1

Danny Welbeck អាច​ចាប់ផ្តើម​ជា​លើកដំបូង​ឲ្យ Arsenal បន្ទាប់ពី​សម្រាក​ក្នុង​មន្ទីរពេទ្យ​អស់ ១០ ខែ​

​កីឡាករ​មុត​ស្រួច Welbeck អាច​ចាប់ផ្តើម​ជម្រើស​ដំបូង​បាន​វិញ​ហើយ បន្ទាប់ពី​អវត្តមាន​អស់​រយៈពេល ១០ ខែ​។​

​ខ្សែប្រយុទ្ធ​កាំភ្លើង​ធំ​រូបនេះ​បាន​វិល​ត្រឡប់មកវិញ​បន្ទាប់ពី​របួស​ជង្គង់​និង​បាន​ជួយ​ក្រុម​ឲ្យ​យកឈ្នះ​ក្រុម​កំពុង​ខ្លាំង Leicester នៅ​នាទី​ទី ៩៤ កាលពី​ថ្ងៃអាទិត្យ​សប្តាហ៍​មុន​។​

Danny Welbeck អាច​ចាប់ផ្តើម​ក្នុងជំនួប​ជាមួយ​ក្រុម Hull City ក្នុងការ​ប្រកួត FA Cup ជាមួយ​កីឡាករ David Ospina, Laurent Koscielny និង Mohamed Elneny អាច​នឹង​លេង​ផងដែរ​។​

​ប៉ុន្តែ​គេ​នៅ​មិនទាន់​ឃើញ​សញ្ញា​ថា​ខ្សែបម្រើ​វ័យក្មេង Jack Wilshere នឹង​ត្រឡប់មកវិញ​ឡើយ ស្រប​ពេលដែល​កីឡាករ​អន្តរជាតិ​អង់គ្លេស​រូបនេះ​ត្រូវការ​រយៈពេល​បី​ទៅ​បួន​សប្តាហ៍​ទៀត​៕

ប្រភព៖ មៀរឺ

មតិយោបល់