adverise with khmeread Freedom 251 15 ndtv

ក្រុមហ៊ុន Ringing Bells របស់​ឥណ្ឌា​ផលិត​ស្មា​ត​ហ្វូ​ន​តម្លៃ​ជាង ៣ ដុល្លារ​មាន​កាមេរ៉ា​មុខក្រោយ​និង​អង្គ​ចងចាំ​៨GB

​    ​ក្រុមហ៊ុន​ឥណ្ឌា​មួយ​បានធ្វើការ​ផ្សព្វផ្សាយ​លក់​ទូរស័ព្ទ​ស្មា​ត​ហ្វូ​ន ដែលមាន​តម្លៃថោក​ជាង​គេ​បំផុត​នៅលើ​ពិភពលោក​។​

​    ​ក្រុមហ៊ុន Ringing Bells បាន​និយាយ​កាលពីពេល​មុននេះ​ថា ទូរស័ព្ទ​ស្មា​ត​ហ្វូ​ន Freedom 251 របស់ខ្លួន​នឹង​បញ្ចេញ​លក់​ក្នុងតម្លៃ​ក្រោម​៥០០​រូពី (៧,៣ ដុល្លារ​អាមេរិក​) ប៉ុន្តែ នៅពេល​ក្រុមហ៊ុន​នេះ​បាន​បញ្ចេញ​លក់​ទូរស័ព្ទ​ប្រភេទ​ស្មា​ត​ហ្វូ​ន​នេះ​កាលពី​ថ្ងៃ​ពុធ​នោះ ក្រុមហ៊ុន​នេះ​បាន​និយាយថា វា​មានតម្លៃ​តែ​២៥១​រូពី (៣,៦៧​ដុល្លារ​អាមេរិក​) តែប៉ុណ្ណោះ​ក្នុង​មួយគ្រឿង​។​

​    ​ទូរស័ព្ទ Freedom 251 នេះ​អាច​ផ្ទុក​ទិន្នន័យ​បាន​ទំហំ 8GB និង​មាន​កាមេរ៉ា​មុខ​និង​ក្រោយ​។​
​ឥណ្ឌា​ជាទី​ផ្សារ​ទូរស័ព្ទ​ដ៏​ធំជាងគេ​លំដាប់​ទី​២​នៅលើ​ពិភពលោក ហើយ​មាន​អ្នកប្រើប្រាស់​ទូរស័ព្ទ​ចំនួន​១​ពាន់​លាន​នាក់​នៅក្នុង​ប្រទេស​នេះ​។​

​    ​ទី​ភ្នា​ក់​សារព័ត៌មាន​AFP បាន​ដកស្រង់​សម្តី​ស្ត្រី​អ្នកនាំពាក្យ​របស់​ក្រុមហ៊ុន​នេះ​ដោយ​និយាយថា បច្ចុប្បន្ន ក្រុមហ៊ុន​នាំ​គ្រឿងបន្លាស់​ទូរស័ព្ទ​ពី​បរទេស​ហើយ​ដំឡើង​នៅក្នុង​ប្រទេស​ឥណ្ឌា ប៉ុន្តែ​ក្រុមហ៊ុន មាន​ផែន​ការផលិត​ទូរស័ព្ទ​របស់ខ្លួន​នៅក្នុង​ស្រុក​ក្នុង​រយៈពេល​មួយឆ្នាំ​ទៀត​។​

​    ​សារព័ត៌មាន​ឥណ្ឌា Press Trust of India បាន​រាយការណ៍​ថា​ក្រុមហ៊ុន Ringing Bells ទើបតែ​បង្កើតឡើង​តែ​ពីរ​បី​ខែ​កន្លងទៅនេះ​ទេ ប៉ុន្តែ​បច្ចុប្បន្ន បាន​បញ្ចេញ​លក់​ទូរស័ព្ទ​ស្មា​ត​ហ្វូង​4G​ក្នុងតម្លៃ​ដ៏​ថោក​បំផុត​គឺ ២.៩៩៩ រូពី (​ប្រហែល ៤៤ ដុល្លារ​)៕

adverise with khmeread

មតិយោបល់