Liverpool គ្រោងចំណាយបន្ថែមទៀតដើម្បីផ្ទេរ Naby Keita នៅខែមករានេះ

          ក្រុមហង្សក្រហម Liverpool បាន​ត្រៀម​កញ្ចប់​ទឹកប្រាក់​ដែល​បាន​មក​ពី​ការលក់​ខ្សែបម្រើ Philippe Coutinho ទៅ​ឲ្យ​ក្លឹប Barcelona ដើម្បី​ផ្ទេរ​កីឡាករខ្សែបម្រើ Naby Keita មក​កាន់​ពហុកីឡាដ្ឋាន Anfield នៅខែមករានេះ។

          Liverpool បាន​យល់​ព្រមនឹង​កិច្ចព្រមព្រៀង​ដែល​មានទឹកប្រាក់​៥៥​លាន​ផោន​ជាមួយ​ក្លឹប Red Bull Leipzig កាលពីរដូវក្តៅសម្រាប់​កីឡាករ Keita ហើយ​កីឡាករ​អន្តរជាតិ​ Guinea រូបនេះ​ បាន​ចំណាយ​ពេល​ខ្ចីជើង​នៅ​ក្លឹប​នេះ​ក្នុង​ក្របខណ្ឌ​ Bundesliga មុន​ចូល​រួម​ជាផ្លូវ​ការ​ជាមួយ Liverpool។

          Liverpool ចង់​នាំ​យក​ Keita មក​កាន់​ពហុកីឡាដ្ឋាន Anfield នៅ​ពេល​នេះ ហើយ​មាន​បំណង​ចំណាយ​ទឹកប្រាក់​ឲ្យ​ក្លឹប Leipzig បន្ថែម​លើ​តម្លៃ​ផ្ទេរ​៥៥​លានផោន​។

          គេជឿថា កីឡាករវ័យ​២២​ឆ្នាំរូបនេះ​អន្ទះសា​ចង់​ផ្ទេរ​ចេញ​នៅពេល​នេះ ហើយ​​ក្លឹប Leipzig នឹង​ពិបាក​ក្នុង​បញ្ចុះបញ្ចូល​ឲ្យ​កីឡាករ​រូបនេះ​បន្ត​នៅជាមួយ​ខ្លួន​ទៀត៕

adverise with khmeread