ឃាត់​យក​រថយន្ត​បើកបរ​ដោយ​ជនជាតិ​ចិន​ចំនួន៤គ្រឿង

ព្រះសីហនុ​ ៖​ ប៉ូលិស ចរាចរណ៍​ផ្លូវ​គោកខេត្តព្រះសីហនុបាន​ឃាត់​យក​រថយន្ត​បើកបរ​ដោយ​ជនជាតិ​ចិន​ចំនួន៤គ្រឿង ដែលគ្មាន​ប័ណ្ណ​បើកបរ​ យកមក​រក្សាទុក​នៅ​ការិយាល័យ​ចរាចរណ៍​ផ្លូវ​គោក​ខេត្ត ដើម្បីបន្តនីតិវិធីតាមផ្លូវច្បាប់។

កិច្ចប្រតិបត្តិការក្តៅនេះ ធ្វើឡើងនៅរសៀលថ្ងៃ​ទី​១៣ ខែ​មករា​ ឆ្នាំ​២០១៨ តាមបទបញ្ជាមិនលើកលែងពីលោកឧត្តមសេនីយ៍ទោ ជួន ណារិន្ទ ស្នងការប៉ូលិសខេត្តព្រះសីហនុ ដែលបញ្ជាឱ្យយកម្លាំងប៉ូលិស ចុះ​រឹតបន្តឹង​អនុវត្ត​ច្បាប់​ស្ដីពី​ចរាចរណ៍​ផ្លូវ​គោក​ក្នុងខេត្ត។

យោងតាមលោកឧត្តមសេនីយ៍ត្រី អ៊ី សុខា ស្នងការរងទទួលបន្ទុកសណ្តាប់ធ្នាប់ចរាចរណ៍ឱ្យដឹងថា ក្រៅពីឃាត់រថយន្តបើកបរដោយជនជាតិចិន៤គ្រឿង​ ប៉ូលិសបានត្រួតពិនិត្យចំពោះអ្នកបើកបរ​ និង​អ្នករួមដំណើរលើ​ម៉ូតូ​ ដែលមិន​ពាក់​មួក​សុវត្ថិភាព​ នៅ​លើវិថី​ឯករាជ្យ​ ត្រង់ចំណុច​ ស្តុប​តូតាល់​ ក្រុង​​ព្រះសីហនុ​។

ជាលទ្ធផល​រកឃើញ១-អ្នកបើកបរ​និង​អ្នករួមដំណើរលើ​ម៉ូតូ​ មិន​ពាក់​មួក​សុវត្ថិភាព​ចំនួន​ ១៨៨ នាក់​ ប៉ូលិសបានពិន័យ​, ២-អ្នកបើកបរ​គ្មាន​កញ្ចក់​មើល​ក្រោយ​ចំនួន​ ២២គ្រឿង​ (ពិន័យ)​, ៣-អ្នកបើកបរ​ម៉ូតូ​មិន​គោរព​ភ្លើង​ស្តុប​ចំនួន​ ម្នាក់ ​(ពិន័យ​) និង៤-រថយន្ត​បិទ​កញ្ចក់​ខ្មៅ​ចំនួន​ ០១​ គ្រឿង(​ពិន័យ​)៕

adverise with khmeread