Thierry Henry: Marcus Rashford គួរពិចារណាចាកចេញពី Man Utd នៅរដូវក្តៅនេះ

អតីត​ខ្សែប្រយុទ្ធ Thierry Henry របស់ក្លឹប Arsenal បាន​និយាយថា ខ្សែប្រយុទ្ធ Marcus Rashford គួរតែពិចារណាអំពី​ការ​ចាកចេញ​ពី​ក្លឹប​​ Man Utd ​នៅ រដូវក្តៅ​នេះ។

          Henry អះអាងថា “​រឿងមួយក្នុងចំណោម​រឿងសំខាន់បំផុត​សម្រាប់ខ្ញុំគឺថា អ្នក​ត្រូវតែមានឱកាស​លេង។ អ្នកមិនអាចអង្គុយ​មើល​នោះទេ”។

          Rashford ​មិនបានបង្ហាញមុខក្នុងការ​ប្រកួត​ទេ អំឡុងពេល Man Utd ​ចាញ់​ក្រុម Ne​wcastle ១-០។ កីឡាករ​វ័យ​២០​ឆ្នាំ​រូបនេះក៏ខកខាន​មិន​បាន​ចាប់  ផ្តើម​ការប្រកួត​ណាមួយ​ក្នុងចំណោម​៦ប្រកួត​ចុងក្រោយនៅ​ក្របខណ្ឌPLដែរ។

          ការមក​ដល់​របស់ Alexis Sanchez ទទួល​បាន​ការ​ពេញចិត្ត​ពីគ្រូបង្វឹកលោក Jose Mourinho ហើយ​លោកដាក់ឲ្យ​កីឡាករ​ឈីលីរូបនេះ​លេងប្រយុទ្ធនៅស្លាបខាងឆ្វេងនិងប្តូរ​ Anthony Martial ទៅលេងនៅ​ស្លាបខាងស្តាំវិញ។

          ចំណែក Romelu Lukaku នៅតែជាជម្រើស​ដំបូង​សម្រាប់​តំបន់​ប្រយុទ្ធដដែល ដូច្នេះ Rashford ដូចជា​ពិបាក​នឹង​ទទួលបានកៅអី​ក្នុង​ក្រុម​ជម្រើស  ណាស់។

          ខ្សែប្រយុទ្ធវ័យក្មេងរូបនេះបានបង្ហាញមុខ​៣៧លើក​នៅគ្រប់ការប្រកួត​សម្រាប់​ក្រុម​​ Man Utd ​នៅរដូវកាលនេះហើយយ​រក​បាន​១០​គ្រាប់ផងដែរ៕

adverise with khmeread
Loading ad ...