adverise with khmeread 318b420500000578 3463548 image a 21 1456396564292

ឪពុក​ដ៏​អស់សង្ឃឹម​ម្នាក់​សម្រេច​សាក់​រូប​លើ​កូនភ្លោះ​ទើបតែ​គ្រប់​ខែ​របស់ខ្លួន ដោយសារ​មូលហេតុ​មួយ​

​    ​ឪពុក​ម្នាក់​បានទទួល​ការផ្ដល់​ដំបូន្មាន​ដោយ​ឲ្យ​សាក់​រូប​លើ​កូនភ្លោះ​ម្នាក់​ក្នុងចំណោម​កូនភ្លោះ​ទាំងពីរ ដើម្បី​សម្គាល់​ទៅលើ​កូនតូច​ដ៏​គួរ​ឲ្យ​អាណិត​ម្នាក់​ក្នុងចំណោម​ពួកគេ​ទាំងពីរ ដែល​ត្រូវតែ​ឲ្យ​ថ្នាំ​ព្យាបាល​រៀងរាល់​ពេល​។​

​    ​បុរស​ជា​ឪពុក​ដែល​មិន​បញ្ចេញ​អត្តសញ្ញាណ​បាន​ចូលមក​វេទិកា​ពិភាក្សា​លើ​វេ​ប​សាយ Reddit ដើម្បី​ឲ្យ​បកស្រាយ​អំពី​បញ្ហា​កូន​របស់គាត់​ឈ្មោះ Adam និង Aaron ជាពិសេស​បញ្ហា​សុខភាព​របស់ Aaron​។​

​    ​ឪពុកម្ដាយ​របស់​កូនភ្លោះ​ទាំងពីរ​មិន​សម្គាល់​កូនភ្លោះ​របស់គាត់​នោះទេ និង​បាន​យក​ប៊ិក​ហ្វឺត​លុប​មិន​ជ្រះ​ដើម្បី​គូរ​សម្គាល់​លើ​ដៃ​របស់ Adam ។​

​    ​ប៉ុន្ដែ​មានរឿង​មួយ​កើតឡើង​ចំពោះ​ក្មេង​ទាំងពីរ​ដែល​ត្រូវបាន​មើលថែ​ពី​យាយ​របស់​ពួកគេ​។ បន្ទាប់ពី​លោកយាយ​បាន​យក​ពួកគេ​ទាំងពីរ​ទៅ​ងូតទឹក​ស្នាម​ប៊ិក​ដែល​លុប​មិន​ជ្រះ​នោះ​ស្រាប់តែ​បាត់​អស់ពី​កដៃ​របស់ Adam ហើយ​លោកយាយ​របស់​ពួកគេ​បាន​ឲ្យ​ថ្នាំ​ច្រឡំ​ទៅ Adam ផឹក​ជំនួស​ឱ្យ Aaron​។​

​    ​បុរស​ជា​ឪពុក​បាន​សរសេរ​ក្នុង​វេ​ប​សាយ Reddit ថា "Adam បាន​ធ្លាក់ខ្លួន​ឈឺ​យ៉ាងធ្ងន់ធ្ងរ ខណៈដែល Aaron បាន​សម្រាក​ក្នុង​មន្ទី​ពេទ្យ​អស់​រយៈពេល​មួយ​សបា្ដហ៍​ហើយ​។ នេះ​គឺជា​រឿង​ដែល​អាក្រក់​បំផុត​សម្រាប់​ពួក​ខ្ញុំ ហើយ​ខ្ញុំ​មិន​ចង់ឃើញ​រឿងនេះ​កើតឡើង​ម្ដងទៀត​ទេ​"​។​

​    ​គាត់​និង​ប្រពន្ធ​របស់គាត់​ព្យាយាម​រក​អស់​មធ្យោបាយ ដូចជា កោរសក់​ក្នុងចំណោម​ពួកគេ​ម្នាក់ ពាក់អាវ​ផ្សេងគ្នា លាប​ពណ៌​ក្រចក ដោយ​ម្នា​ក់ពាក់​ខ្សែក និង​ម្នា​ក់ពាក់​ខ្សែដៃ ប៉ុន្ដែ​ពួក​ចង់បាន​មធ្យោបាយ​អចិន្ត្រៃយ៍​ទៅលើ​បញ្ហា​នេះ​។​

​    ​ខណៈនោះ​ដែល​អ្នកផ្ដល់​ម​តិ​យោបល​នៅលើ​វេ​ប​សាយ Reddit បានផ្ដល់​ឲ្យ​នូវ​ពីរ​ជម្រើស​គឺ​មួយ​សាក់​នៅលើ​បាតជើង និង​មួយទៀត​ដោយ​ការ​ចោះត្រចៀក​ពួកគេ​។​

​    ​អ្នកលេង Reddit បាន​ឲ្យ​យោបល់​ដោយ​ការ​ចោះត្រចៀក​គឺ​ល្អ​ជាង និង​នៅពេលដែល​ពួកគេ​ធំ​ឡើង​នឹង​អាច​ពាក់​ក្រវិល​បាន​។​

​    ​អ្នកលេង​ផ្សេងទៀត​បាន​បដិសេធ​ដោយ​និយាយថា ពួកគេ​អាច​នឹង​ត្រូវគេ​វិនិច្ឆ័យ​ដោយ​ការ​ចោះ​ក្រវិល​នោះ​។​

​    ​តែ​ភាគច្រើន​បាន​ឲ្យ​ជ្រើសរើស​សាក់​រូប​ថា​ជា​គំនិតល្អ​ជាង​។ ហើយ​ការ​ចោះត្រចៀក​ក៏​មិន​ជៀសវាង​ការ​ច្រ​លំ​បានដែរ ដោយសារ​វា​អាច​នឹង​រួម​ផ្ជិ​ត​វិញ​បាន​៕

adverise with khmeread
ប្រភព៖ dailymail​

អ្នកនឹងចូលចិត្ត

មតិយោបល់