adverise with khmeread 1

​ស្ថិតិ​ទាំង​ប្រាំ​នេះ​បង្ហាញថា បរាជ័យ​នៅ Midtjylland គឺ​អាក្រក់​បំផុត​ក្នុង​ប្រវត្តិសាស្ត្រ​របស់ Man Utd

​បរាជ័យ​របស់​ក្រុម​បិសាច​ក្រហម Manchester United នៅ​ទឹកដី Midtjylland ប្រហែលជា​រឿង​ដ៏​អាក្រក់​បំផុត​នៅក្នុង​ប្រវត្តិសាស្ត្រ​ដ៏​យូរយារ​បស់​ពួកគេ​។​

​បើទោះជា​បាន​នាំមុខ​ដោយ​កីឡាករ Memphis ក៏ដោយ ក្រុម​របស់​ប្រទេស​ដា​ណឺ​ម៉ា​កមួយ​នេះ​បាន​វាយបក​តាម​ស្មើ​ក្នុង​តង់​ទីមួយ​និង​ឈ្នះ​តែម្តង​ក្នុង​តង់​ទី​ពីរ​ដោយ​កីឡាករ Pione Sisto និង Paul Onuachu​។​

​ក្រុម​អ្នកគាំទ្រ​បិសាច​ក្រហម​មានការ​ស្រងាកចិត្ត​នៅពេលដែល​កញ្ចែ​បាន​ផ្លុំ​បញ្ចប់​ការប្រកួត ខណៈ​ប្រាក់​ដែល​ពួកគេ​បាន​ចំណាយ​អស់ ៧១ ផោន​ដើម្បី​មើល​ការប្រកួត​មួយ​នេះ​ត្រូវបាន​ក្លឹប​សន្យា​ផ្តល់​ឲ្យ​វិញ​។​

​ជាការ​ពិត ស្ថិតិ​បង្ហាញថា លុយ ៧១ ផោន​នេះ​គឺ​វា​មិន​ច្រើន​ទេ​សម្រាប់​ប្រិយមិត្ត ប៉ុន្តែ​លទ្ធផល​គឺជា​បញ្ហា ព្រោះ​ការប្រកួត​នេះ​វារឹតតែ​អាក្រក់​ក្នុង​ប្រវត្តិសាស្ត្រ​ក្លឹប​ដ៏​ជោគជ័យ​មួយ​នេះ​។​

១.​គ្រាប់​បាល់​ក្រៅ​ផ្ទះ​ដ៏​អាម៉ាស់​

​បិសាច​ក្រហម​គឺជា​ក្រុម​ទីមួយ​ដែល​ភ្លាត់​គ្រាប់​បាល់​ច្រើនជាងគេ​នៅក្រៅ​ទឹកដី​ជាមួយ​ក្រុម​មធ្យម Midtjylland តាំងពី​ឆ្នាំ ២០០៨ និង​ភ្លាត់​គ្រាប់​បាល់​នៅក្រៅ​ទឹកដី​ទៅកាន់​ក្រុម​ដូចជា Bangor City និង TNS​។​

២.​ក្រុម​ថ្មីថ្មោង​

​ក្រុមបាល់ទាត់ FC Midtjylland ទើបតែ​ក៏​កើត​បាន ១៧ ឆ្នាំ​ទេ ហើយ​កាលពី ១៧ ឆ្នាំមុន Man Utd ធ្វើបាន Treble​។ ពេលវេលា​ពិតជា​ផ្លាស់ប្តូរ​លឿន​មែន​!

៣.Midtjylland ធ្វើ​មិនសូវ​បានល្អ​ឡើយ​កាលពី​វគ្គ​ជម្រើស​តាម​ពូ​ល​

​ក្រុម​ខ្លាំង Napoli បាន​បំបាក់ Midtjylland ទាំងពីរ​ជើង​ដល់​ទៅ ៩-១ នៅក្នុង​ពូ​ល ដោយ​ជើង​ទីមួយ ៥-០ និង​ជើង​ទី​ពីរ ៤-១​។​

៤.​ពួកគេ​លេង​មិនសូវ​ល្អ​ក្នុង​រយៈពេល​កន្លងមក​នេះ​

​មុន​ការប្រកួត​យប់មិញ Midtjylland ឈ្នះ​បានតែ​មួយ​ប្រកួត​ប៉ុណ្ណោះ​ក្នុងចំណោម ១០ ប្រកួត ជាមួយនឹង​ក្រុម​យក្ស​ដូចជា Legia Warsawa និង Aarhus ធ្វើបាន​នូវ​អ្វីដែល Man Utd ធ្វើ​មិនបាន​។​

៥.​នេះ​ជាការ​ប្រកួត​ផ្លូវការ​ដំបូង​របស់​ពួកគេ​ក្នុងឆ្នាំនេះ​

Midtjylland ពិតជា​មិនទាន់បាន​លេង​ការប្រកួត​ផ្លូវការ​ណាមួយ​អស់​រយៈពេល​ពីរ​ខែ​មកហើយ ជាមួយនឹង​ការប្រកួត​ចុងក្រោយ​របស់​ពួកគេ​គឺ​ប៉ះ​ក្រុម Club Brugge កាលពី​ថ្ងៃទី ១០ ខែធ្នូ​៕

adverise with khmeread
ប្រភព៖ មេត្រូ

មតិយោបល់