adverise with khmeread Image%288%29

ដឹក​ស្រី​ស្នេហ៍​ដើរលេង​ផ្សារ​រាត្រី​ប្រពន្ធ​តាម​ទាន់​បត់​រថយន្តបុក​ប្រពន្ធ​ស្លាប់​

   បន្ទាយមានជ័យ ៖ ស្ត្រី​ម្នាក់​បាន​ស្លាប់​បន្ទាប់ពី​បញ្ជូន​ទៅដល់​មន្ទីរពេទ្យ​បង្អែក​មិត្តភាព​កម្ពុជា​-​ជប៉ុន ខណ​:​ត្រូវ​ប្តី​កំហូច​បត់​រថយន្តបុក​ផ្ទប់​ទៅនឹង​តូប​លក់ដូរ​ផ្សារ​រាត្រី​ពេល​តាម​ទាន់ ប្តី​កំពុង​ដឹក​ស្រី​ស្នេហ៍​ដើរលេង​។​

    ហេតុការណ៍​នេះ​បាន​កើតឡើង​កាលពី​វេលា​ម៉ោង​៧​និង​២០​នាទី​យប់​ថ្ងៃទី​១៨
​កុម្ភ​:​ឆ្នាំ​២០១៦​នៅ​ចំណុច​បរិវេណ​ខាងកើត​ផ្សារ​រាត្រី​ស្ថិត​ក្នុងភូមិ​ព្រះ​ពន្លា សង្កាត់​ព្រះ​ពន្លា ក្រុង​សិរីសោភ័ណ ខេត្តបន្ទាយមានជ័យ​។​

    សាក្សី​និយាយថា ដំបូង​គេ​បានឃើញ​រថយន្ត​មួយគ្រឿង​ម៉ាក​នីសា​ន់​ណា​វ៉ា​រ៉ា​ពណ៌​ស្ករ​ពាក់​ស្លាក់​លេខ​ភ្នំពេញ​2V-6906​ដឹក​នារី​វ័យក្មេង​ម្នាក់​ចូលទៅក្នុង​ផ្សារ​រាត្រី ។​ភ្លាម​នោះដែរ​ក៏មាន​ស្ត្រី​ម្នាក់​ជិះ​ម៉ូតូ​សង់​មួ​​យ​គ្រឿង​តាម​ពីក្រោយ​។ ក្រោយមក​ស្ត្រី​នោះ​ក៏​ដាក់​ម៉ូតូ​ចោល​ហើយ​រត់​តម្រង់​ទៅរក​រថយន្ត​នោះ​ក្នុងស្ថានភាព​ខឹងសម្បារ​ប្តី​មាន​ស្រី ។​

   ពេលនោះ​បុរស​ម្នាក់​ដែល​កំពុងបើក​បររថ​យន្ត​ពេល​ឃើញ​ស្ត្រី​នោះ​ចុះ​ពី​ម៉ូតូ​រត់​សំដៅ​មក​ក៏​បត់​រថយន្ត​ទំនងជា​ចង់​បត់​គេច ចៃដន្យ​ជ្រុល​ទៅបុក​ស្ត្រី​នោះ​ផ្ទុប​ទៅនឹង​តូប​លក់​បណ្តាល​ឲ្យ​រងរបួស​ជា​ទម្ងន់ ហើយក៏​ដឹកបញ្ជូន​តាម​រថយន្ត​ប៉ូលិស​ចរាចរណ៍​ទៅកាន់​មន្ទីរពេទ្យ​តែ​អកុសល​ក៏​ស្លាប់​តាមផ្លូវ​។​

    មន្ត្រីប៉ូលិស​ចរាចរណ៍​បាន​ឲ្យ​ដឹងថា​ស្ត្រី​ដែល​ត្រូវ​រថយន្តបុក​ផ្ទុប​នោះ​ឈ្មោះ មាស សារី អាយុ​៣០​ឆ្នាំ​ត្រូវជា​ប្រពន្ធ​របស់​ឈ្មោះ សាន ស៊ីម ហៅ​ចក់ អាយុ ៣៨​ឆ្នាំ រស់នៅ​ភូមិ​និង​សង្កាត់​ទឹកថ្លា ក្រុង​សិរីសោភ័ណ ខេត្តបន្ទាយមានជ័យ​ជា​អ្នកបង្ក​។​

   មន្ត្រីប៉ូលិស​បន្តថា ករណីនេះ​គឺ​មកពី​ប្រពន្ធ​តាម​ទាន់​ប្តី​កំពុង​ដឹក​ស្រី​ស្នេហ៍​ដើរលេង​ហើយ​ប្តី​ភ័យ​ក៏​បត់​រថយន្ត ប្រពន្ធ​ឃើញ​ដូច្នេះ​ក៏​រត់​ពីមុខ​រថយន្ត​បំណង​ទៅ​ទាញ​ទ្វារ​ខាង​ស្រី​ស្នេហ៍​តែ​ចៃដន្យ​ក៏ត្រូវ​បុក​កៀប​ជាប់​នឹង​តូប​តែម្តង​។​

   ក្រោយ​កើតហេតុ​បុរស​ជា​ប្តី​ក៏​ស្ទុះ​ចុះមក​បីត្រកង​ប្រពន្ធ​យំ​ស្រែក​រាយរាប់​ពី​កំហុស​របស់ខ្លួន​ដែល​បង្ក​ឲ្យ​ប្រពន្ធ​ទៅជា​បែបនេះ រីឯ​នារី​ជា​ស្រី​ស្នេហ៍​ចុះ​ពី​រថយន្ត​គេចខ្លួនបាត់​។​

   ក្នុងករណីនេះ​ប៉ូលិស​នឹង​ចាត់ការ​បុរស​ជា​ប្តី​ទៅតាម​ច្បាប់ ៕​

adverise with khmeread

មតិយោបល់