ក្លឹប West Ham បង្ហាញចំណាប់អារម្មណ៍ចង់ផ្ទេរខ្សែបម្រើ Shinji Kagawa

អ្នកចាត់ការក្លឹប West Ham លោក David Moyes មាន​បំណងចង់ជួប​ជុំជាមួយ​អតីត​ខ្សែ​បម្រើ​ Shinji Kagawa ឡើងវិញ​។ កីឡាករអន្តរជាតិ​ជប៉ុនរូបនេះបាន​ផ្ទេរពីក្លឹប Dortmund មកកាន់ទឹកដី Old Trafford កាលពី៦ឆ្នាំ​មុន ហើយ​រកបាន​៦គ្រាប់​ក្នុង​ការបង្ហាញមុខ​៥៧​លើក​ក្នុង​រយៈ​ពេល​ពីរ​រដូវកាល​ក្រោម​ការដឹកនាំ​របស់​លោក Alex Ferguson និង​គ្រូបង្វឹកលោក Moyes។

          ប៉ុន្តែ Kagawa បាន​វិលត្រឡប់ទៅកាន់​ក្លឹប Dortmund វិញកាលពីរដូវក្តៅ​ឆ្នាំ​២០១៤​ ហើយ​រកបាន​៣១គ្រាប់​សម្រាប់ការ​បង្ហាញមុខ​១៣៩លើក​ អំឡុង​សម័យកាល​ទី​២​របស់​ខ្លួន​។

          ខណ:ដែល West Ham គ្រោងនឹង​រុះរើ​ក្រុម​របស់ខ្លួន​ឡើង​វិញ​នៅ​រដូវក្តៅនេះ បន្ទាប់ពី​ធ្លាក់ទៅតំបន់​កាត់ចេញនោះ នៅពេល​នេះ ពួកគេទំនងជា​មាន​សុវត្ថិភាព​ឡើងវិញ។ លោក Moyes រំពឹងថា នឹងបន្តការងាររបស់លោកយូរអង្វែង​ជាមួយ​ក្លឹបនេះ​រហូតដល់ដំណាច់រដូវកាល​បន្ទាប់ពីត្រូវ​បាន​តែងតាំងកាល​ពីខែវិច្ឆិកាឆ្នាំ​មុន៕

adverise with khmeread