adverise with khmeread Index1

ឆេះ​ឃ្លាំង​គ្រាប់​ឈើ​ទំហំ​៥​គុណ​៧​ម៉ែត្រ​អស់​កាំភ្លើង​១៣​ដើម​

    ឧ​ត្ត​រ​មានជ័យ ៖ មាន​ករណី​គ្រោះថ្នាក់​អគ្គីភ័យ ដោយ​ភ្លើង​ឆេះ​ឃ្លាំង​គ្រាប់ របស់​វរ​សេនា​តូច​៤១៥  កងពលតូច​ថ្មើ​ជើង​លេខ​៤១  កាលពី​ថ្ងៃទី​២០ ខែកុម្ភៈ ឆ្នាំ​២០១៦ វេលា​ម៉ោង​១២​នង​៤៧​នាទី នៅ​ចំណុច​អូរ​ក្រញូង ស្ថិតនៅ​ភូមិ​អូរ​ក្រញូង ឃុំ​ត្រពាំង​ប្រី​យ៍ ស្រុក​អន្លង់វែង ខេត្តឧត្ដរមានជ័យ ។​

     សមត្ថកិច្ច​និយាយថា គ្រោះថ្នាក់​នេះ​បណ្តាល​ឲ្យ​ឆេះ​ឃ្លាំង​អាវុធ​ទាំងស្រុង​អស់​១​ខ្នង ទំហំ ៥​ម​× ៧ ម សង់​អំពី​ឈើ ប្រក់​ស័ង្កសី និង​ឆេះ​ខូចខាត អាវុធ ១៣ ដើម គ្រាប់ ចំនួន ១៨១៨ គ្រាប់​ក្នុងនោះ​រួមមាន ៖ អាវុធ D.K75​មួយ​ដើម  គ្រាប់ ៦៣ គ្រាប់​,​កាំភ្លើង​ធុន​12,7 មួយ​ដើម​,​គ្រាប់​៤៩៦ គ្រាប់​,​កាំភ្លើង​ធុន​M T   មួយ​ដើម​,​គ្រាប់ ៦០ គ្រាប់​និង​កាំភ្លើង​ធុន​AK ១០ ដើម គ្រាប់​១២០០​គ្រាប់​។​

    ជុំវិញ​ករណីនេះ​លោក​អធិការ​ប៉ូលិស​ស្រុក​បាន​ដឹកនាំ​កម្លាំង​ទៅ​ចុះ​ស្រាវជ្រាវ​នៅ​កន្លែងកើតហេតុ​រក​ពី​មូលហេតុ ៕​

adverise with khmeread

មតិយោបល់