ចុមចិនខ្លាំងម៉្លេះ កំពុងត្រៀមផលិតកាំភ្លើង AK-47 ប្រើប្រព័ន្ធឡាស៊ែរ អាចបាញ់មនុស្សឆេះខ្លោច ប៉ុន្តែទុកសម្រាប់ប្រឆាំងភេរវកម្មប៉ុណ្ណោះ

យោងតាមក្រុមអ្នកស្រាវជ្រាវបានឱ្យដឹងថា យោធាចិនបានផលិតកាំភ្លើង AK-47 ឡាស៊ែរ ដែលអាចធ្វើឱ្យឈឺចាប់ពិបាកទ្រាំបំផុត។ នេះបើយោងតាមកាសែត Dailymail ចេញផ្សាយកាលពីថ្ងៃទី ២ កក្កដា។

អាវុធនេះអាចបាញ់ដល់គោលដៅនៅចម្ងាយ ៨០០ ម៉ែត្រដោយប្រើថាមពលកម្តៅមិនអាចមើលឃើញដោយភ្នែកទទេ ប៉ុន្តែបង្កឱ្យរលាកឆេះស្បែកមនុស្ស។ 

កាំភ្លើងនេះខ្លាំងគ្រប់គ្រាន់ដើម្បីទម្លុះបង្អួច និងដុតសម្លៀកបំពាក់ក្នុងរយៈពេលត្រឹមប៉ុន្មានវិនាទីប៉ុណ្ណោះ។ នេះបើយោងតាមអ្នកវិទ្យាសាស្ត្រមិនបញ្ចេញឈ្មោះម្នាក់ដោយសារតែភាពរសើបនៃគម្រោងនេះ។

ប្រភពបាននិយាយថាកាំភ្លើងនេះត្រៀមរួចជាស្រេចដើម្បីផលិតជាទ្រង់ទ្រាយធំហើយនឹងត្រូវចែកចាយទៅក្រុមប៉ូលិសប្រឆាំងភេរវកម្មមុនគេ ប៉ុន្តែមិនបានបញ្ជាប់កាលបរិច្ឆេទចែកចាយនោះទេ។ 

តាមប្រភពដដែល អាវុធនេះអាចនឹងមានតម្លៃ ១៥.០០០ ដុល្លារក្នុងមួយដើម ហើយរ៉ាប់រងផលិតដោយក្រុមហ៊ុន ZKZM Laser។ នេះបើយោងតាមកាសែត South Chian Morning Post៕

adverise with khmeread

អ្នកនឹងចូលចិត្ត