខុសគ្នារវាងឆ្នាំ និងថ្ងៃ គឺ ៣៦៥ ដង តើឯងអាចឈ្នះថ្ងៃស្អែកច្រើនដងបែបនេះដោយរបៀបណា?"។

"គិតមើល ថាតើឯងមើលឃើញអនាគតឆ្ងាយដល់កម្រិតណា? ថាតើឯងគិតស៊ីជម្រៅដល់កម្រិតណា?"៕

adverise with khmeread